Tata Harrier & Safari ஆகிய இரண்டு கார்களும் பாரத் NCAP சோதனையில் 5-நட்சத்திர மதிப்பீட்டைத் தக்கவைத்துள்ளன

இந்த இரண்டு டாடா எஸ்யூவி -களும் இந்த ஆண்டின் தொடக்கத்தில் குளோபல் NCAP கிராஷ் டெஸ்ட்களில் இருந்து 5-நட்சத்திர மதிப்பீடுகளைப் பெற்றன.

• இரண்டு எஸ்யூவி -களும் பெரியவர்களுக்கான பாதுகாப்பில் 32க்கு 30.08 புள்ளிகளைப் பெற்றன.

• குழந்தைகளுக்கான பாதுகாப்பில் 49க்கு 44.54 புள்ளிகள் பெற்றுள்ளனர்.

• எலக்ட்ரானிக் ஸ்டெபிலிட்டி கன்ட்ரோல் (ESC) மற்றும் பாதசாரி பாதுகாப்பு ஆகியவற்றின் முடிவுகளை அறிக்கை விவரிக்கவில்லை.

• டாடா ஹாரியரின் விலை ரூ.15.49 லட்சம் முதல் ரூ.26.44 லட்சம் (எக்ஸ்-ஷோரூம்), சஃபாரியின் விலை ரூ.16.19 லட்சம் முதல் ரூ.27.34 லட்சம் (எக்ஸ்-ஷோரூம்) வரை இருக்கின்றது.

பாரத் புதிய கார் மதிப்பீட்டுத் திட்டம் (BNCAP) அக்டோபர் 1 ஆம் தேதி இந்தியாவின் சொந்த விபத்து சோதனை மதிப்பீட்டு நிறுவனமாக அறிமுகப்படுத்தப்பட்டது, அதைத் தொடர்ந்து பல கார் தயாரிப்பாளர்கள் தங்கள் கார்களை கிராஷ்-டெஸ்ட் செய்து மதிப்பிட முன்வந்தனர். இப்போது, ​​அறிமுகப்படுத்தப்பட்ட 3 மாதங்களுக்குப் பிறகு, BNCAP இறுதியாக அதன் முதல் பாதுகாப்பு மதிப்பீட்டை வெளியிட்டுள்ளது. பட்டியலில் இடம்பெற்றுள்ளவை சமீபத்தில் அறிமுகப்படுத்தப்பட்ட டாடா ஹாரியர் மற்றும் டாடா சஃபாரி ஃபேஸ்லிப்ட் ஆகிய கார்கள் ஆகும். இவை 5 நட்சத்திர மதிப்பீட்டை பெற்றுள்ளன.

சுவாரஸ்யமாக, இந்த இரண்டு எஸ்யூவி -களும் ஏற்கனவே Global NCAP இலிருந்து 5 நட்சத்திர பாதுகாப்பு மதிப்பீட்டை பெற்றிருந்தன. BNCAP -ல், இரண்டு எஸ்யூவி -களின் அட்வென்ச்சர் + வேரியன்ட்களும் கிராஷ் டெஸ்ட் செய்யப்பட்டன. இந்த இரண்டு எஸ்யூவிகளும் எவ்வாறு செயல்பட்டன என்பதை விரிவாகப் பார்ப்போம்.

பெரியவர்களுக்கான பாதுகாப்பு (AOP)

பெரியவர்களுக்கான பாதுகாப்பு சோதனைகளில், இரண்டு எஸ்யூவி -களும் முன்பக்க தாக்க சோதனையில் 14.08/16 மற்றும் பக்க தாக்க சோதனையில் 16/16 பெற்றன. ஹாரியர் மற்றும் சஃபாரி பெரியவர்களுக்கான பாதுகாப்பில் 5 நட்சத்திர மதிப்பீட்டை பெற்றது.

முன்பக்க தாக்கம்

ஃப்ரண்டல் ஆஃப்செட் டிஃபார்மபிள் தடுப்புச் சோதனையில், டிரைவரின் தலை, கழுத்து, இடுப்பு, தொடைகள், பாதங்கள் மற்றும் இடது தாடை ஆகியவற்றுக்கு நல்ல பாதுகாப்பு கிடைத்தது. கதவின் அருகே வலது காலில் பாதுகாப்பு போதுமானதாக இருந்தது, மார்பில் பாதுகாப்பு ஓரளவு இருந்தது. முன் பயணிகளுக்கு, இந்த பகுதிகள் அனைத்தும் நல்ல பாதுகாப்பைப் பெற்றன.

பக்கவாட்டு தாக்கம்

ஹாரியர் மற்றும் சஃபாரி இரண்டிலும், டிரைவர் தலை, மார்பு, உடல் மற்றும் இடுப்பு ஆகியவற்றில் நல்ல பாதுகாப்பைப் பெற்றார். இந்த தாக்க சோதனையானது சிதைக்கக்கூடிய தடைக்கு எதிராக மணிக்கு 50 கிமீ வேகத்தில் செயல்படுத்தப்பட்டது.

சைடு போல் தாக்கம்

சைல்டு போல் சோதனையில் (மணிக்கு 29 கிமீ வேகத்தில்), பக்க தாக்க சோதனையின் முடிவுகள் ஒரே மாதிரியாக இருந்தன. ஓட்டுநருக்கு தலை, மார்பு, உடற்பகுதி மற்றும் இடுப்புக்கு நல்ல பாதுகாப்பு கிடைத்தது.

குழந்தை பயணிகளுக்கான பாதுகாப்பு (COP)

ஹாரியர் மற்றும் சஃபாரி குழந்தைகளுக்கான பாதுகாப்பு சோதனைகளில் சிறந்த மதிப்பெண்கள் பெற்றன, மேலும் இந்த அம்சத்திற்கும் 5-நட்சத்திர மதிப்பீட்டைப் பெற்றன. இரண்டு எஸ்யூவி -களிலும், இரண்டாவது வரிசையின் வெளிப்புற இருக்கைகளுக்கு ISOFIX ஆங்கரேஜ் கொடுக்கப்பட்டுள்ளது, குழந்தை இருக்கைகள் பின்புறமாகப் பொருத்தப்பட்டுள்ளன. இதோ விவரங்கள்:

டைனமிக் மதிப்பெண் - 23.54/24

CRS இன்ஸ்டாலேஷன் மதிப்பெண் - 12/12

வாகன மதிப்பீட்டு மதிப்பெண் - 9/13

18 மாத குழந்தை

18 மாத குழந்தைக்கு வழங்கப்படும் பாதுகாப்பிற்காக சோதிக்கப்பட்டபோது, ​​ஹாரியர் மற்றும் சஃபாரி இரண்டும் 12 -க்கு 11.54 புள்ளிகளைப் பெற்றன.

3 வயது குழந்தை

3 வயது குழந்தைக்கு, இரண்டு எஸ்யூவி -களும் 12க்கு 12 புள்ளிகளைப் பெற்றன.

மேலும் படிக்க: Tata Punch காரில் கிடைக்கப்போகும் கூடுதல் பாதுகாப்பு வசதி… என்னவென்று தெரியுமா ?

GNCAP அறிக்கையைப் போலன்றி, BNCAP குழந்தைக்கு குறிப்பாக தலை, மார்பு அல்லது கழுத்து தொடர்பான பாதுகாப்பைப் பற்றிய கூடுதலான விவரங்களை கொண்டிருக்கவில்லை.

பாதுகாப்பு கருவி

இரண்டு கார்களிலும், டாடா ஹாரியர் & சஃபாரி, 6 ஏர்பேக்குகள், ஒரு ஆப்ஷனல் முழங்கால் ஏர்பேக், ISOFIX குழந்தை இருக்கை நங்கூரங்கள், சீட்பெல்ட் நினைவூட்டல்கள் (அனைத்து பயணிகளுக்கும்), EBD உடன் ABS, எலக்ட்ரானிக் ஸ்டெபிலிட்டி கண்ட்ரோல் மற்றும் டாப் வேரியன்ட்கள் லேன் கீப் அசிஸ்ட், பிளைண்ட்  ஸ்பாட் கண்காணிப்பு, அடாப்டிவ் க்ரூஸ் கண்ட்ரோல் மற்றும் ஆட்டோ எமர்ஜென்சி பிரேக்கிங் உள்ளிட்ட ADAS அம்சங்களின் தொகுப்பைப் பெறுகின்றன.

மேலும் படிக்க: 2024 ஆண்டில் வெளியாகவுள்ள 7 புதிய டாடா கார்கள்

பல புதிய கார் மதிப்பீட்டு திட்டங்களில் காணப்படுவது போல், மின்னணு பாதுகாப்பு அம்சங்களின் முடிவுகள் மற்றும் செயல்திறனை விளக்குவதில் BNCAP அறிக்கைகள் விரிவாக இல்லை. BNCAP அறிக்கையானது, எஸ்யூவி -கள் ESC -யை ஸ்டாண்டர்டாக வழங்குவதாகக் கூறினாலும் - AIS-100 இன் படி பாதசாரி பாதுகாப்பையும் பட்டியலிடுகிறது - அந்தச் சோதனைகளில் எஸ்யூவி கள் எவ்வாறு செயல்பட்டன என்பது பற்றிய எந்த விவரங்களையும் வழங்கவில்லை.

வேரியன்ட்களுக்கும் மதிப்பீடு பொருந்தும்

ஹாரியர் & சஃபாரி இரண்டின் மிட்-ஸ்பெக் வேரியன்ட்களும் கிராஷ் டெஸ்ட் செய்யப்பட்டாலும், ஸ்மார்ட் மேனுவல் முதல் ஃபியர்லெஸ் + டார்க் ஆட்டோமேட்டிக் ஹாரியர் வரை மற்றும் 7-சீட்டர் ஸ்மார்ட் மேனுவல் முதல் சஃபாரியின் 7- சீட்டர் டார்க் ஆட்டோமேட்டிக்கின் அக்கம்பிளிஸ்டு + டார்க் வரை அனைத்து வேரியன்ட்களுக்கும் 5-நட்சத்திர பாதுகாப்பு பொருந்தும்.

 விலை & போட்டியாளர்கள்

டாடா ஹாரியர் காரின் விலை ரூ. 15.49 லட்சத்தில் இருந்து ரூ. 26.44 லட்சம் (எக்ஸ்-ஷோரூம்) ஆகும். இது மஹிந்திரா XUV700, எம்ஜி ஹெக்டர், மற்றும் ஜீப் காம்பஸ் ஆகியவற்றுடன் போட்டியிடும். டாடா சஃபாரி -யின் விலை ரூ. 16.19 லட்சம் முதல் ரூ. 27.34 லட்சம் வரை (எக்ஸ்-ஷோரூம்) நிர்ணயம் செய்யப்பட்டுள்ளது. இது எம்ஜி ஹெக்டர் பிளஸ், ஹூண்டாய் அல்காஸர், மற்றும் மஹிந்திரா XUV700 ஆகியவற்றுடன் போட்டியிடும்.

• இந்தியாவில் வரவிருக்கும் கார்கள்

BNCAP -ல் எந்த காருக்கான பாதுகாப்பு மதிப்பீட்டை நீங்கள் அதிகம் எதிர்பார்க்கிறீர்கள்? கீழே உள்ள கமென்ட் பகுதியில் எங்களுக்குத் தெரியப்படுத்துங்கள்.

மேலும் படிக்க: ஹாரியர் டீசல்