ஃபியூல் பப்ம்பில் ஏற்பட்ட சிக்கல்: ரீகால் செய்யப்பட்ட Maruti Wagon R மற்றும் Baleno -வின் 16,000 யூனிட்கள்
published on மார்ச் 26, 2024 06:22 pm by rohit for மாருதி பாலினோ
- 21 Views
- ஒரு கருத்தை எழு துக
ஜூலை மற்றும் நவம்பர் 2019 -க்கு இடையில் தயாரிக்கப்பட்ட யூனிட்களுக்கு ரீகால் அழைப்பு விடுக்கப்பட்டுள்ளது.
மாருதி வேகன் R காரின் 11,851 யூனிட்கள் மற்றும் மாருதி பலேனோ -வின் 4,190 யூனிட்கள் என ஒட்டுமொத்தமாக 16041 கார்களை ஃபியூல் பம்ப் மோட்டாரில் உள்ள ஒரு குறைபாடு காரணமாக மாருதி சுஸூகி இந்தியா நிறுவனம் ரீகால் செய்துள்ளது. இரண்டு ஹேட்ச்பேக்குகளின் இந்த யூனிட்கள் ஜூலை 30, 2019 மற்றும் நவம்பர் 01, 2019 க்கு இடையில் தயாரிக்கப்பட்டவையாகும்.
ரீகால் தொடர்பான விவரங்கள்
மாருதி சுஸூகி -யின் டீலர்ஷிப்கள் பாதிக்கப்பட்ட யூனிட்களை ஆய்வு செய்து பிரச்சனைக்குரிய பாகங்களை எந்த கட்டணமும் இன்றி ஆய்வு செய்து மாற்றும். எரிபொருள் பம்ப் மோட்டாரின் குறைபாடு உள்ள பகுதி இன்ஜின் ஸ்டாலிங் அல்லது இன்ஜின் ஸ்டார்ட் சிக்கலுக்கு வழிவகுக்கலாம் என மாருதி சுஸூகி தெரிவித்துள்ளது. மாருதி பலேனோ 1.2 லிட்டர் நேச்சுரலி ஆஸ்பிரேட்டட் இன்ஜினுடன் மட்டுமே வழங்கப்படுகிறது, மாருதி வேகன் R, 1-லிட்டர் மற்றும் 1.2 லிட்டர் நேச்சுரலி ஆஸ்பிரேட்டட் இன்ஜின்கள் ஆப்ஷனை பெறுகிறது. வேகன் R காரின் குறிப்பிட்ட இன்ஜின் வேரியன்ட்களில் சிக்கல் உள்ளதா என்பது குறிப்பிடப்படவில்லை.
உரிமையாளர்கள் என்ன செய்ய முடியும்
இந்த மாருதி மாடல்களின் உரிமையாளர்கள் தங்கள் கார்களை அந்த பகுதியை ஆய்வு செய்ய வொர்க்ஷாப்களுக்கு எடுத்துச் செல்லலாம். அதே நேரத்தில் அவர்கள் தங்கள் வாகனம் திரும்ப அழைக்கப்பட்டதா என்பதையும் கீழே உள்ள வழிமுறையின்படி சரிபார்க்கலாம். மாருதி சுஸூகி இணையதளத்தில் 'Imp Customer Info' பகுதியைப் பார்வையிட்டு, அவர்களின் காரின் சேசிஸ் எண்ணை (MA3/MBJ/MBH தொடர்ந்து 14 இலக்க ஆல்பா எண் எண்) உள்ளிடவும்.
ரீகால் செய்யப்பட்டுள்ள மாடல்களை நீங்கள் தொடர்ந்து இயக்க வேண்டுமா?
இரண்டு ஹேட்ச்பேக்குகளின் பாதிக்கப்பட்ட யூனிட்களை அவற்றின் தற்போதைய நிலையில் இயக்குவது பாதுகாப்பானதா என்பது இன்னும் குறிப்பிடப்படவில்லை. என்றாலும் கூட உங்கள் வாகனம் ரீகால் செய்யப்பட்டுள்ளாதா என்பதை விரைவில் கண்டறியுமாறு பரிந்துரைக்கிறோம். ஆம் எனில், உங்கள் வாகனத்தை சிறந்த ஆரோக்கியத்துடன் வைத்திருக்க எந்த தாமதமும் இன்றி அதை பரிசோதிக்கவும்.
மேலும் பார்க்க: 2024 மாருதி ஸ்விஃப்ட்: எதிர்பார்க்கப்படும் முதல் 5 புதிய வசதிகள்
மேலும் படிக்க: மாருதி பலேனோ AMT
0 out of 0 found this helpful
