Tata Nexon CNG கார் சோதனை தொடங்கியது, கார் விரைவில் வெளியிடப்படும் என எதிர்பார்க்கப்படுகிறது
published on மார்ச் 15, 2024 07:50 pm by ansh for டாடா நிக்சன்
- 32 Views
- ஒரு கருத்தை எழுதுக
இந்திய சந்தையில் டர்போ-பெட்ரோல் இன்ஜினுடன் வரும் முதல் CNG கார் இதுவாக இருக்கலாம்.
-
120 PS மற்றும் 170 Nm பவரை வழங்கும் 1.2 லிட்டர் டர்போ-பெட்ரோல் இன்ஜின் மூலம் இயக்கப்படும்.
-
மேனுவல் மற்றும் AMT ஆகிய இரண்டு ஆப்ஷன்களையும் பெறலாம் என எதிர்பார்க்கப்படுகிறது.
-
வழக்கமான வேரியன்ட்களை விட CNG வேரியன்ட்கள் விலை சுமார் ரூ. 1 லட்சம் கூடுதலாக வரலாம்.
ஃபேஸ்லிஃப்ட் டாடா நெக்ஸான் ப்ரீ-ஃபேஸ்லிஃப்ட் பதிப்பின் அதே டர்போ-பெட்ரோல் மற்றும் டீசல் இன்ஜின் ஆப்ஷன்களுடன் கடந்த ஆண்டு அறிமுகப்படுத்தப்பட்டது. 2024 பாரத் மொபிலிட்டி எக்ஸ்போவில் டாடா சப்காம்பாக்ட் எஸ்யூவி -யின் CNG வெர்ஷனை காட்சிப்படுத்தியது. ஆகவே இது விரைவில் அறிமுகப்படுத்தப்படலாம் என எதிர்ப்பார்க்கப்படுகின்றது. சமீபத்தில் நெக்ஸானின் உருமறைப்பு சோதனை கார் சாலையில் தென்பட்டது. மேலும் இது வரவிருக்கும் CNG பதிப்பாக இருக்கலாம்.
பவர்டிரெய்ன் விவரங்கள்
நெக்ஸான் CNG இந்திய சந்தையில் டர்போ-பெட்ரோல் இன்ஜினுடன் CNG ஆப்ஷனை வழங்கும் முதல் கார் ஆகும். இது வழக்கமான பதிப்பின் அதே 1.2-லிட்டர் டர்போ-பெட்ரோல் இன்ஜினை பயன்படுத்தும். இது 120 PS மற்றும் 170 Nm அவுட்புட்டை கொடுக்கின்றது. இருப்பினும் அவுட்புட் சற்று குறைவாக இருக்கும்.
மேலும் படிக்க: Tata Nexon EV ஃபேஸ்லிஃப்ட் லாங் ரேஞ்ச் Vs Tata Nexon EV (பழையது): ரியல் வேர்ல்டு செயல்திறன் ஒப்பீடு
டிரான்ஸ்மிஷன் ஆப்ஷனை பொறுத்தவரை டாடா இதை 5-ஸ்பீடு மேனுவல் டிரான்ஸ்மிஷனுடன் வழங்கும். மேலும் இது டியாகோ மற்றும் டிகோர் CNG போன்று AMT ஆப்ஷனையும் பெறலாம். நெக்ஸான் CNG -யின் செயல்திறன் மற்றும் மைலேஜ் விவரங்கள் இன்னும் வெளியாகவில்லை.
வசதிகள் மற்றும் பாதுகாப்பு
இப்போதைக்கு CNG ஆப்ஷன் ஹையர் வேரியன்ட்டில் கிடைக்குமா இல்லையா என்பது உறுதியாகத் தெரியவில்லை. ஆனால் அவ்வாறு கிடைத்தால் சந்தையில் சிறந்த வசதிகளைக் கொண்ட CNG எஸ்யூவி -யாக இருக்கும். ஒரு டாப்-ஸ்பெக் நெக்ஸான் CNG ஆனது 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டம், டிரைவருக்கான 10.25-இன்ச் டிஜிட்டல் டிஸ்ப்ளே ஆட்டோமேட்டிக் கிளைமேட் கன்ட்ரோல், க்ரூஸ் கன்ட்ரோல், வயர்லெஸ் ஃபோன் சார்ஜர் வென்டிலேட்டட் முன் இருக்கைகள் மற்றும் சிங்கிள் பேன் சன்ரூஃப் போன்ற வசதிகளுடன் வரும்.
மேலும் படிக்க: தமிழ்நாட்டில் புதிய உற்பத்தி தொழிற்சாலைக்காக ரூ.9000 கோடியை முதலீடு செய்யும் டாடா மோட்டார்ஸ்
பாதுகாப்பைப் பொறுத்தவரை இது 6 ஏர்பேக்குகள், ABS உடன் EBD, எலக்ட்ரானிக் ஸ்டெபிலிட்டி கண்ட்ரோல் (ESC), டயர் பிரஷர் மானிட்டர் சிஸ்டம் (TPMS), ISOFIX சைல்டு சீட் ஆங்கர்ஸ் மற்றும் ஒரு பிளைண்ட் வியூ மானிட்டர் 360 டிகிரி கேமராவுடன் வரலாம்.
விலை & போட்டியாளர்கள்
டாடா நெக்ஸான் விலை ரூ. 8.15 லட்சத்தில் இருந்து ரூ. 15.80 லட்சம் (எக்ஸ்-ஷோரூம்) வரை உள்ளது. மற்றும் CNG வேரியன்ட்கள் பெட்ரோல்-மேனுவல் வேரியன்ட்டை விட சுமார் ரூ.1 லட்சம் கூடுதலாக இருக்கும் என எதிர்பார்க்கப்படுகிறது. அறிமுகப்படுத்தப்படும் போது அதன் ஒரே நேரடி போட்டியாளராக மாருதி பிரெஸ்ஸா -வின் CNG வேரியன்ட்கள் இருக்கும். வழக்கமான நெக்ஸான் கியா சோனெட், ஹூண்டாய் வென்யூ, மஹிந்திரா XUV300, நிஸான் மேக்னைட் மற்றும் ரெனால்ட் கைகர் ஆகியவற்றுடன் போட்டியிடுகின்றது.
மேலும் படிக்க: டாடா நெக்ஸான் AMT
