Tata Punch EV மீண்டும் சாலையில் தென்பட்டுள்ளது: அது ஒரு லோவர்-ஸ்பெக் வேரியன்ட்டாக இருக்க வாய்ப்புள்ளது

இது ஸ்டீல் சக்கரங்களை கொண்டுள்ளது மற்றும் முந்தைய சோதனை கார்களில் பார்த்தது போல், பெரிய ஃப்ரீ-ஃப்ளோட்டிங் டச்ஸ்கிரீனும் இல்லை.

• பன்ச் EV டாடாவின் அடுத்த எலக்ட்ரிக் காராக அறிமுகமாகும்.

• நெக்ஸான் போன்ற ஸ்பிளிட் ஹெட்லைட்களை பெற LED DRL -கள் டர்ன் இன்டிகேட்டர்களாக செயல்படக்கூடியவை.

• கேபினில் 2-ஸ்போக் ஸ்டீயரிங் வீல் மற்றும் பேடில் ஷிஃப்டர்கள் (பேட்டரி ரீஜெனரேஷன் -க்காக).

• இரண்டு பேட்டரி பேக் ஆப்ஷன்களுடன் வரும் என எதிர்பார்க்கப்படுகிறது; 500 கிமீ வரை கிளைம்டு ரேஞ்சை கொண்டிருக்கலாம்.

• 2024 -ம் ஆண்டின் தொடக்கத்தில் வெளியிடப்படும், விலை ரூ. 12 லட்சத்தில் இருந்து தொடங்கலாம் (எக்ஸ்-ஷோரூம்).

டாடா பன்ச் EV காரின் தோற்றம் மறைக்கப்பட்ட எலக்ட்ரிக் எஸ்யூவி -யின் பல ஸ்பை ஷாட்கள் ஆன்லைனில் வெளிவந்துள்ளதால், அதன் அறிமுகத்தை நெருங்கி வருவதாகத் தெரிகிறது. அவற்றில் பெரும்பாலானவற்றில் சோதனைக் கார் என்பது EV-யின் ஃபுல்லி லோடட் வேரியன்ட்டாக தோன்றினாலும், அது லோவர் வேரியன்ட்டாக இருக்கலாம் என்பதை நாங்கள் இப்போது கண்டறிந்துள்ளோம்.

அப்படி சொல்வதற்கான காரணம் என்ன ?

சமீபத்திய படங்களில், இது ஒரு லோவர்-ஸ்பெக் வேரியன்ட் என்று நம்புவதற்கு இரண்டு விஷயங்கள் இருக்கின்றன. ஒன்று அலாய் வீல்கள் இல்லாதது மற்றொன்று முந்தைய படங்களில் கவனிக்கப்பட்ட ஃபிரீ-ஃபுளோட்டிங் (பெரிய) டச் ஸ்கிரீன் இல்லாதது ஆகும்.

புதிய நெக்ஸான்-போன்ற LED DRL -கள் (இவை டர்ன் இன்டிகேட்டர்களாக செயல்படும்) மற்றும் பிளவு-ஹெட்லைட் அமைப்பையும் கொண்டுள்ளது. முந்தைய ஸ்பைட் மாடல்களில் பின்புற டிஸ்க் பிரேக்குகள், மறுவடிவமைப்பு செய்யப்பட்ட கிரில் மற்றும் புதிய ஏர் டேம் ஹவுசிங் ஆகியவையும் இருந்தன.

• நிலுவையில் உள்ள உங்களது சலான்களை சரிபார்க்கவும்

• யூஸ்டு கார் வேல்யூஷன்

கேபின் மற்றும் அம்சங்கள்

இல்லுமினேட்டட் டாடா லோகோ மற்றும் பேடில் ஷிஃப்டர்கள் (பேட்டரி ரீஜெனரேஷன் அளவை சரிசெய்வதற்காக) கொண்ட 2-ஸ்போக் ஸ்டீயரிங் இருப்பதை எங்களால் கவனிக்க முடிந்தது.

பன்ச் EV இல் உள்ள மற்ற அம்சங்களில் ஆட்டோமெட்டிக் கிளைமேட் கன்ட்ரோல், செமி-டிஜிட்டல் டிரைவர் டிஸ்ப்ளே மற்றும் 360 டிகிரி கேமராவும் அடங்கும். பாதுகாப்புக்காக ஆறு ஏர்பேக்குகள், டயர் பிரஷர் மானிட்டரிங் சிஸ்டம் (TPMS) மற்றும் எலக்ட்ரானிக் ஸ்டெபிலிட்டி புரோகிராம் (ESP) ஆகியவை கொடுக்கப்படும்.

மேலும் படிக்க: ஒரு காலண்டர் ஆண்டின் இறுதியில் புதிய கார் வாங்குவதன் அனைத்து நன்மைகள் மற்றும் தீமைகள்

எலக்ட்ரிக் பவர்டிரெய்ன் ஆப்ஷன்கள்

பன்ச் EV இரண்டு பேட்டரி பேக்குகளின் தேர்வுடன் வரும் என்று எதிர்பார்க்கப்படுகிறது, டாடா இது 500 கிமீ வரை கிளைம்டு ரேஞ்சை கொண்டிருக்கும் என்று கூறுகிறது. ஆனால் எலக்ட்ரிக் மோட்டாரின் விவரங்கள் பற்றி இதுவரை எதுவும் தெரியவில்லை, ஆனால் இது பெரும்பாலும் 75 PS முதல் 100 PS வரையிலான ஆற்றலை உற்பத்தி செய்யலாம்.

• கார்தேகோ மூலம் கார் கடன் வாங்க

• உங்கள் வீட்டு வாசலில் கார் ரிப்பேர் சர்வீஸ்

இது எப்போது வெளியாகும் ?

டாடா பன்ச் EV 2024 -ம் ஆண்டின் தொடக்கத்தில் வெளியிடப்படும் என்று எதிர்பார்க்கப்படுகிறது, இதன் விலை ரூ. 12 லட்சத்தில் (எக்ஸ்-ஷோரூம்) தொடங்கும். இது சிட்ரோன் eC3 உடன் போட்டியிடும். மேலும் எம்ஜி காமெட் EV மற்றும் டாடா டியாகோ EV -க்கு மாற்றாகவும் இருக்கும்.

இதையும் பாருங்கள்: 2024 ஆண்டில் இந்தியாவிற்கு புதிதாக வரவிருக்கும் கார்கள்: அடுத்த ஆண்டு சாலைகளில் நீங்கள் இந்த கார்களை பார்க்க வாய்ப்புள்ளது

மேலும் படிக்க: பன்ச் AMT