ஃபோக்ஸ்வேகன் டைகுன் லத்தீன் NCAP கிராஷ் டெஸ்ட்டில் 5 நட்சத்திர மதிப்பீட்டை மீண்டும் பெற்றுள்ளது

கடந்த ஆண்டு குளோபல் NCAP இல் அதன் 5-நட்சத்திர செயல்திறனுக்குப் பிறகு, கச்சிதமான எஸ்யூவி கடுமையான லத்தீன் NCAP சோதனையில் அதையே பின்பற்றியுள்ளது.

ஃபோக்ஸ்வேகன் டைகுன் அதன் 5-ஸ்டார் குளோபல் NCAP பாதுகாப்பு மதிப்பீட்டின்படி தற்போது இந்தியாவில் உள்ள பாதுகாப்பான காம்பாக்ட் எஸ்யூவி ஆகும். அதன் ஈர்க்கக்கூடிய செயல்திறனைத் தொடர்ந்து, இது மிகவும் கடுமையான லத்தீன் NCAP இல் கிராஷ் டெஸ்ட் செய்யப்பட்டது, அங்கு இது 5-நட்சத்திர பாதுகாப்பு மதிப்பீட்டையும் பெற்றது. அது எப்படி செயல்பட்டது என்று பார்ப்போம்:

பாதுகாப்பு கருவி

கிராஷ் டெஸ்ட் செய்யப்பட்ட டைகுன் காரில் ஆறு ஏர்பேக்குகள் மற்றும் எலக்ட்ரானிக் ஸ்டெபிலிட்டி கன்ட்ரோல் (ESC) ஆகியவை ஸ்டாண்டர்டாக பொருத்தப்பட்டிருந்தன. கிராஷ்-டெஸ்ட் செய்யப்பட்ட யூனிட்டில் ஆப்ஷனல் அட்டானமஸ் அவசரகால பிரேக்கிங் வசதியும் இருந்தது, இது இந்தியா-ஸ்பெக் மாடலில் வழங்கப்படவில்லை. இந்தியாவில் தயாரிக்கப்பட்ட டைகுன் ISOFIX சைல்டு சீட் ஆங்கர்கள், டயர் பிரஷர் மானிட்டர் சிஸ்டம் (TPMS) மற்றும் ரியர்வியூ கேமரா போன்ற பிற பாதுகாப்பு அம்சங்களைப் பெறுகிறது.

மேலும் படிக்கவும்: ஃபோக்ஸ்வேகன் வெர்ச்சுஸ் GT லைன் புதிய நுழைவு நிலை DCT கார் வகையுடன் மிகவும் மலிவு விலையில் கிடைக்கிறது

பெரிய பயணிகளுக்கான பாதுகாப்பு

பெரியவர்களுக்கான பாதுகாப்பில், எஸ்யூவி 92 சதவிகிதம் (39.99 புள்ளிகள்) மதிப்பெண்களைப் பெற்றது, இதில் முன்புறம் மற்றும் பக்கவாட்டு பகுதிகளின்-தாக்கத்துக்கான சோதனைகளின் ஒட்டுமொத்த மதிப்பெண்களும் அடங்கும். இந்தச் சோதனையானது 5-நட்சத்திர பெரியவர்களுக்கான பாதுகாப்பு மதிப்பீட்டுடன் வந்தது.

முன்பக்க தாக்கம்

முன்பக்க தாக்குதலில், டிரைவர் மற்றும் பயணிகளுக்கு தலை மற்றும் கழுத்தில் 'நல்ல' பாதுகாப்பு கிடைத்தது. மார்புப் பாதுகாப்பு, பயணிகளுக்கு 'நன்றாகஇருந்தது' மற்றும் ஓட்டுநருக்கு 'பரவாயில்லை' என்ற அளவுக்கு இருந்தது. இருவருக்குமான முழங்கால் மற்றும் திபியா பாதுகாப்பு 'நல்லது' மற்றும் ஓட்டுநரின் இரண்டு கால்களுக்கும் 'நல்ல' பாதுகாப்பு கிடைத்தது.

பக்கவாட்டு தாக்கம்

பக்கவாட்டு தாக்குதல் சோதனையில் , ஓட்டுநருக்கு தலை, மார்பு, வயிறு மற்றும் இடுப்பு பகுதியில் 'நல்ல' பாதுகாப்பு கிடைக்கிறது.

பக்கவாட்டு முனைத் தாக்கம்

பக்கவாட்டு தாக்குதல் சோதனையை போலவே, இதில் ஓட்டுநருக்கு தலை, வயிறு மற்றும் இடுப்புப் பகுதியில் 'நல்ல' பாதுகாப்பு கிடைக்கிறது, ஆனால் மார்பில் பாதுகாப்பு 'பரவாயில்லை' அளவில் இருந்தது.

பயணம் செய்யும் குழந்தைகளுக்கான பாதுகாப்பு

குழந்தை பயணிகள் பாதுகாப்பில், டைகுன் 92 சதவீதம் (45 புள்ளிகள்) பெற்றது. இது எவ்வாறு செயல்பட்டது என்பதை இங்கே தெரிந்து கொள்ளலாம்:

முன்பக்க தாக்குதல்

முன்பக்க தாக்குதல் சோதனையில், 3 வயது மற்றும் 18 மாத குழந்தைகளுக்கான குழந்தை இருக்கைகள் பின்புறத்தை எதிர்கொள்ளும் வகையில் நிறுவப்பட்டுள்ளன. இரண்டு சந்தர்ப்பங்களிலும், அவர்களால் தலை வெளிப்படுவதைத் தடுக்க முடிந்தது மற்றும் 'நல்ல' பாதுகாப்பையும் வழங்கியது. இளைய குழந்தைக்கு, இருக்கை முழு பாதுகாப்பை வழங்கியது.

பக்கவாட்டு தாக்கம்

இந்த சோதனையில், இரண்டு குழந்தை கட்டுப்பாடு அமைப்புகளும் (CRS) முழு பாதுகாப்பை வழங்கின. டைகுன் ISOFIX ஆங்கரேஜ்களை ஸ்டாண்டர்டாக கொண்டுள்ளது மற்றும் தேவையான அனைத்து வசதிகளையும் கொண்டுள்ளது. அனைத்து இருக்கைகளிலும் மூன்று-புள்ளி சீட் பெல்ட்கள் பொருத்தப்பட்டுள்ளன.

மேலும் படிக்கவும்: ஃபோக்ஸ்வேகன் டைகுன் புதிய GT வேரியன்ட்கள் மற்றும் புதிய வண்ணங்களுடன் வரையறுக்கப்பட்ட பதிப்புகளைப் பெறுகிறது

பாதசாரிகளுக்கான பாதுகாப்பு

இந்த அம்சத்தில் ஃபோக்ஸ்வேகன் எஸ்யூவி 55 சதவீதம் (26.47 புள்ளிகள்) பெற்றது. இங்கே, பெரும்பாலான அளவுருக்களில், டைகுன் 'நல்லது', 'பரவாயில்லை' மற்றும் 'போதுமான' பாதுகாப்பைப் பெற்றது. லோயர் லெக்-கில் பாதுகாப்பு 'நன்றாக' இருந்தபோதும், அப்பர் லெக்-கில் பாதுகாப்பு 'பலவீனமாக' இருந்தது, இது குறைந்த மதிப்பெண்ணுக்கு காரணமாக இருக்கலாம்.

பாதுகாப்பு உதவி

லத்தீன் NCAP ஆனது ஒரு காரின் பாதுகாப்பு உதவி அம்சங்களையும் சோதிக்கிறது மற்றும் டைகுன் 83 சதவிகிதம் (35.81 புள்ளிகள்) பெற்றது. எஸ்யூவி ஆனது அனைத்து பயணிகளுக்கும் சீட்பெல்ட் நினைவூட்டல்கள் மற்றும் எலக்ட்ரானிக் ஸ்டெபிலிட்டி கண்ட்ரோல் (ESC) ஸ்டாண்டர்டாக வருகிறது. டைகுன் ஆனது ADAS அம்சங்களின் முழுத் தொகுப்பைப் பெறவில்லை என்றாலும், கிராஷ் டெஸ்ட் செய்யப்பட்ட மாடலில் அட்டானமஸ் எமர்ஜென்சி பிரேக்கிங் (AEB) ஆப்ஷனலாக இருந்தது, இதனால் லத்தீன் NCAP -களின் தேவைகளைப் பூர்த்தி செய்தது.

இந்தியாவில் டைகுன்

இந்தியா-ஸ்பெக் ஃபோக்ஸ்வேகன் டைகுன் இரட்டை முன்புற ஏர்பேக்குகள், EBD உடன் ABS, எலக்ட்ரானிக் ஸ்டெபிலிட்டி கண்ட்ரோல் (ESC) மற்றும் டயர் பிரஷர் மானிட்டரிங் சிஸ்டம் (TPMS) ஆகியவற்ளுடன் ஸ்டாண்டர்டாக வருகிறது. வரவிருக்கும் விதிமுறைகளைப் பொறுத்து, ஆறு ஏர்பேக்குகளை ஸ்டாண்டர்டாக வழங்க இது புதுப்பிக்கப்படலாம். இப்போது காரானது ரூ. 11.62 லட்சம் முதல் ரூ. 19.46 லட்சம் வரை (எக்ஸ் ஷோரூம்) விலை நிர்ணயம் செய்யப்பட்டுள்ளது.

மேலும் படிக்கவும்: ஃபோக்ஸ்வேகன் டைகுன் ஆட்டோமெட்டிக்