இப்போது ஒரு சப்-காம்பாக்ட் செடான் காரை நீங்கள் வீட்டுக்கு எடுத்து வர 3 மாதங்கள் வரை ஆகலாம்

அனைத்து முக்கிய நகரங்களிலும் ஹூண்டாய் ஆரா காருக்கு சராசரியாக இரண்டு மாதங்கள் வரை காத்திருக்க வேண்டியிருக்கும்.

இந்த ஆண்டு ஒரு சப்-4m செடான் காரை வாங்க நீங்கள் திட்டமிட்டிருந்தால் உங்களுக்கு மாருதி டிசையர் ஹூண்டாய் ஆரா ஹோண்டா அமேஸ் மற்றும் டாடா டிகோர் ஆகிய ஆப்ஷன்கள் உள்ளன. 2024 ஜூன் மாதம் இந்த சப்-காம்பாக்ட் செடான்களில் ஒன்றைப் புக் செய்தால் அதை வீட்டுக்கு கொண்டு வர எவ்வளவு காலம் காத்திருக்க வேண்டும் என்பதைக் கண்டறிய இந்தியா முழுவதும் உள்ள 20 முக்கிய நகரங்களில் அவர்களின் காத்திருப்பு காலத்துக்கான விவரங்களின் பட்டியலை நாங்கள் கீழே தொகுத்துள்ளோம்: 

• இந்தியாவில் புதிதாக வரவிருக்கும் அனைத்து கார்களின் விவரங்கள்

முக்கிய விவரங்கள்

• மாருதி டிசையர் காரை வீட்டுக்கு எடுத்து செல்ல ஜூன் மாதத்தில் பெரும்பாலான நகரங்களில் அதிகபட்சமாக 2 மாதங்கள் வரை காத்திருக்க வேண்டும். இருப்பினும் மாருதியின் செடானுக்கான காத்திருப்பு காலம் அகமதாபாத், காசியாபாத் மற்றும் ஃபரிதாபாத் ஆகிய இடங்களில் மூன்று மாதங்களாக உள்ளது. இது ஜூன் மாதத்தில் இதுவே அதிகமான காத்திருப்பு காலத்தை கொண்டுள்ள கார் ஆகும்.

• டாடா டிகோர் பெரும்பாலான நகரங்களில் 2 மாதங்கள் வரை காத்திருப்பு காலத்தை கொண்டுள்ளது. அதே சமயம் மும்பை, புனே, குருகிராம் மற்றும் அகமதாபாத் உள்ளிட்ட சில நகரங்களில் வாடிக்கையாளர்கள் இந்த காரை வாங்க 1 மாதம் காத்திருக்க வேண்டும்.

• ஹோண்டா அமேஸ் இங்கு மிக எளிதாகக் கிடைக்கும் சப்-காம்பாக்ட் செடான் ஆகும். இதன் அதிகபட்ச காத்திருப்பு காலம் வெறும் 1 மாதம் மட்டுமே. இது மும்பை, பாட்னா, ஜெய்ப்பூர் மற்றும் கொல்கத்தா போன்ற நகரங்களில் எளிதாகக் கிடைக்கிறது.

• ஹூண்டாய் ஆரா -வுக்கு சராசரியாக 2 மாதங்கள் காத்திருக்கும் காலம் உள்ளது. இருப்பினும் ஹைதராபாத், சண்டிகர் மற்றும் இந்தூர் போன்ற சில நகரங்களில் 2.5 மாதங்கள் வரை காத்திருக்க வேண்டியிடுக்கும்.

புதிய காருக்கான சரியான காத்திருப்பு நேரம் வேரியன்ட் மற்றும் தேர்ந்தெடுக்கப்பட்ட நிறம் மற்றும் உங்களுக்கு அருகிலுள்ள டீலர்ஷிப்பில் உள்ள ஸ்டாக் ஆகியவற்றின் அடிப்படையில் வேறுபடலாம் என்பதை நினைவில் வைக்கவும்.