பலமான உருவ மறைப்புடன் சாலையில் தோன்றிய டாடா கர்வ்

இந்த எஸ்யூவி அடுத்த ஆண்டு இந்திய சந்தைக்கு வர வாய்ப்புள்ளது, முதலில் எலக்ட்ரிக் காராக அறிமுகமாகும்.

டாடா கர்வ், இந்திய கார் தயாரிப்பு நிறுவனத்திடமிருந்து வரவிருக்கும் கூபே- எஸ்யூவி , நாட்டில் முதல் முறையாக சோதனையின் போது மறைவாக படம் பிடிக்கப்பட்டுள்ளது. கார் தயாரிப்பு நிறுவனம் ஏற்கனவே ஆட்டோ எக்ஸ்போ 2023 -ல் வெளியிடத் தயாராக உள்ள கர்வியை வெளிப்படுத்தியிருந்தது இப்போது சோதனை தொடங்கி உள்ளது,  பலமான உருவ மறைப்பின் கீழ் ஒரு சோதனையின் இடையில் ஒரு வாகன நிறுத்துமிடத்தில் காணப்பட்டது, மற்ற டெஸ்ட் கார்களும் அதைச் சுற்றி இருந்தன.  

ஸ்பை காட்சிகள் எதைக் காட்டுகின்றன?

புகைப்படங்களில் , கர்வ்-இன் முன்புற மற்றும் பக்கவாட்டுத் தோற்றத்தை தெளிவாகக் காணலாம். முன்பக்கத்தில் இருந்து, ஹெட்லேம்பின் நிலை, DRL ஸ்டிரிப்பின் சில்ஹவுட் மற்றும் நடுவில் உள்ள டாடா லோகோவின் நிலை ஆகியவற்றை மட்டுமே எங்களால் கவனிக்க முடிந்தது. கிரில்லின் நிலை ஆட்டோ எக்ஸ்போவில் காட்சிப்படுத்தப்பட்ட யூனிட்டில் உள்ளதைப் போலவே உள்ளது.

மேலும் காணவும்: டாடா அல்ட்ரோஸ் i-CNG விமான நிலைய கன்வேயர் பெல்ட்டில் அதன்  பூட் ஸ்பேசைக்  காட்டுகிறது

மோட்டார் ஷோவில் நாம் பார்த்ததை விட பக்கவாட்டுத் தோற்றம்  வேறுபட்ட அலாய்களின் அமைப்பைக் காட்டுகிறது. இந்தக் கோணத்தில் இருந்து பார்த்தால், காரின் நீளம், ஃப்ளஷ் கதவு கைப்பிடிகள் மற்றும் நேர்த்தியான ஜன்னல்கள் ஆகியவற்றைக் காணலாம். மேலும், கூடுதல் பெட்டி உருவ மறைப்பைச் சேர்ப்பதன் மூலம், கர்வ்வின் வடிவமைப்பின் சிறப்பம்சமாக இருக்கும் உற்பத்தி-க்கான மாடலின் சாய்வான பின்புற-முனையின் ஸ்டைலை மறைக்க கார் தயாரிப்பு நிறுவனம் முயற்சித்துள்ளது போல் தெரிகிறது.

பவர்டிரெயின்

டாடா கர்வ் ஆனது டாடாவின் 1.2 லிட்டர் டர்போ-பெட்ரோல் இன்ஜின் மூலம் 125PS மற்றும் 225Nm ஆற்றலை வெளிப்படுத்தும். தற்போது வரை, டிரான்ஸ்மிஷன் ஆப்ஷன்கள்  உறுதிப்படுத்தப்படவில்லை, ஆனால் அவற்றில் ஒன்று இரட்டை கிளட்ச் டிரான்ஸ்மிஷனாக (DCT) இருக்கலாம். மற்ற எந்த இன்ஜின்கள் வழங்கப்படும் என்பது தெரியவில்லை.

இது டாடாவின் ஜென் 2 பிளாட்ஃபார்மில் கட்டமைக்கப்பட்ட மின்சார  பதிப்பைப் பெறும் மற்றும் 500 கிமீ வரை உரிமை கோரப்பட்ட பயணதூர வரம்பைக் கொண்டிருக்கலாம். டாடாவின் தயாரிப்பு திட்டமிடுபவரின் கூற்றுப்படி, EV  இன்டர்னல் கம்பஷன் என்ஜின் (ICE) மாடலை விட முன்னதாக வரவிருக்கிறது.

அம்சங்கள் மற்றும் பாதுகாப்பு

ஆட்டோ எக்ஸ்போவில் 2023 -ன் அடிப்படையில், டாடா கர்வ் கனெக்டட் கார் டெக் உடன் கூடிய பெரிய  டச் ஸ்கிரீன் இன்ஃபோடெயின்மென்ட் சிஸ்டம், முழு டிஜிட்டல் டிரைவர் டிஸ்ப்ளே, டச் பேனலுடன் கூடிய  ஆட்டோமெட்டிக் கிளைமேட் கன்ட்ரோல் மற்றும்  அகலமான சன்ரூஃப் ஆகியவற்றைப் பெறலாம். மையத்தில் டிஜிட்டல் டிஸ்ப்ளேவுடன் டாடாவின் புதிய ஸ்டீயரிங் வீலையும் பெற வாய்ப்புள்ளது.

மேலும் படிக்கவும்: EV களுக்கு முன்னுரிமை கொடுக்கப்படும் ஆனால் பெட்ரோல் மற்றும் டீசல் கார்களின் விலையில்  அவை கிடைக்காது என்று டாடா கூறுகிறது

பாதுகாப்பிற்காக, எஸ்யூவி ஆறு ஏர்பேக்குகள், EBD உடன் ABS, எலக்ட்ரானிக் ஸ்டெபிலிட்டி கண்ட்ரோல் (ESC), ரியர் பார்க்கிங் சென்சார்கள் மற்றும் ISOFIX குழந்தை இருக்கை  ஆங்கர்கள் ஆகியவற்றை வழங்குகிறது. இது டாடா ஹாரியரில் வழங்கப்படும் சில ADAS அம்சங்களுடன் வரக்கூடும் .

விலை & போட்டியாளர்கள்

டாடா கர்வ் அடுத்த ஆண்டு தொடக்கத்தில் வெளியிடப்படலாம்,இந்த EV -யின் விலை சுமார் ரூ. 20 லட்சத்தில் தொடங்கும், மேலும் ICE எடிஷன் ரூ. 10.5 லட்சம் (அனைத்து விலைகள் எக்ஸ்-ஷோரூம்) இருக்கும் எதிர்பார்க்கப்படுகிறது. அறிமுகப்படுத்தப்பட்டவுடன், அது  ஹூண்டாய் கிரெட்டா, கியா செல்டோஸ், மாருதி கிராண்ட் விட்டாரா, டொயோட்டா ஹைரைடர், ஃபோக்ஸ்வேகன் டைகுன், ஸ்கோடா குஷாக், எம்ஜி ஆஸ்டர்  போன்ற எஸ்யூவிகளுக்கு   போட்டியாக இருக்கும். இதற்கிடையில்,  கர்வ் EV கார் எம்ஜி ZS EV மற்றும் ஹூண்டாய் கோனா எலக்ட்ரிக். போன்றவற்றுடனும் போட்டியிடும்.
படங்களின் ஆதாரம்