Mahindra Thar Roxx (தார் 5-டோர்) மற்றும் Mahindra Thar: இரண்டு கார்களுக்கும் இடையிலான 5 முக்கிய வெளிப்புற வேறுபாடுகள் இங்கே
published on ஜூலை 23, 2024 05:25 pm by samarth for மஹிந்திரா தார் ராக்ஸ்
- 31 Views
- ஒரு கருத்தை எழுதுக
ஸ்டாண்டர்டான தார் உடன் ஒப்பிடும்போது தார் ராக்ஸ் இரண்டு கூடுதல் கதவுகளோடு கூடுதலாக எக்ஸ்ட்டீரியரில் சில வசதிகளையும் கொண்டுள்ளது.
தார் காரின் 5-டோர் பதிப்பான மஹிந்திரா தார் ரோக்ஸ் வரும் ஆகஸ்ட் 15 ஆம் தேதி அறிமுகமாகிறது. இந்திய வாகன உற்பத்தியாளர் வரவிருக்கும் எஸ்யூவியை டீசர் செய்யத் தொடங்கியுள்ளார், மேலும் நீளமான தார் வெளிப்புற வடிவமைப்பைப் பற்றிய முதல் பார்வையை நாங்கள் பெற்றுள்ளோம். தரமான தார் காரிலிருந்து தார் ரோக்ஸை வேறுபடுத்தி காட்டும் 5 முக்கிய வித்தியாசங்கள் இங்கே.
ஒரு புதிய முன் கிரில் வடிவமைப்பு
புதிய காருக்கு மேலும் ஆக்ரோஷமான தோற்றத்தைக் கொடுக்க மஹிந்திரா கிரில்லை மாற்றியமைத்துள்ளது. 3 டோர் மாடலில் உள்ள சிறிய 6-ஸ்லேட் கிரில்லை புதிய தைரியமான வடிவமைப்புடன் மாற்றியுள்ளது. தார் ரோக்ஸில் உள்ள கிரில் முன்புற கேமராவையும் கொண்டுள்ளது. இது 360 டிகிரி செட்டப் வழங்கப்படுவதை குறிக்கிறது.
புதிய LED ஹெட்லைட்கள்
தற்போதைய-ஸ்பெக் 3-டோர் தார் ஒரு ஹாலோஜன் ஹெட்லைட் செட்டப் உடன் வருகிறது. அதே சமயம் தார் ரோக்ஸ் புதிய LED ஹெட்லைட்கள் மற்றும் அவற்றைச் சுற்றியுள்ள C- வடிவ LED DRL -களுடன் பொருத்தப்பட்டிருக்கும்.
நீட்டிக்கப்பட்ட வீல்பேஸ்
தாரின் இரண்டு கார்களுக்கும் இடையே உள்ள முக்கிய வேறுபாடு நீளமான வீல்பேஸ் ஆகும். இது தார் ராக்ஸில் கூடுதல் டோர்களை சேர்க்க உதவியுள்ளது. இது நீண்ட வீல்பேஸ் தார் அதில் இருக்கும் கூடுதல் வரிசை இருக்கைகளுக்கு அதிக லெக்ரூமைக் கொண்டிருக்கவும் அனுமதிக்கிறது.
புதிய அலாய் வீல்கள்
ஆஃப்ரோடரின் 3-டோர் பதிப்பில் மோனோடோன் 18-இன்ச் அலாய் வீல்களுக்கு பதிலாக தார் ராக்ஸ் 18-இன்ச் டூயல்-டோன் அலாய் வீல்களின் டாப்பர் செட் கிடைக்கும். இது 3-டோர் மாடலில் ஒரு சுற்றுக்கு பதிலாக சதுர வடிவ வீல் ஆர்ச்களையும் பெறுகிறது.
புதிய டெயில் லைட் செட்டப்
பின்புற தோற்றம் முழுமையாக டீசரில் காட்டப்படவில்லை என்றாலும் புதிய 5-டோர் தாரின் டெயில் லைட் செட்டப்பை பற்றிய ஒரு பார்வை கிடைத்தது. இது இன்வெர்ட்டட் 'C' மோட்டிஃப் உடன் LED டெயில் லைட்களை பெறும். தார் 3-டோர் வட்டமான வீல் ஹவுசிங்ஸ் இருக்கும் போது வீல் ஆர்ச்கள் தார் ராக்ஸ்ஸில் ஸ்கொயர் ஆஃப் செய்யப்பட்டிருப்பதையும் நீங்கள் கவனிக்கலாம்.
எதிர்பார்க்கப்படும் வசதிகள் மற்றும் பாதுகாப்பு
நீண்ட வீல்பேஸ் எஸ்யூவியின் உட்புறத்தை மஹிந்திரா இன்னும் வெளியிடவில்லை. ஆனால் சமீபத்திய ஸ்பை ஷாட்கள் தார் ராக்ஸ்ஸில் பீஜ் நிற கேபின் தீமை இருப்பதை காட்டுகின்றன. இது 10.25-இன்ச் டிஜிட்டல் டிரைவர்ஸ் டிஸ்ப்ளே, வயர்லெஸ் ஆப்பிள் கார்ப்ளே மற்றும் ஆண்ட்ராய்டு ஆட்டோவுடன் கூடிய 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டம், பனோரமிக் சன்ரூஃப், கீலெஸ் என்ட்ரி மற்றும் புஷ் ஸ்டார்ட்/ஸ்டாப் பட்டன் ஆகிய வசதிகளை பெறும் என்று எதிர்பார்க்கப்படுகிறது.
பாதுகாப்புக்காக 6 ஏர்பேக்குகள் (ஸ்டாண்டர்டாக இருக்கலாம்), முன் மற்றும் பின்புற பார்க்கிங் சென்சார்கள், எலக்ட்ரானிக் ஸ்டெபிலிட்டி கன்ட்ரோல், 360 டிகிரி கேமரா மற்றும் அட்வான்ஸ்டு டிரைவர்-அசிஸ்டன்ஸ் சிஸ்டம் (ADAS) ஆகியவை அடங்கும் என்று எதிர்பார்க்கப்படுகிறது.
எதிர்பார்க்கப்படும் பவர்டிரெய்ன்
வரவிருக்கும் தார் 5-டோர் ஸ்டாண்டர்டான தாரில் கிடைக்கும் அதே பெட்ரோல் மற்றும் டீசல் இன்ஜின்களை பயன்படுத்தும். ஆனால் மேம்படுத்தப்பட்ட அவுட்புட் உடன் இருக்கும். இது 6-ஸ்பீடு மேனுவல் அல்லது 6-ஸ்பீடு ஆட்டோமேட்டிக் டிரான்ஸ்மிஷனுடன் வழங்கப்படும் 2-லிட்டர் டர்போ-பெட்ரோல் இன்ஜின் மற்றும் 2.2-லிட்டர் டீசல் இன்ஜின் ஆப்ஷனையும் பெறும். இது ரியர் வீல் டிரைவ் (RWD) மற்றும் 4 வீல் டிரைவ் (4WD) கட்டமைப்புகளுடன் வழங்கப்படும் என்று எதிர்பார்க்கப்படுகிறது.
எதிர்பார்க்கப்படும் விலை மற்றும் போட்டியாளர்கள்
மஹிந்திரா தார் ரோக்ஸ் காரின் விலை ரூ. 15 லட்சத்தில் (எக்ஸ்-ஷோரூம்) தொடங்கும் என எதிர்பார்க்கப்படுகிறது. இது 5-டோர் ஃபோர்ஸ் கூர்க்கா உடன் நேரடியாக போட்டியிடும். மாருதி சுஸூகி ஜிம்னி -க்கு ஒரு பெரிய மாற்றாக இருக்கும்.
கார்கள் தொடர்பான லேட்டஸ்ட் அப்டேட்களுக்கு கார்தேக்கோவின் வாட்ஸ்அப் சேனலை ஃபாலோ செய்யவும்.
மேலும் படிக்க: தார் ஆட்டோமெட்டிக்
