Kushaq காருடன் சேர்ந்து சோதனை செய்யப்பட்டு வரும் Skoda Sub-4m எஸ்யூவி காரின் ஸ்பை ஷாட்கள் வெளியாகியுள்ளன

வரவிருக்கும் ஸ்கோடா எஸ்யூவி ஆனது, டாடா நெக்ஸான் மஹிந்திரா XUV 3 3XO மற்றும் கியா சோனெட் போன்ற மாடல்களுக்கு போட்டியாக இருக்கும்.

• ஸ்கோடாவின் சப்-4m எஸ்யூவி குஷாக் மற்றும் ஸ்லாவியா போன்ற அதே MQ-AO-IN பிளாட்ஃபார்மில் உருவாக்கப்பட வாய்ப்புள்ளது.

• சுற்றிலும் LED லைட்ஸ் மற்றும் தற்போதைய ஸ்கோடா கோடியாக்கை போன்ற அலாய் வீல்களும் இதில் இடம்பெற்றுள்ளன.

• இது குஷாக் போன்ற ஸ்டீயரிங் 10 இன்ச் இன்ஃபோடெயின்மென்ட் சிஸ்டம் மற்றும் முழு டிஜிட்டல் டிரைவர்ஸ் டிஸ்ப்ளே ஆகியவற்றைப் பெறலாம்.

• பாதுகாப்புக்காக 6 ஏர்பேக்குகள் மற்றும் 360 டிகிரி கேமரா ஆகியவை கொடுக்கப்படலாம்.

• இது 1-லிட்டர் TSI டர்போ-பெட்ரோல் இன்ஜினை (115 PS/178 Nm) பெறும் என்று எதிர்பார்க்கப்படுகிறது.

• ஏப்ரல் 2025 -க்குள் ரூ. 8.50 லட்சம் (எக்ஸ்-ஷோரூம்) விலையில் இது விற்பனைக்கு வர வாய்ப்புள்ளது.

முழுவதுமாக மறைக்கப்பட்ட நிலையில் ஸ்கோடா சப்-4m எஸ்யூவி மீண்டும் சாலையில் தென்பட்டுள்ளது. இந்த முறை காரின் அளவு மற்றும் வடிவமைப்பைப் பற்றிய ஒரு பார்வையை தெரிந்து கொள்ள முடிகிறது. இது ஸ்கோடா குஷாக் மற்றும் ஸ்லாவியா போன்ற அதே MQB-A0-IN பிளாட்ஃபார்மில் உருவாக்கப்படலாம் என எதிர்பார்க்கப்படுகிறது. ஸ்பை ஷாட்டில் நாம் கண்டுபிடித்த விஷயங்களை பற்றி இன்னும் விரிவாகப் பார்ப்போம்:

காரில் புதிதாக என்ன கிடைக்கும் ?

ஸ்கோடாவின் வரவிருக்கும் சப்-4m எஸ்யூவி ஆனது ஸ்கோடா குஷாக் உடன் வடிவமைப்பில் பல விஷயங்களை பகிர்ந்து கொள்கிறது. இது மற்ற ஸ்கோடா மாடல்களை போலவே செங்குத்து ஸ்லேட்டுகளுடன் கூடிய பட்டர்ஃபிளை கிரில்லை கொண்டுள்ளது. இது LED DRL -களில் இன்டெகிரேட்ட்டட் இண்டிகேட்டர்களுடன் ஸ்பிளிட்-ஹெட்லேம்ப் செட்டப் கொடுக்கப்பட்டுள்ளது. இருப்பினும் குஷாக்குடன் ஒப்பிடும் போது ​​வரவிருக்கும் சப்-4m எஸ்யூவி ஆனது புதிய வடிவிலான ஒரு ஜோடி பம்பர்களையும் கொண்டிருக்கும். இது குஷாக்கை போன்ற LED டெயில் லைட்ஸையும் பெறலாம்

இன்ட்டீரியர்ஸ் மற்றும் வசதிகள்

கேபின் விவரங்களை காட்டும் ஸ்பை ஷாட்கள் எதுவும் இல்லை. ஆனால் மற்றும் குஷாக்கில் உள்ளதை போலவே ஆல் டிஜிட்டல் டிரைவர்ஸ் டிஸ்ப்ளே, ஆட்டோமேட்டிக் ஏர் கண்டிஷனிங், வென்டிலேட்டட் முன் இருக்கைகள் 10-இன்ச் இன்ஃபோடெயின்மென்ட் சிஸ்டம், சிங்கிள்-பேன் சன்ரூஃப் மற்றும் ஸ்டீயரிங் வீல் இதில் கிடைக்கும் என்று எதிர்பார்க்கிறோம்.

இதன் பாதுகாப்புக்காக 360 டிகிரி கேமரா, எலக்ட்ரானிக் ஸ்டெபிலிட்டி கண்ட்ரோல் (ESC), 6 ஏர்பேக்குகள் மற்றும் டயர் பிரஷர் மானிட்டரிங் சிஸ்டம் (TPMS) ஆகியவை கொடுக்கப்படலாம்.

ஒரே ஒரு இன்ஜின் மட்டுமே கொடுக்கப்படலாம்

வரவிருக்கும் ஸ்கோடா எஸ்யூவி -யில் குஷாக் மற்றும் ஸ்லாவியா மாடல்களில் உள்ள சிறிய 1-லிட்டர் டர்போ-பெட்ரோல் இன்ஜின் கொடுக்கப்படலாம். இந்த இன்ஜின் 115 PS மற்றும் 178 Nm அவுட்புட்டை கொடுக்கிறது. இதனுடன் 6-ஸ்பீடு மேனுவல் அல்லது 6-ஸ்பீடு டார்க் கன்வெர்ட்டர் ஆட்டோமேட்டிக் கியர் பாக்ஸ் உடன் கிடைக்கிறது.

எதிர்பார்க்கப்படும் விலை மற்றும் போட்டியாளர்கள்

ஸ்கோடா சப்-4m எஸ்யூவி இந்தியாவில் 2025 ஆம் ஆண்டின் தொடக்கத்தில் அறிமுகப்படுத்தப்படும் என எதிர்பார்க்கப்படுகிறது. இதன் விலை ரூ.8.50 லட்சத்தில் (எக்ஸ்-ஷோரூம்) தொடங்கும். இது டாடா நெக்ஸான், மாருதி பிரெஸ்ஸா, மஹிந்திரா XUV 3XO, கியா சோனெட், ஹூண்டாய் வென்யூ, ரெனால்ட் கைகர், நிஸான் மேக்னைட் மற்றும் சப்-4m கிராஸ்ஓவர்களான மாருதி ஃபிரான்க்ஸ் மற்றும் டொயோட்டா அர்பன் க்ரூஸர் டைசர் ஆகியவற்றுடன் போட்டியிடும்.

வாகனங்கள் தொடர்பான அப்டேட்களுக்கு கார்தேகோவின் வாட்ஸ்அப் சேனலை பின்தொடருங்கள்.

மேலும் படிக்க: குஷாக் ஆன் ரோடு விலை