டாடாவின் மிகவும் எதிர்பார்க்கப்பட்ட Curvv மற்றும் Curvv EV கார்கள் ஆகஸ்ட் 7 ஆம் தேதி இந்தியாவில் அறிமுகப்படுத்தப்படவுள்ளன

டாடா கர்வ், நாட்டின் முதல் வெகுஜன சந்தையான எஸ்யூவி-கூபே இந்திய வாகன சந்தையில் புரட்சியை ஏற்படுத்த தயாராக உள்ளது. இது மிகவும் விரும்பப்படும் காம்பாக்ட் எஸ்யூவி செக்மென்ட்டை வசீகரிக்கும் வகையில் அமைந்துள்ளது.

• டாடா கர்வின் வெளிப்புறமானது கூபே பாணியிலான ரூஃப் உடன் கூடிய நேர்த்தியாக கனெக்டட் LED DRL-கள் மற்றும் டெயில் லைட்டுகளால் நவீன டிசைன்களுடன் தனித்து நிற்கிறது.

• உட்புறத்தை பொறுத்தவரையில் டாடா நெக்ஸான் EV -யில் காணப்படும் ஸ்டைலான வடிவமைப்பை நினைவூட்டும் டேஷ்போர்டை இந்த மாடலில் உள்ளது. இது ஒரு வழக்கமான மற்றும் நவீன உட்புற அனுபவத்தை வழங்குகிறது.

• எதிர்பார்க்கப்பட்ட 12.3-இன்ச் டச்ஸ்க்ரீன், 10.25-இன்ச் டிஜிட்டல் டிரைவரின் டிஸ்ப்ளே, வென்டிலேட்டட் முன் சீட்கள் மற்றும் பனோரமிக் சன்ரூஃப் போன்ற மேம்பட்ட வசதிகளுடன் வரலாம்.

• பாதுகாப்பைப் பொறுத்தவரை இதில் 6 ஏர்பேக்குகள், 360 டிகிரி கேமரா மற்றும் அட்வான்ஸ்ட் டிரைவர் அசிஸ்டன்ஸ் சிஸ்டம்ஸ் (ADAS) ஆகியவை அடங்கும்.

• டாடா கர்வ் EV ஆனது Acti.ev தளத்தை அடிப்படையாகக் கொண்டதாக இருக்கும். இது டாடா பன்ச் EV-யின் அடிப்படையிலும் இருக்கும்.

• ICE-மாடலில் 1.2-லிட்டர் T-GDI டர்போ-பெட்ரோல் இன்ஜின் மற்றும் 1.5-லிட்டர் டீசல் இன்ஜின் பொருத்தப்பட்டிருக்கும் என்று எதிர்பார்க்கப்படுகிறது.

• எதிர்பார்க்கப்படும் ICE வெர்ஷன் விலை ரூ. 11 லட்சத்திலும், EV வேரியன்ட் (எக்ஸ்-ஷோரூம்) ரூ. 20 லட்சத்திலும் இருக்கும் என எதிர்பார்க்கப்படுகிறது.

ஸ்பை ஷாட்கள் மற்றும் டீஸர்களை தொடர்ந்து, டாடா கர்வ் இறுதியாக அதன் அறிமுக தேதி ஆகஸ்ட் 7, 2024 என உறுதிப்படுத்தப்பட்டுள்ளது. இந்தியாவின் தொடக்க வெகுஜன சந்தையான எஸ்யூவி-கூபே என நிலைநிறுத்தப்பட்டுள்ளது, இது எஸ்யூவி பிரிவுகளுடன் இணைந்து கடுமையான போட்டித்தன்மை கொண்ட சிறிய காம்பாக்ட் பிரிவுகளில் ஹூண்டாய் கிரெட்டா மற்றும் மாருதி கிராண்ட் விட்டாராவுடன் போட்டியிடுகிறது. டாடாவின் லட்சிய அறிமுகமானது இன்டர்னல் கம்பஷன் இன்ஜின் (ICE) மற்றும் EV ஆகிய இரண்டு வெர்ஷன்களையும் ஒரே நாளில் அறிமுகப்படுத்தப்படும் என்று எதிர்பார்க்கப்படுகிறது.

டிசைன்

டாடா கர்வ் ஆனது நெக்ஸான், ஹாரியர் மற்றும் சஃபாரி போன்ற சமீபத்தில் ஃபேஸ்லிஃப்ட் செய்யப்பட்ட டாடா எஸ்யூவிகளின் பல டிசைன் ஒற்றுமைகளைக் கொண்டுள்ளது. முன்பக்கத்தில், இது ஒரு இண்டெகிரேட்டட் LED DRL செட்அப், முன் பம்பரில் நிலைநிறுத்தப்பட்ட ஹெட்லைட்கள் மற்றும் ICE வெர்ஷனுக்கான கிரில் (EV ஆனது குளோஸ்டு டிஸைனுடன் வரும்) ஆகியவற்றைக் கொண்டுள்ளது. பக்கவாட்டில், சுரவ் ஒரு கூபே-ஸ்டைல் ரூஃப்பை வெளிப்படுத்துகிறது, மேலும் டீஸர்கள் ஃப்ளஷ்-வகை டோர் ஹேண்டில்கள் (டாடாவிற்கான முதல்) அறிமுகத்தை உறுதிப்படுத்துகின்றன. பின்புறத்தில் வெல்கம் மற்றும் குட்பை ஃபங்ஷனுடன் கனெக்டட் LED டெயில் லைட்டுகள் இடம்பெறும்.

கேபின் மற்றும் எதிர்பார்க்கப்படும் வசதிகள்

டாடா இதுவரை கர்வ் எஸ்யூவியின் உட்புறத்தை முழுமையாக வெளியிடவில்லை. ஆனால் ஸ்பை ஷாட்கள் மற்றும் டீஸர்களின் அடிப்படையில் இது டாடா நெக்ஸான் மற்றும் ஹாரியரில் இருந்து நிறைய விஷயங்களை பெறுகிறது. இது ஒரு ஒளிரும் டாடா லோகோவுடன் அலங்கரிக்கப்பட்ட 4-ஸ்போக் ஸ்டீயரிங்கை கொண்டிருக்கும்.

12.3-இன்ச் டச்ஸ்க்ரீன், 10.25-இன்ச் டிஜிட்டல் டிரைவர் டிஸ்ப்ளே, வென்டிலேட்டட் முன் சீட்கள், 9-ஸ்பீக்கர் ஜேபிஎல் சவுண்ட் சிஸ்டம், பவர்டு டிரைவரின் சீட், மல்டி-கலர் ஆம்பியன்ட் லைட்டிங் ஆகியவற்றைக் கொண்ட மற்ற டாடா கார்களைப் போலவே கர்வ் எஸ்யூவியும் பெற உள்ளது. லைட்டிங், மற்றும் ஒரு பனோரமிக் சன்ரூஃப். பாதுகாப்பு வசதிகளை பொறுத்தவரை இதில் 6 ஏர்பேக்குகள், பிளைண்ட் ஸ்பாட் மானிட்டரிங் உடன் கூடிய 360 டிகிரி கேமரா, ஃப்ரண்ட் மற்றும் ரியர் பார்க்கிங் சென்சார்கள், எலக்ட்ரானிக் ஸ்டெபிலிட்டி கண்ட்ரோல் (ESC) மற்றும் லேன் கீப் அசிஸ்ட், ஆட்டானமஸ் பிரேக்கிங் போன்ற லெவல் 2 அட்வான்ஸ்ட் டிரைவர் அசிஸ்டன்ஸ் சிஸ்டம் (ADAS) மற்றும் அடாப்டிவ் க்ரூஸ் கண்ட்ரோல் ஆகியவை அடங்கும்.

எதிர்பார்க்கப்படும் பவர்டிரெய்ன் ஆப்ஷன்கள்

புதிய 1.2-லிட்டர் T-GDi டர்போ-பெட்ரோல் இன்ஜின் மற்றும் நெக்ஸானிலிருந்து பெறப்பட்ட நன்கு அறிமுகமான 1.5-லிட்டர் டீசல் இன்ஜின் கொண்ட கர்வ்-இன் ICE வெர்ஷனை அறிமுகப்படுத்த டாடா திட்டமிட்டுள்ளது. அதன் விவரங்கள் பின்வருமாறு:

டாடா கர்வ் EV-யின் பேட்டரி பேக் மற்றும் எலக்ட்ரிக் மோட்டார் பற்றிய விவரங்களை டாடா இன்னும் வெளியிடவில்லை. இருப்பினும் இது இரண்டு பேட்டரி பேக் ஆப்ஷன்களுடன் கிடைக்கும் என்று எதிர்பார்க்கப்படுகிறது. இது அதிகபட்சமாக சுமார் 500 கி.மீ ரேஞ்சை வழங்குகிறது. கர்வ் டாடாவின் Acti.ev தளத்தை பயன்படுத்தும். பன்ச் EV யிலும் இதே தளம் தான் பயன்படுத்தப்படுகிறது. இது DC ஃபாஸ்ட் சார்ஜிங், V2L (வெஹிகிள்-டு-லோட்) திறன், பல்வேறு டிரைவ் மோடுகள் மற்றும் அட்ஜஸ்டபிள் எனர்ஜி ரிஜெனரேஷன் போன்ற வசதிகளை கொண்டிருக்கும் என்று எதிர்பார்க்கப்படுகிறது.

எதிர்பார்க்கப்படும் விலை மற்றும் போட்டியாளர்கள்

டாடா கர்வ் EV ரூ.20 லட்சம் (எக்ஸ்-ஷோரூம்) என்ற ஆரம்ப விலையில் அறிமுகமாகும் என எதிர்பார்க்கப்படுகிறது. இது இந்திய சந்தையில் MG ZS EV மற்றும் வரவிருக்கும் ஹூண்டாய் கிரெட்டா EV-க்கு எதிராக நேரடியாக போட்டியிடும். கர்வ் EV அறிமுகப்படுத்தப்பட்டதைத் தொடர்ந்து, டாடா கர்வ் ICE-ஐ அறிமுகப்படுத்தும், இதன் விலை ரூ. 10.50 லட்சமாக (எக்ஸ்-ஷோரூம்) இருக்கலாம் என எதிர்பார்க்கப்படுகிறது. கர்வ் ICE ஆனது ஹூண்டாய் கிரெட்டா, மாருதி கிராண்ட் விட்டாரா, டொயோட்டா ஹைரைடர், ஃபோக்ஸ்வேகன் டைகுன், ஸ்கோடா குஷாக், ஹோண்டா எலிவேட், MG ஆஸ்டர் மற்றும் சிட்ரோன் C3 ஏர்கிராஸ் போன்ற சிறிய எஸ்யூவிகளுடன் போட்டியிடும்.

புதிய கார்கள் தொடர்பான அப்டேட்களுக்கு கார்தேக்கோவின் வாட்ஸ்அப் சேனலை ஃபாலோ செய்து கொள்ளுங்கள்.