9 படங்களில் மாருதி Jimny Thunder எடிஷனை விரிவாகப் பாருங்கள்
25,000 மதிப்புள்ள தண்டர் எடிஷன் கிட் வாடிக்கையாளர்களுக்கு ஒரு குறிப்பிட்ட காலத்திற்கு இலவசமாக வழங்கப்படுகிறது.
மாருதி ஜிம்னி -க்கு சமீபத்தில் ஒரு புதிய ஸ்பெஷல் எடிஷன் கிடைத்தது, அதாவது தண்டர் எடிஷன். இதில் வெளிப்புற மற்றும் உட்புற ஸ்டைலிங் எலமென்ட்களை உள்ளடக்கிய ஆக்ஸசரி கிட்கள் கொடுக்கப்படுகின்றன. 25,000 மதிப்புள்ள இந்த கிட் ஒரு குறிப்பிட்ட காலத்திற்கு வாடிக்கையாளர்களுக்கு இலவசமாக கிடைக்கும். ஜிம்னியின் ஜெட்டா மற்றும் ஆல்ஃபா ஆகிய இரண்டு வகைகளிலும் தண்டர் எடிஷன் கிடைக்கும்.
ஜிம்னி தண்டர் எடிஷன் இப்போது டீலர்ஷிப்களை அடைந்துள்ளது, அது எப்படி இருக்கிறது மற்றும் என்ன வசதிகள் அதில் இருக்கின்றன என்பது இங்கே:
ஜிம்னியின் தண்டர் எடிஷன் முன்பக்க பம்பர் மற்றும் ஸ்டைலான ஸ்கிட் பிளேட்டை கொண்டுள்ளது. முன்பக்கத்தில் சில்வர் நிறத்தில் ஃபினிஷ் செய்யப்பட்ட எலமென்ட்களுடன், ஸ்பெஷலான மவுன்ட்டெயின் ஸ்டிக்கரை இது பெற்றுள்ளது.
இதையும் பார்க்கவும்: இந்த டிசம்பரில் ரூ. 2 லட்சத்துக்கும் கூடுதலான இயர்-எண்ட் ஆஃபர்களுடன் நெக்ஸா காரை உங்களால் வாங்க முடியும்
கிட்டில் முன் ஃபெண்டரில் சில்வர் நிறத்தில் ஃபினிஷ் செய்யப்பட்ட கார்னிஷ் அடங்கும்.
பக்கவாட்டில், ஜிம்னி தண்டர் பதிப்பு கதவு வைசர்கள், ORVM -களில் வெள்ளி கார்னிஷ்கள் மற்றும் 'ஜிம்னி' என்ற எழுத்துடன் கூடிய கூடுதல் டோர் கிளாடிங் மற்றும் மவுண்டன் டிகால்களுடன் வருகிறது. டாப்-ஸ்பெக் ஆல்பா வேரியன்ட் -டாக இருப்பதால், இது 15-இன்ச் அலாய் வீல்களுடன் வருகிறது. கூடுதலாக, ஸ்பெஷல் எடிஷன் கிட்டில் ரூஃப் பார்களும் அடங்கும்.
ஜிம்னியின் ஜெட்டா டிரிம் தேர்வு செய்தால், 15-இன்ச் ஸ்டீல் வீல்கள் கிடைக்கும்.
இதையும் பார்க்கவும்: EV -களுக்கான FAME மானியம் மேலும் 5 ஆண்டுகளுக்கு நீட்டிக்கப்பட வேண்டும்: FICCI கோரிக்கை
மவுண்டன் கிராபிக்ஸ் தவிர பல்வேறு பாடி ஸ்டிக்கர்களை தேர்வு செய்யும் ஆப்ஷனும் வாடிக்கையாளர்களுக்கு உள்ளது. நெக்ஸா புளூ, பேர்ல் ஆர்க்டிக் ஒயிட் மற்றும் ஜிம்னியின் சிக்னேச்சர் கலரான கைனெடிக் யெல்லோவ் உள்ளிட்ட பல்வேறு கலர் ஆப்ஷன்களில் தண்டர் எடிஷன் கிடைக்கிறது.
பின்புறத்தில், ஜிம்னியின் தண்டர் பதிப்பில் டெயில்கேட் பொருத்தப்பட்ட ஸ்பேர் வீலுக்கான கார்னிஷ் மற்றும் பின்புற ஃபெண்டரில் சில்வர் இன்செர்ட் ஆகியவை இடம்பெற்றுள்ளன.
உள்ளே, மாருதி ஜிம்னியின் தண்டர் எடிஷன் ஒரு தனித்துவமான பிளாக் மற்றும் பிரெளவுன் நிற அப்ஹோல்ஸ்டரி -யை கொண்டுள்ளது. டோர் பேனல்கள் மற்றும் முன் பயணிகளுக்கான சைடு கிராப் ரெயில் ஆகியவை டேன் நிற இன்செர்ட்களை பெறுகின்றன. டோர் ஹேண்டில்களை சுற்றிலும் டோர் பேனலின் கீழ் பகுதியிலும் ஸ்டிக்கர்கள் பயன்படுத்தப்பட்டுள்ளன.
ஜிம்னியின் தண்டர் எடிஷனானது அதன் வழக்கமான பதிப்பில் உள்ள அதே அம்சங்களையே கொண்டுள்ளது, இதில் 9-இன்ச் டச் ஸ்கிரீன், ஆட்டோமெட்டிக் ஏசி, க்ரூஸ் கன்ட்ரோல், 6 ஏர்பேக்குகள் மற்றும் பின்புற பார்க்கிங் கேமரா ஆகியவை அடங்கும்.
பவர்டிரெய்ன் ஆப்ஷன்கள்
மாருதி ஜிம்னி 1.5-லிட்டர் பெட்ரோல் இன்ஜின் (105 PS/134 Nm) மூலம் இயக்கப்படுகிறது, இது 5-ஸ்பீடு மேனுவல் டிரான்ஸ்மிஷன் அல்லது 4-ஸ்பீடு ஆட்டோமேட்டிக் டிரான்ஸ்மிஷனுடன், 4-வீல்-டிரைவ் (4WD) ஸ்டாண்டர்டாக இணைக்கப்பட்டுள்ளது.
விலை மற்றும் போட்டியாளர்கள்
ஜிம்னி, தண்டர் எடிஷனின் அறிமுகம் மூலம் ரூ. 2 லட்சம் வரை குறிப்பிடத்தக்க அளவிலான விலைக் குறைப்பைப் பெற்றுள்ளது, இருப்பினும் சலுகை குறிப்பிட்ட காலத்திற்கு மட்டுமே கிடைக்கும். தற்போது இதன் விலை ரூ.10.74 லட்சம் முதல் ரூ.15.05 லட்சம் (எக்ஸ்-ஷோரூம் டெல்லி) வரை உள்ளது. இது மஹிந்திரா தார், மற்றும் ஃபோர்ஸ் கூர்க்கா ஆகிய கார்களுடன் போட்டியிடும்.
மேலும் படிக்க: மாருதி ஜிம்னி ஆன் ரோடு விலை