ஜூலை மாதத்தின் சப்-4m எஸ்யூவி -களுக்கான வெயிட்டிங் பீரியட் விவரங்கள், Mahindra XUV 3XO காருக்கு நீண்ட காலம் காத்திருக்க வேண்டியிருக்கும்.

டாடா நிக்சன் க்காக ஜூலை 17, 2024 04:16 pm அன்று yashika ஆல் பப்ளிஷ் செய்யப்பட்டது

நிஸான் மேக்னைட் மற்றும் ரெனால்ட் கைகர் ஆகிய இரண்டு சப்காம்பாக்ட் எஸ்யூவி -களும் 2024 ஜூலை மாதத்தில் சில நகரங்களில் மிக எளிதாகக் கிடைக்கும்.

சப்காம்பாக்ட் எஸ்யூவி கார் பிரிவு மக்களிடையே தற்போது மிகவும் பிரபலமான ஒன்றாக இருந்து வருகிறது. இதில் புதிய மஹிந்திரா XUV 3XO உட்பட 8 மாடல்கள் உள்ளன. எதை புக் செய்தால் உடனடியாக ஒரு சப்-4எம் எஸ்யூவியை வீட்டிற்குக் கொண்டு வரலாம் என்பதையும் இந்த ஜூலை மாதத்தில் முதல் 20 இந்திய நகரங்களில் எந்தெந்த மாடல்கள் அதிகபட்ச காத்திருப்பு நேரத்தைக் கொண்டுள்ளன என்பதையும் கீழே பட்டியலிட்டுள்ளோம்:

நகரம்	டாடா நெக்ஸான்	மாருதி பிரெஸ்ஸா	ஹூண்டாய் வென்யூ	ஹூண்டாய் வென்யூ N லைன்	கியா சோனெட்	மஹிந்திரா XUV3XO	நிஸான் மேக்னைட்	ரெனால்ட் கைகர்
புது டெல்லி	2 மாதங்கள்	1.5-2 மாதங்கள்	3 மாதங்கள்	3 மாதங்கள்	2 மாதங்கள்	2.5 மாதங்கள்	0.5-1 மாதம்	காத்திருக்க தேவையில்லை
பெங்களூரு	1 மாதம்	1-2 மாதங்கள்	3 மாதங்கள்	3 மாதங்கள்	1.5 மாதங்கள்	2-5 மாதங்கள்	1 மாதம்	0.5-1 மாதம்
மும்பை	1 மாதம்	1-2 மாதங்கள்	2 மாதங்கள்	2 மாதங்கள்	1 மாதம்	4-5 மாதங்கள்	1 மாதம்	2 மாதங்கள்
ஹைதராபாத்	விவரம் இல்லை	1-2 மாதங்கள்	3 மாதங்கள்	2.5-3.5 மாதங்கள்	1-2 மாதங்கள்	3-4 மாதங்கள்	1 மாதம்	காத்திருக்க தேவையில்லை
புனே	1 மாதம்	2-3 மாதங்கள்	3 மாதங்கள்	3 மாதங்கள்	2 மாதங்கள்	2.5 மாதங்கள்	1-2 மாதம்	1 மாதம்
சென்னை	2-2.5 மாதங்கள்	1-2 மாதங்கள்	3 மாதங்கள்	3 மாதங்கள்	1 மாதம்	2.5 மாதங்கள்	1 மாதம்	காத்திருக்க தேவையில்லை
ஜெய்ப்பூர்	2 மாதங்கள்	2.5 மாதங்கள்	3 மாதங்கள்	3 மாதங்கள்	2-3 மாதங்கள்	3-5 மாதங்கள்	காத்திருக்க தேவையில்லை	1 மாதம்
அகமதாபாத்	1 மாதம்	1.5-2 மாதங்கள்	3 மாதங்கள்	2.5-3.5 மாதங்கள்	1-2 மாதங்கள்	3 மாதங்கள்	0.5 மாதம்	0.5-1 மாதம்
குருகிராம்	1 மாதம்	2-3 மாதங்கள்	2-3 மாதங்கள்	3-5 மாதங்கள்	1 மாதம்	4 மாதங்கள்	காத்திருக்க தேவையில்லை	1 மாதம்
லக்னோ	2 மாதங்கள்	2-3 மாதங்கள்	3 மாதங்கள்	3 மாதங்கள்	1 மாதம்	1-2 மாதங்கள்	0.5-1 மாதம்	1 மாதம்
கொல்கத்தா	2 மாதங்கள்	1-2 மாதங்கள்	3 மாதங்கள்	3 மாதங்கள்	காத்திருக்க தேவையில்லை	4-5 மாதங்கள்	1 மாதம்	காத்திருக்க தேவையில்லை
தானே	2 மாதங்கள்	2-3 மாதங்கள்	3 மாதங்கள்	3 மாதங்கள்	1 மாதம்	5 மாதங்கள்	1 மாதம்	2 மாதங்கள்
சூரத்	2 மாதங்கள்	2-3 மாதங்கள்	3 மாதங்கள்	3 மாதங்கள்	1 மாதம்	4-5 மாதங்கள்	0.5 மாதம்	காத்திருக்க தேவையில்லை
காசியாபாத்	1-2 மாதங்கள்	1 மாதம்	3 மாதங்கள்	3 மாதங்கள்	1 மாதம்	2-5 மாதங்கள்	0.5 மாதம்	0.5-1 மாதம்
சண்டிகர்	2 மாதங்கள்	2-3 மாதங்கள்	3 மாதங்கள்	3 மாதங்கள்	2 மாதங்கள்	4.5 மாதங்கள்	காத்திருக்க தேவையில்லை	1 மாதம்
கோயம்புத்தூர்	2 மாதங்கள்	1.5-2 மாதங்கள்	2.5-3.5 மாதங்கள்	2-2.5 மாதங்கள்	2 மாதங்கள்	3-4 மாதங்கள்	காத்திருக்க தேவையில்லை	காத்திருக்க தேவையில்லை
பாட்னா	2 மாதங்கள்	1 மாதம்	3 மாதங்கள்	2.5-3.5 மாதங்கள்	2 மாதங்கள்	4 மாதங்கள்	1 வாரம்	காத்திருக்க தேவையில்லை
ஃபரிதாபாத்	2 மாதங்கள்	1-2 மாதங்கள்	2-3 மாதங்கள்	3-5 மாதங்கள்	1-2 மாதங்கள்	3-5 மாதங்கள்	0.5 மாதம்	காத்திருக்க தேவையில்லை
இந்தூர்	2 மாதங்கள்	1-1.5 மாதங்கள்	3 மாதங்கள்	3 மாதங்கள்	1 மாதம்	3-4 மாதங்கள்	காத்திருக்க தேவையில்லை	0.5 மாதம்
நொய்டா	1-2 மாதங்கள்	3-4 மாதங்கள்	3 மாதங்கள்	2.5-3.5 மாதங்கள்	0.5 மாதம்	3-4 மாதங்கள்	0.5 மாதம்	1 மாதம்

முக்கிய விவரங்கள்

டாடா நெக்ஸான் காருக்கான சராசரி காத்திருப்பு நேரம் சுமார் இரண்டு மாதங்கள் ஆக உள்ளது. ஆனால் பெங்களூரு, புனே, அகமதாபாத், குருகிராம் மற்றும் மும்பை போன்ற நகரங்களில் நீங்கள் ஒரு மாதத்தில் நெக்ஸானை பெறலாம்.

மாருதி பிரெஸ்ஸா இது எப்போதும் இந்தியாவில் அதிக தேவை உள்ள சப்-4m SUVகளில் ஒன்றாக இருந்து வருகிறது. இது சராசரியாக 2.5 மாதங்கள் காத்திருக்கும் நேரத்தைக் கொண்டுள்ளது. இருப்பினும் நீங்கள் காசியாபாத் மற்றும் பாட்னாவில் இதை 1 மாதத்தில் டெலிவரி எடுக்கலாம்.
ஹூண்டாய் வென்யூ காருக்கு சுமார் மூன்று மாதங்கள் காத்திருக்க வேண்டிருக்கும். கோயம்புத்தூரில் 3.5 மாதங்களுக்கும் மேலாக காத்திருக்க வேண்டியிருக்கும். மும்பையில் இருப்பவர்கள் 2 மாதங்களில் இந்த சப்காம்பாக்ட் எஸ்யூவியை பெறலாம்.
ஹூண்டாய் வென்யூ N லைன் காருக்கான காத்திருப்பு காலம் சராசரியாக மூன்று மாதங்களாக உள்ளது. குருகிராம் மற்றும் ஃபரிதாபாத் போன்ற நகரங்களில் ஐந்து மாதங்கள் வரை காத்திருக்க வேண்டியிருக்கும்,.

கியா சோனெட் காருக்கு இந்த ஜூலையில் சராசரியாக 1.5 மாதங்கள் காத்திருக்கும் வேண்டிருக்கும். இருப்பினும் கொல்கத்தாவில் உடனடியாக கார்களை வீட்டிற்கு எடுத்துச் செல்லலாம்.
மஹிந்திரா XUV 3XO பெங்களூரு, மும்பை, ஜெய்ப்பூர், கொல்கத்தா, தானே, சூரத், காசியாபாத் மற்றும் ஃபரிதாபாத் ஆகிய இடங்களில் அதிகபட்சமாக ஐந்து மாதங்கள் வரை காத்திருக்க வேண்டியிருக்கும். லக்னோவில் இது மிக விரைவாக கிடைக்கும்.

நிஸான் மேக்னைட் மற்றும் ரெனால்ட் கைகர் இரண்டு கார்களுக்கும் 2024 ஜூலையில் ஒரு மாதம் வரை காத்திருக்க வேண்டியிருக்கலாம். ஜெய்ப்பூர், குருகிராம், சண்டிகர், கோயம்புத்தூர் மற்றும் இந்தூரில் மேக்னைட் உடனடியாகக் கிடைக்கும். அதே வேளையில் புது டெல்லி, ஹைதராபாத், சென்னை, கொல்கத்தா, சூரத், பாட்னா, கோயம்புத்தூர் மற்றும் ஃபரிதாபாத் ஆகிய இடங்களில் கைகரை உடனடியாக வீட்டிற்கு ஓட்டிச் செல்லலாம்.

புதிய கார்களுக்கான சரியான வெயிட்டிங் பீரியட் ஆனது வேரியன்ட் மற்றும் தேர்ந்தெடுக்கப்பட்ட நிறம் மற்றும் உங்கள் அருகிலுள்ள டீலர்ஷிப்பில் இருக்கும் ஸ்டாக் ஆகியவற்றின் அடிப்படையில் மாறுபடலாம்.

லேட்டஸ்ட் கார் அப்டேட்களுக்கு கார்தேக்கோவின் வாட்ஸ்அப் சேனலை ஃபாலோ செய்து கொள்ளவும்.

மேலும் படிக்க: நெக்ஸான் AMT

Share via