Citroen C3 Aircross ஆட்டோமேட்டிக் வேரியன்ட் ரூ. 12.85 லட்சத்தில் அறிமுகப்படுத்தப்பட்டது

சிட்ரோன் C3 ஏர்கிராஸ் இப்போது அதன் பிரிவில் மிகவும் குறைவான விலையில் உள்ள ஆட்டோமெட்டிக் ஆப்ஷனாக உள்ளது. இது மற்ற ஆட்டோமெட்டிக் காம்பாக்ட் எஸ்யூவி -களை விட சுமார் ரூ. 50,000 வரை குறைவாக உள்ளது.

• C3 ஏர்கிராஸ் இப்போது 6-ஸ்பீடு ஆட்டோமேட்டிக் டிரான்ஸ்மிஷன் ஆப்ஷனுடன் கிடைக்கிறது.

• C3 ஏர்கிராஸின் மிட்-ஸ்பெக் பிளஸ் வேரியன்ட்டிலிருந்து ஆட்டோமெட்டிக் டிரான்ஸ்மிஷன் ஆப்ஷனை பெறலாம்.

• இது 1.2 லிட்டர் டர்போ-பெட்ரோல் இன்ஜினை பயன்படுத்துகிறது, இது 110 PS மற்றும் 190 Nm அவுட்புட்டை கொடுக்கின்றது.

• எஸ்யூவி -யில் உள்ள வசதிகளில் எந்த மாற்றமும் செய்யப்படவில்லை.

• இது 10.2 இன்ச் டச் ஸ்கிரீன் இன்ஃபோடெயின்மென்ட் சிஸ்டம், 7 இன்ச் டிரைவர் டிஸ்ப்ளே மற்றும் மேனுவல் ஏசி ஆகியவற்றைக் கொண்டுள்ளது.

• பாதுகாப்புக்காக டூயல் முன் ஏர்பேக்குகள், ABS உடன் EBD, ஹில் ஹோல்ட் அசிஸ்ட் மற்றும் பின்புற பார்க்கிங் கேமரா ஆகியவை கொடுக்கப்பட்டுள்ளன.

சிட்ரோன் சி3 ஏர்கிராஸ் 12.85 லட்சத்தில் இருந்து (எக்ஸ்-ஷோரூம் இந்தியா) தொடங்கும் ஆட்டோமெட்டிக் வேரியன்ட்கள் இறுதியாக வந்துள்ளன. இது ஆரம்பத்தில் செப்டம்பர் 2023 இல் இந்தியாவில் அறிமுகப்படுத்தப்பட்டபோது, ​​சிட்ரோனின் காம்பாக்ட் எஸ்யூவி 6-ஸ்பீடு மேனுவல் டிரான்ஸ்மிஷனுடன் மட்டுமே வழங்கப்பட்டது. இப்போது, ​​இது 6-ஸ்பீடு ஆட்டோமேட்டிக் டிரான்ஸ்மிஷன் (டார்க் கன்வெர்ட்டர்) ஆப்ஷனையும் பெறுகிறது.

C3 ஏர்கிராஸ் 3 வேரியன்ட்களில் வழங்கப்படுகிறது - லைவ், ஃபீல் மற்றும் மேக்ஸ் - மேலும் இந்த பிரிவில் 7-சீட்டர் அமைப்பு, நீக்கக்கூடிய வகையிலான மூன்றாவது வரிசை இருக்கைகள் ஆகியவற்றைத் கொடுக்கும் ஒரே சிறிய எஸ்யூவி ஆகும். இவற்றில், மிட்-ஸ்பெக் பிளஸ் மற்றும் டாப்-ஸ்பெக் மேக்ஸ் வேரியன்ட்களில் ஆட்டோமேட்டிக் டிரான்ஸ்மிஷன் தேர்வு வருகிறது. மேலும் விவரங்களுக்குச் செல்வதற்கு முன், C3 ஏர்கிராஸ் ஆட்டோமேட்டிக்கிறகான விலை விவரங்கள் இங்கே கொடுக்கப்பட்டுள்ளன:

அதன் மேனுவல் கார்களுடன் ஒப்பிடுகையில், வாடிக்கையாளர்கள் ஆட்டோமேட்டிக் வேரியன்ட்களுக்கு கூடுதலாக ரூ.1.3 லட்சம் செலுத்த வேண்டும். எஸ்யூவி -யின் 7-சீட்டர் பிளஸ் வேரியன்ட்டிற்கான ஆட்டோமெட்டிக் டிரான்ஸ்மிஷன் ஆப்ஷனை சிட்ரோன் வழங்கவில்லை என்பது குறிப்பிடத்தக்கது.

இதையும் பார்க்கவும்: Citroen eC3 புதிய டாப்-ஸ்பெக் ஷைன் வேரியன்டுடன் அதிக அம்சங்கள் நிறைந்ததாக உள்ளது

அதே டர்போ-பெட்ரோல் இன்ஜின்

சிட்ரோன் C3 ஏர்கிராஸ் ஆனது அதே 1.2-லிட்டர் டர்போ-பெட்ரோல் இன்ஜின் (110 PS / 190 Nm) மூலம் இயக்கப்படுகிறது, இது இப்போது 6-ஸ்பீடு மேனுவல் டிரான்ஸ்மிஷன் மற்றும் 6-ஸ்பீடு டார்க் கன்வெர்ட்டர் ஆட்டோமேட்டிக் ஆகிய இரண்டின் தேர்வுகளையும் பெறுகிறது. 6-ஸ்பீடு ஆட்டோமேட்டிக் டிரான்ஸ்மிஷன் வேரியன்ட்டிற்கான முறுக்கு வெளியீடு 205 Nm ஆக அதிகரிக்கிறது, இது C3 ஏர்கிராஸ் இன் மேனுவல் எடிஷனை விட 15 Nm கூடுதலாகும்.

இதையும் பார்க்கவும்: 2024 ஹூண்டாய் கிரெட்டா vs ஸ்கோடா குஷாக் vs ஃபோக்ஸ்வேகன் டைகுன் vs ஹோண்டா எலிவேட் vs எம்ஜி ஆஸ்டர் vs சிட்ரோன் சி3 ஏர்கிராஸ்: விவரங்கள் ஒப்பீடு

• நிலுவையில் உள்ள உங்களது சலான்களை சரிபார்க்கவும்

• யூஸ்டு கார் வேல்யூஷன்

வசதிகளில் மாற்றங்கள் இல்லை

ஆட்டோமேட்டிக் டிரான்ஸ்மிஷனின் அறிமுகத்துடன் எஸ்யூவி -யின் வசதிகளின் பட்டியலில் சிட்ரோன் எந்த மாற்றத்தையும் செய்யவில்லை. வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளேயுடன் கூடிய 10.2 இன்ச் டச்ஸ்கிரீன் இன்ஃபோடெயின்மென்ட் சிஸ்டம், 7 இன்ச் டிஜிட்டல் டிரைவரின் டிஸ்ப்ளே, ஸ்டீயரிங் மவுண்டட் ஆடியோ கன்ட்ரோல்கள் மற்றும் மேனுவல் ஏசி போன்ற வசதிகள் C3 ஏர்கிராஸ் காரில் உள்ளன.

பாதுகாப்பைப் பொறுத்தவரையில் சிட்ரோன் C3 ஏர்கிராஸ் உடன் டூயல் முன் ஏர்பேக்குகள், EBD உடன் ABS, ஹில் ஹோல்ட் அசிஸ்ட், டயர் பிரஷர் மானிட்டர் சிஸ்டம் (TPMS) மற்றும் பின்புற பார்க்கிங் கேமரா ஆகியவற்றைக் கொண்டுள்ளது.

விலை போட்டியாளர்கள்

சிட்ரோன் சி3 ஏர்கிராஸின் விலை இப்போது ரூ.9.99 லட்சம் முதல் ரூ.13.85 லட்சம் (எக்ஸ்-ஷோரூம் பான் இந்தியா) வரை உள்ளது. ஹோண்டா எலிவேட், ஹூண்டாய் கிரெட்டா, கியா செல்டோஸ், மாருதி கிராண்ட் விட்டாரா, ஃபோக்ஸ்வேகன் டைகுன், ஸ்கோடா குஷாக், மற்றும் எம்ஜி ஆஸ்டர் ஆகிய கார்களுக்கு போட்டியாக உள்ளது.

மேலும் படிக்க: சிட்ரோன் C3 ஏர்கிராஸ் ஆன் ரோடு விலை