உற்பத்திக்கு தயாராகவுள்ள டாடா நெக்ஸான் ஃபேஸ்லிஃப்ட்டின் ஹெட்லைட்கள் விவரம் வெளியானது

டாடா நெக்ஸான் ஃபேஸ்லிஃப்ட் அடுத்த ஆண்டின் தொடக்கத்திலேயே விற்பனைக்கு வரும் மற்றும் ரூ 8 லட்சம் (எக்ஸ்-ஷோரூம்)  ஆரம்ப விலையில் அறிமுகப்படுத்தும் என எதிர்பார்க்கப்படுகிறது.

• டாடா நெக்ஸான் அதன் இரண்டாவது ஃபேஸ்லிஃப்டைப் பெறுகிறது; முதலாவது 2020 -ன் தொடக்கத்தில் வெளி வந்தது.

• எதிர்பார்க்கப்படும் மாற்றங்களில் LED-ப்ரொஜெக்டர் ஹெட்லைட்கள் மற்றும் DRL -கள் மற்றும் புதிய அலாய் வீல் வடிவமைப்பு ஆகியவை அடங்கும்.

• புதிய நெக்ஸான் மாற்றியமைக்கப்பட்ட இருக்கைகள், சென்டர் கன்சோல் மற்றும் ஸ்டீயரிங் வீல் ஆகியவற்றைப் பெறும்.

• 10.25-இன்ச் டச் ஸ்கிரீன், டிஜிட்டல் டிரைவர் டிஸ்ப்ளே மற்றும் ஆறு ஏர்பேக்குகளுடன் வரலாம்.

• டாடா அதை பெட்ரோல் மற்றும் டீசல் இன்ஜின்களுடன் வழங்க வாய்ப்புள்ளது; புதிய 7-ஸ்பீடு DCT ஆப்ஷனை பெறலாம்.

டாடா நெக்ஸான் ஃபேஸ்லிஃப்ட் காரானது இப்போது அறிமுகத்துக்கு தயார் செய்யப்பட்டு வருகிறது, ஏனெனில் சமீபத்தில் அதன் சோதனை கார்களில் ஒன்றை நாங்கள் கண்டோம். மற்ற கார்களும் போல் இது முழு உருவ மறைப்பில் மூடப்பட்டிருந்தாலும், புதிதாக பார்க்கப்பட்ட மாடல் சப்-4m எஸ்யூவி யின் புதுப்பிக்கப்பட்ட அம்சங்களில் ஒன்றைக் கொடுத்தது. 2020 ஆம் ஆண்டின் தொடக்கத்தில் வந்த முதல் ஃபேஸ்லிஃப்ட்டிற்குப் பிறகு இது நெக்ஸானின் இரண்டாவது பெரிய ஃபேஸ்லிஃப்ட்டாகும்.

நாங்கள்  புதிதாக என்ன பார்த்தோம்?

சமீபத்திய ஸ்பை படத்தில், புதிய நெக்ஸான் -ன் செங்குத்தாக நிலைநிறுத்தப்பட்ட LED ஹெட்லைட்கள் (புரொஜெக்டர்கள்) மற்றும் LED DRL கள் (சுருக்கமாக இருந்தாலும்) முதல் முறையாக செயல்பாட்டில் இருப்பதைக் காணலாம். எஸ்யூவி ஆனது டாடா சியெரா EV மற்றும் டாடா கர்வ் கான்செப்ட்களால் ஈர்க்கப்பட்டு, ஸ்பிளிட்-கிரில் அமைப்பு மற்றும் ட்வீக் செய்யப்பட்ட பம்பர் உட்பட மேம்படுத்தப்பட்ட முன்பகுதியைப் பெறும் என்பதை நாங்கள் ஏற்கனவே அறிவோம்.

பக்கவாட்டில் மாற்றங்கள் மிகக் குறைவு மற்றும் அலாய் வீல்களுக்கான புதிய வடிவமைப்பை மட்டுமே கொண்டிருக்கும். ஃபேஸ்லிஃப்டட் நெக்ஸனின் பின்புறம் திருத்தப்பட்ட பம்பர், மறுவடிவமைக்கப்பட்ட டெயில்கேட் மற்றும் LED டெயில்லைட்கள் போன்ற வடிவங்களில் வேறுபாடுகளை கொண்டிருக்கும்.

உட்புறத்தில் புதுப்பிப்புகள்

புதுப்பிக்கப்பட்ட டாடா நெக்ஸானின் கேபினை எங்களால் சரியாகப் பார்க்க முடியவில்லை , டாடா அவின்யா போன்ற ஸ்டீயரிங் வீல் (மையத்தில் காட்சியுடன்) மற்றும் பேடில் ஷிஃப்டர்களை நாங்கள் கவனித்தோம். கேபினுக்குள் இருக்கும் மற்ற மாற்றங்களில் புதிய வயலட் வண்ண இருக்கைகள் மற்றும் சற்று திருத்தப்பட்ட சென்டர் கன்சோல் ஆகியவை அடங்கும்.

அம்சங்களைப் பொறுத்தவரை, நெக்ஸான் ஃபேஸ்லிஃப்ட் 10.25-இன்ச் டச் ஸ்கிரீன் இன்ஃபோடெயின்மென்ட் சிஸ்டம், முழு டிஜிட்டல் டிரைவர்ஸ் டிஸ்ப்ளே, ஆட்டோ க்ளைமேட் கன்ட்ரோல், வயர்லெஸ் ஃபோன் சார்ஜிங் மற்றும் வென்டிலேட்டட் முன்புற இருக்கைகள் ஆகியவற்றைக் கொண்டிருக்கும். இதன் பாதுகாப்பு அம்சங்களின் பட்டியலில் ஆறு ஏர்பேக்குகள், ISOFIX குழந்தை இருக்கை ஆங்கரேஜ்கள், 360 டிகிரி கேமரா மற்றும் பின்புற பார்க்கிங் சென்சார்கள் ஆகியவை அடங்கும் என்று எதிர்பார்க்கப்படுகிறது.

மேலும் படிக்கவும்: மழைக்கு தாக்குப்பிடிக்கும் 10 லட்சத்திற்கும் குறைவான விலையில் கிடைக்கும் 10 கார்கள்

கிடைக்கும் பவர்டிரெயின்கள்

தற்போதைய மாடலின் 1.5-லிட்டர் டீசல் யூனிட்டை (115PS/160Nm) தக்க வைத்துக் கொண்டு, புதிய 1.2-லிட்டர் டர்போ-பெட்ரோல் இன்ஜினுடன் (125PS/225Nm) நெக்ஸான் ஃபேஸ்லிஃப்டை டாடா வழங்கும் என்று எதிர்பார்க்கப்படுகிறது. புதிய டர்போ-பெட்ரோல் இன்ஜின் 7-ஸ்பீடு DCT (இரட்டை-கிளட்ச் டிரான்ஸ்மிஷன்) உடன் வர வாய்ப்புள்ளது, அதே நேரத்தில் டீசல் AMT கியர்பாக்ஸுடன் தொடரலாம். மேனுவல் ஷிஃப்டர் இரண்டு இன்ஜின்களிலும் ஸ்டாண்டர்டானதாக இருக்கும்.

எதிர்பார்க்கப்படும் அறிமுகம் மற்றும் போட்டியாளர்கள்

ரூ.8 லட்சம் (எக்ஸ்-ஷோ ரூம்) விலையில் தொடங்கும் நெக்ஸான் ஃபேஸ்லிஃப்ட்  அடுத்த ஆண்டில் விற்பனைக்கு வரும் என நாங்கள் நம்புகிறோம். இது ஹூண்டாய் வென்யூ, மாருதி பிரெஸ்ஸா, மஹிந்திரா XUV300, கியா சோனட், நிஸான் மேக்னைட் மற்றும் ரெனால்ட் கைகர் ஆகியவற்றுகு போட்டியாகவும்  மாருதி ஃப்ரான்க்ஸ் மற்றும் சிட்ரோன் C3 போன்ற கிராஸ்ஓவர் எஸ்யூவி -களுக்கு மாற்றாக இது இருக்கும்.

மேலும் படிக்கவும்: ஹூண்டாய் எக்ஸ்டரை விட டாடா பஞ்ச் 5 அம்சங்களை கூடுதலாகப் பெறுகிறது

மேலும் படிக்கவும்: டாடா நெக்ஸான் AMT