Nissan Magnite ஃபேஸ்லிஃப்ட் அறிமுகம்

மேக்னைட்டின் ஒட்டுமொத்த வடிவமைப்பில் பெரிய மாற்றமில்லை. இப்போது ஒரு புதிய கேபின் தீம் மற்றும் பல வசதிகளுடன் வருகிறது.

• நிஸான் மேக்னைட் 2020 ஆண்டு அறிமுகப்படுத்தப்பட்டது. இப்போது முதல் முறையாக பெரிய அப்டேட்டை பெற்றுள்ளது.

• Visia, Visia+, Acenta, N-Connecta, Tekna மற்றும் Tekna+ என்ற 6 வேரியன்ட்களில் கிடைக்கிறது:

• ஃபேஸ்லிஃப்ட் செய்யப்பட்ட நிஸான் மேக்னைட்டின் விலை ரூ.5.99 லட்சம் முதல் ரூ.11.50 லட்சம் வரை (அறிமுகம், எக்ஸ்-ஷோரூம் பான்-இந்தியா) உள்ளது.

• புதிய முன்பக்கம் மற்றும் புதிய அலாய் வீல்கள் உட்பட வெளிப்புறத்தில் குறைந்தபட்ச வடிவமைப்பு மாற்றங்களைப் பெறுகிறது.

• கேபின் முன்பு இருந்ததைப் போன்ற அமைப்பைக் கொண்டுள்ளது. ஆனால் இது புதிய பிளாக் மற்றும் ஆரஞ்சு கலர் தீமில் வருகிறது.

• 8 இன்ச் டச் ஸ்கிரீன் இன்ஃபோடெயின்மென்ட் சிஸ்டம், ஆட்டோமெட்டிக் கிளைமேட் கன்ட்ரோல், 6 ஏர்பேக்குகள் மற்றும் 360 டிகிரி கேமரா உள்ளிட்ட வசதிகள் உள்ளன.

• ப்ரீ-ஃபேஸ்லிஃப்ட் பதிப்பில் உள்ள அதே 1-லிட்டர் பெட்ரோல் மற்றும் 1-லிட்டர் டர்போ-பெட்ரோல் இன்ஜினுடன் வருகிறது.

நிஸான் மேக்னைட் ஃபேஸ்லிஃப்ட் 5.99 லட்சம் (அறிமுகம், எக்ஸ்-ஷோரூம் பான்-இந்தியா) விலையுடன் அறிமுகம் செய்யப்பட்டுள்ளது. இந்திய சந்தையில் விற்பனைக்கு வந்து கிட்டத்தட்ட 4 ஆண்டுகளுக்குப் பிறகு அதன் மிட்-லைஃப் அப்டேட்டை பெற்றுள்ளது. ஃபேஸ்லிஃப்ட் செய்யப்பட்ட பதிப்பு பழைய பதிப்பில் நுட்பமான ஆனால் கவனிக்கத்தக்க வடிவமைப்பு மாற்றங்கள் உள்ளன. மேலும் இது சில புதிய வசதிகளுடன் வருகிறது. புதிய மேக்னைட் -க்கான முன்பதிவுகள் நடந்து வருகின்றன, மேக்னைட் ஃபேஸ்லிஃப்ட் பற்றி நீங்கள் தெரிந்து கொள்ள வேண்டிய அனைத்தும் இங்கே உள்ளன.

விலை

AMT வேரியன்ட்களுக்கு, நீங்கள் மேனுவலை விட கூடுதலாக ரூ. 50,000 செலுத்த வேண்டும். CVT வேரியன்ட்களுக்கு ரூ. 1.15 லட்சம் கூடுதலாக செலுத்த வேண்டும். புதிய மேக்னைட் -ன் ஆரம்ப விலை பழைய பதிப்பைப் போலவே உள்ளது. ஆனால் இவை அறிமுக விலை ஆகும் ஆகவே இது முதல் 10,000 டெலிவரிகளுக்கு மட்டுமே பொருந்தும்.

வடிவமைப்பில் குறைந்தபட்ச மாற்றங்கள்

ப்ரீ ஃபேஸ்லிஃப்ட் பதிப்போடு ஒப்பிடும்போது ​​புதிய மேக்னைட் பெரிய அளவில் வித்தியாசமாகத் தெரியவில்லை. முன்பக்கத்தில் வெளிச்செல்லும் பதிப்பைப் போன்ற அதே எல்இடி ஹெட்லேம்ப்கள் மற்றும் பூமராங் வடிவ டிஆர்எல்கள் உள்ளன. மேலும் கிரில்லும் இதேபோன்ற வடிவமைப்பைக் கொண்டுள்ளது. ஆனால் இப்போது சற்று பெரியதாக உள்ளது. இருப்பினும் கிரில் வெவ்வேறு வடிவமைப்பு எலமென்ட்களை கொண்டுள்ளது. மேலும் C-வடிவ குரோம் ஆக்ஸென்ட்கள் இன்னும் ஒரே மாதிரியாக இருந்தாலும் இப்போது அது ஒரு கிளாஸி பிளாக் சரவுண்ட்டை பெறுகிறது.

ஃபாக் லைட்களின் இடமும் மாறியுள்ளது. சற்று தள்ளி உட்புறம் வைக்கப்பட்டுள்ளது. மேலும் முன்பக்க பம்பரின் வடிவமும் மாற்றப்பட்டுள்ளது. இது இப்போது ஆக்ரோஷமான வடிவமைப்புக்காக ஸ்கிட் பிளேட்டுடன் வருகிறது.

பக்கவாட்டிலும் மாற்றங்கள் அவ்வளவு பெரிதாக இல்லை. தோற்றம் அப்படியே உள்ளது. மேலும் இங்கு புதிதாக வடிவமைக்கப்பட்ட 16-இன்ச் டூயல்-டோன் அலாய் வீல்கள் மட்டுமே பெரிய மாற்றமாக உள்ளன.

பின்புறத்தில், பூட் லிப் மற்றும் பம்பர்கள் ஃபேஸ்லிஃப்ட் முன் பதிப்பைப் போலவே உள்ளன. ஆனால் எல்இடி டெயில் லேம்ப்கள் சிறிது மாற்றப்பட்டு வெவ்வேறு உள் லைட்டிங் எலமென்ட்கள் இப்போது கொடுக்கப்பட்டுள்ளன.

அதே போன்ற கேபின்

வெளியில் இருப்பதைப் போலவே, கேபினும் மினிமலிஸ்டிக் மாற்றங்களைப் பெறுகிறது. டாஷ்போர்டு முன்பு இருந்த அதே அமைப்பைக் கொண்டுள்ளது. ஆனால் இப்போது புதிய பிளாக் மற்றும் ஆரஞ்சு தீமில் வருகிறது. ஏசி வென்ட்கள், ஸ்கிரீன் வடிவம் மற்றும் ஸ்டீயரிங் ஆகியவையும் அப்படியே இருக்கும். இருப்பினும் டாஷ்போர்டு மற்றும் டோர்களில் உள்ள அனைத்து ஆரஞ்சு கலர் எலிமெட்டுகளும் சாஃப்ட்-டச் லெதரெட் பேடிங்கில் ஃபினிஷ் செய்யப்பட்டுள்ளன.

சென்டர் கன்சோல் பழைய வடிவமைப்பைக் கொண்டுள்ளது. இதில் மேலே ஏசி கன்ட்ரோல்கள், நடுவில் வயர்லெஸ் ஃபோன் சார்ஜர் மற்றும் கீழே ஸ்டோரேஜ் பகுதி உள்ளது. இருக்கைகள் டூயல்-டோன் பிளாக் மற்றும் ஆரஞ்சு கலரில் உள்ளன. ஆனால் புதியது லெதரெட் அப்ஹோல்ஸ்டரியை பெறுகிறது.

வேறு சில மாற்றங்களும் உள்ளன. டாஷ்போர்டில் ஆம்பியன்ட் லைட்டிங் ஸ்டிரிப் உள்ளது. கியர் நாபை சுற்றி குரோம் எலமென்ட்கள் உள்ளன, டோர் பேடுகளிலும் குரோம் எலமென்ட்கள் இப்போது கொடுக்கப்பட்டுள்ளன.

வசதிகள் மற்றும் பாதுகாப்பு

ஃபேஸ்லிஃப்ட் செய்யப்பட்ட மேக்னைட்டில் 8-இன்ச் டச்ஸ்கிரீன் இன்ஃபோடெயின்மென்ட் சிஸ்டம், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, வயர்லெஸ் ஃபோன் சார்ஜர், ஆட்டோமேட்டிக் க்ளைமேட் கண்ட்ரோல், 4-கலர் ஆம்பியன்ட் லைட்டிங் மற்றும் 7-இன்ச் டிஜிட்டல் டிரைவரின் டிஸ்ப்ளே ஆகியவை உள்ளன.

மேலும் படிக்க: மஹிந்திரா இப்போது கருத்துகளைக் கேட்கிறது, தார் ரோக்ஸ் இப்போது டார்க் பிரவுன் கேபின் தீமுடன் கிடைக்கிறது

பாதுகாப்புக்காக இது 6 ஸ்டாண்டர்டான ஏர்பேக்குகள், எலக்ட்ரானிக் ஸ்டெபிலிட்டி கண்ட்ரோல் (ESC), டயர் பிரஷர் மானிட்டர் சிஸ்டம் (TPMS), ஆட்டோ டிம்மிங் IRVM, முன் மற்றும் பின்புற பார்க்கிங் சென்சார்கள் மற்றும் 360 டிகிரி கேமராவுடன் வருகிறது.

பவர்டிரெயினில் மாற்றமில்லை

வடிவமைப்பு மற்றும் வசதிகளில் சில மாற்றங்கள் இருந்தாலும், மேக்னைட் ஃபேஸ்லிஃப்ட்டின் பவர்டிரெய்ன் ஃபேஸ்லிஃப்ட் முந்தைய பதிப்பைப் போலவே உள்ளது.

* CVT - தொடர்ச்சியாக மாறக்கூடிய பரிமாற்றம்

போட்டியாளர்கள்

நிஸான் மேக்னைட் ஃபேஸ்லிஃப்ட் ஆனது ரெனால்ட் கைகர், மாருதி பிரெஸ்ஸா, டாடா நெக்ஸான், கியா சோனெட், ஹூண்டாய் வென்யூ, மற்றும் மஹிந்திரா XUV 3XO போன்ற மற்ற சப்காம்பாக்ட் எஸ்யூவிகளுடன் போட்டியிடுகிறது. இது டொயோட்டா டெய்சர் மற்றும் மாருதி ஃபிரான்க்ஸ். போன்ற சப்-4 மீ கிராஸ்ஓவர்கள் உடனும் போட்டியிடுகிறது.

கார் உலகில் இருந்து உடனடி அப்டேட்டுகளை பெற வேண்டுமா? கார்தேக்கோவின் வாட்ஸ்அப் சேனலை ஃபாலோ செய்யவும்.

மேலும் படிக்க: மேக்னைட் 2024 AMT