இந்தியாவில் 2024 -ம் ஆண்டு 3 புதிய கியா கார்கள் வெளியாகும் என்பது உறுதி செய்யப்பட்டுள்ளது
published on டிசம்பர் 19, 2023 07:31 pm by rohit for க்யா சோனெட்
- 63 Views
- ஒரு கருத்தை எழுதுக
கியா 2023 -ல் ஒரு காரை மட்டுமே விற்பனைக்கு கொண்டு வந்தது, 2024 -ல் இந்தியாவில் சில ஃபிளாக்ஷிப் கார்களுடன் பெரிய அளவிலான வெளியீடுகளுக்கு தயாராக உள்ளது.
2023 -ம் ஆண்டில் ஃபேஸ்லிஃப்ட் செய்யப்பட்ட கியா செல்டோஸ் மட்டுமே இந்தியாவில் கியாவின் ஒரே அறிமுகமாக இருந்தது. கியாவின் பட்டியலில் அந்த எஸ்யூவி முக்கியத்துவம் வாய்ந்தது, அதன் போட்டியாளர்களுடன் ஒப்பிடுகையில் ஒரு மெதுவான ஆண்டாகவே இருந்தது. எவ்வாறாயினும், கியா சமீபத்தில் 2024 -ல் இந்தியாவில் அறிமுகப்படுத்த திட்டமிட்டுள்ள 3-கார்களின் வரிசையை உறுதிப்படுத்தியுள்ளது, இதில் ஃபிளாக்ஷிப் EV காரும் அடங்கும். கூடுதல் விவரங்களை தெரிந்து கொள்ள தொடர்ந்து படிக்கவும்.
கியா சோனெட் ஃபேஸ்லிஃப்ட்
ஃபேஸ்லிஃப்ட் கியா சோனெட் சமீபத்தில் அறிமுகமானது. மிட்லைஃப் அப்டேட்டுடன், சப்-4எம் எஸ்யூவி தைரியமாகவும் சிறப்பாகவும் இருப்பது மட்டுமல்லாமல், சிறந்த வசதியுடன் கூடிய காராகவும் மாறியுள்ளது (முக்கியமான பாதுகாப்பு அம்சங்களும் சேர்க்கப்பட்டுள்ளன). அதன் பவர்டிரெய்ன் ஆப்ஷன்கள் பழைய சோனெட்டைப் போலவே இருந்தாலும், அது இப்போது டீசல்-மேனுவல் காம்போவை மீண்டும் பெற்றுள்ளது.
எதிர்பார்க்கப்படும் வெளியீடு: ஜனவரி 2024
எதிர்பார்க்கப்படும் விலை: ரூ.8 லட்சம்
புதிய கியா கார்னிவல்
இந்தியாவைப் பொறுத்தவரை,நீண்ட கால தாமதத்திற்குப் பிறகு நான்காவது தலைமுறை கியா கார்னிவல் இறுதியாக அதன் ரசிகர்களின் ஆர்வத்துக்கு பதிலளிக்கத் தயாராக இருப்பதாகத் தெரிகிறது. புதிய கார்னிவல் இந்தியாவில் 2024 -ல் விற்பனைக்கு வரும், மேலும் சமீபத்தில் உலகளவில் வெளியிடப்பட்ட ஃபேஸ்லிஃப்ட் அவதாரத்தில் அது வரலாம். இப்போது நிறுத்தப்படவுள்ள மாடலை விட உள்ளேயும் வெளியேயும் வடிவமைப்பு, அம்சங்கள் வரக்கூடும். ஆகவே விலையும் அதிகரிக்க வாய்ப்புள்ளது இது சர்வதேச அளவில் பல பவர்டிரெய்ன் ஆப்ஷன்களுடன் வழங்கப்படுகின்றது (இந்தியா-ஸ்பெக் கார்னிவல் பற்றிய சரியான விவரங்கள் இன்னும் தெரியவில்லை).
எதிர்பார்க்கப்படும் வெளியீடு: ஏப்ரல் 2024
எதிர்பார்க்கப்படும் விலை: ரூ.40 லட்சம்
இதையும் பாருங்கள்: 7 படங்களில் புதிய Kia Sonet காரின் HTX+ வேரியன்ட்டை விரிவாக பாருங்கள்
கியா EV9
2023 -ம் ஆண்டில், கியா அதன் ஃபிளாக்ஷிப் EV -யான கியா EV9 தயாரிப்பை வெளியிட்டது. உலகளவில். இது 3-வரிசை அனைத்து-எலக்ட்ரிக் எஸ்யூவி ஆகும், இது பல பேட்டரி மற்றும் மின்சார மோட்டார் விருப்பங்களை வழங்குகிறது, ரியர் வீல் டிரைவ் (RWD) மற்றும் ஆல்-வீல்-டிரைவ் (AWD) ஆகிய இரண்டு ஆப்ஷன்களை வழங்குகிறது. ஃபிளாக்ஷிப் கியா EV ஆனது, தேர்ந்தெடுக்கப்பட்ட பவர் டிரெய்னை பொறுத்து 541 கி.மீக்கும் அதிகமான தூரத்தை வழங்குவதாகக் கூறப்படுகிறது. இது சர்வதேச அளவில் விற்கப்படும் ஃபிளாக்ஷிப் காரான Kia Telluride எஸ்யூவி -க்கு மாற்றாக இருக்கும், இது நிறைய வசதி மற்றும் பாதுகாப்பு தொழில்நுட்பத்தை கொண்டுள்ளது. கியா EV9 -ஐ முழுமையாக கட்டமைக்கப்பட்ட யூனிட் (CBU) ஆக இந்தியாவிற்கு கொண்டு வரும் என்று எதிர்பார்க்கலாம்.
எதிர்பார்க்கப்படும் வெளியீடு: 2024 -ன் இரண்டாம் பாதி
எதிர்பார்க்கப்படும் விலை: ரூ.80 லட்சம்
2024ல் இந்திய சந்தையில் அறிமுகமாகும் 3 கியா கார்கள் இவைதான். புதிய கார்களின் பட்டியல் உங்களை உற்சாகப்படுத்தியிருக்கிறதா, வேறு எந்த கியா கார்களை இந்தியாவில் பார்க்க விரும்புகிறீர்கள்? கமென்ட்டில் உங்கள் கருத்துகளை பதிவிடுங்கள்.
அனைத்தும் எக்ஸ்-ஷோரூம் -க்கான விலை
