இப்போதைக்கு இதுதான் பெஸ்ட்... குளோபல் NCAP டெஸ்ட்டில் டாப் ரேட்டிங்கை பெற்ற மேட் இன் இந்தியா டாடா ஹாரியர் மற்றும் டாடா சஃபாரி

rohit ஆல் அக்டோபர் 18, 2023 06:13 pm அன்று பப்ளிஷ் செய்யப்பட்டது

142 Views

புதிய டாடா ஹாரியர் மற்றும் சஃபாரி ஆகிய கார்கள் இதுவரை குளோபல் NCAP சோதனை செய்த கார்களிலேயே அதிக மதிப்பெண் பெற்ற இந்திய எஸ்யூவி -கள் ஆகும்

பெரியவர்கள் மற்றும் குழந்தைகளின் பாதுகாப்பில் இரு எஸ்யூவி களும் 5 நட்சத்திரங்களைப் பெற்றுள்ளன
பெரியவர்களுக்கான பாதுகாப்பு மதிப்பீடுகளில் 34 புள்ளிகளில் 33.05 புள்ளிகளைப் பெற்றன.
குழந்தைப் பயணிகள் பாதுகாப்பில், புதிய ஹாரியர் மற்றும் சஃபாரி 49 புள்ளிகளில் 45 புள்ளிகளைப் பெற்றுள்ளன.
6 ஏர்பேக்குகள், ISOFIX சீட் மவுண்ட்கள் மற்றும் ESP உள்ளிட்ட பாதுகாப்பு அம்சங்கள் ஸ்டாண்டர்டாக வழங்கப்பட்டுள்ளன.
இரண்டும் அடாப்டிவ் க்ரூஸ் கண்ட்ரோல் மற்றும் ஹை-பீம் அசிஸ்ட் உள்ளிட்ட சில ADAS தொழில்நுட்பத்தையும் பெறுகின்றன.

டாடா ஹாரியர் மற்றும் டாடா சஃபாரி ஃபேஸ்லிஃப்ட்கள் இப்போதுதான் விற்பனைக்கு வந்துள்ளன. இந்த பிரசென்டேசனின் போது, இரண்டு எஸ்யூவி -களும் குளோபல் NCAP (புதிய கார் மதிப்பீட்டு திட்டம்) கிராஷ் சோதனைகளில் 5 நட்சத்திர பாதுகாப்பு மதிப்பீட்டைப் பெற்றுள்ளன என்ற செய்தி வெளியானது. இந்த இரண்டு எஸ்யூவி கார்களுமே பெரியவர்கள் மற்றும் குழந்தைகள் பயணிகள் பாதுகாப்பு மதிப்பீட்டில் 5 நட்சத்திரங்களை பெற்றுள்ளன.

பெரியவர்களுக்கான பாதுகாப்பு

முன்புறத் தாக்கம் (மணிக்கு 64kmph)

வயது வந்த பயணிகளின் பாதுகாப்பில் புதிய ஹாரியர் மற்றும் சஃபாரி, 34 புள்ளிகளில் 33.05 புள்ளிகளைப் பெற்றுள்ளது. இது ஓட்டுநர் மற்றும் பயணியின் தலை மற்றும் கழுத்துக்கு இரண்டு எஸ்யூவி -களும் 'நல்ல' பாதுகாப்பை வழங்கியது. ஓட்டுனர் மற்றும் பயணியின் மார்பிற்கான பாதுகாப்பு 'போதுமானது' என்ற அளவிற்கு மதிப்பிடப்பட்டது. ஓட்டுநர் மற்றும் பயணிகளின் முழங்கால்களுக்கு் "ஓரளவு" பாதுகாப்பு இருந்ததை காட்டின.

ஓட்டுநரின் கீழ் கால்கள் 'போதுமான' பாதுகாப்பு இருந்ததை காட்டின, அதே நேரத்தில் பயணியின் கால்கள் 'நல்ல' பாதுகாப்பு இருந்ததை காட்டின. அதன் ஃபுட்வெல் பகுதி 'நிலையானது' என்ற அளவில் இருந்தது, அதே போல் பாடிஷெல்லும் இருந்தது. இரண்டு டாடா எஸ்யூவி -களும் கூடுதல் எடையை தாங்கும் திறன் கொண்டதாகக் கருதப்பட்டன.

பக்கவாட்டு தாக்கம் (மணிக்கு 50kmph)

பக்கவாட்டு தாக்க சோதனையின் கீழ், தலை, வயிறு மற்றும் இடுப்புக்கு பாதுகாப்பு 'நல்லது' என்று கூறப்பட்டது, ஆனால் மார்புக்கு அது 'போதுமானது' என்ற அளவில் இருந்து.

சைடு போல் தாக்கம் (மணிக்கு 29kmph)

கர்டெய்ன் ஏர்பேக்குகளை பொருத்துவதும் தேவையான நெறிமுறைகளின்படி இருப்பதாகக் கூறப்பட்டது. சைடு போல் இம்பேக்ட் சோதனையில், தலை மற்றும் இடுப்புக்கு கர்டெய்ன் ஏர்பேக்கிலிருந்து 'நல்ல' பாதுகாப்பும், மார்புக்கு 'ஓரளவு பாதுகாப்பும்' , அடிவயிற்றிற்கு 'போதுமான' பாதுகாப்பும் கிடைத்தது.

எலக்ட்ரானிக் ஸ்டெபிலிட்டி கன்ட்ரோல் (ESC)

டாடாவின் ஃபேஸ்லிஃப்ட் பிரபலமான எஸ்யூவி -களின் ESC ஃபிட்மென்ட் விகித தேவைகளை பூர்த்தி செய்தது, மேலும் சோதனையில் காட்டப்பட்ட செயல்திறன், குளோபல் NCAPயின் புதிய தேவைகளுக்கு ஏற்ப ஏற்றுக் கொள்ளப்பட்டது.

மேலும் படிக்க: புதிய டாடா ஹாரியர் மற்றும் சஃபாரி ஃபேஸ்லிஃப்ட் உடன் டாடா காரில் அறிமுகமாகும் 5 அம்சங்கள்

பயணம் செய்யும் குழந்தைகளுக்கான பாதுகாப்பு

முன்புறத் தாக்கம் (மணிக்கு 64kmph)

இரண்டு டாடா எஸ்யூவி -களும் குழந்தைகள் பாதுகாப்பில் 49-க்கு 45 புள்ளிகளை பெற்றுள்ளன, இரண்டு குழந்தை இருக்கைகளும் பின்புறத்தை நோக்கி பொருத்தப்பட்டுள்ளன. 3 வயது குழந்தைக்கான குழந்தை இருக்கை இதனால் முன்புறத் தாக்கத்தின் போது தலை வெளிப்படுவதைத் தடுக்க முடிந்தது மற்றும் முழு பாதுகாப்பை வழங்கியது. மறுபுறம், 1.5 வயது பொம்மை குழந்தை -யின் தலைக்கும் இருக்கையால் முழு பாதுகாப்பை வழங்க முடிந்தது.

பக்கவாட்டு தாக்கம் (மணிக்கு 50kmph)

பக்கவாட்டு தாக்கத் சோதனையின்போது இரண்டு சைல்டு ரெஸ்ட்ரெயின்ட் அமைப்புகளும் (CRS) முழு பாதுகாப்பை வழங்கின.

2023 டாடா ஹாரியர், சஃபாரி கார்களில் உள்ள பாதுகாப்பு வசதிகள்

ஃபேஸ்லிஃப்ட் மூலம், கார் தயாரிப்பு நிறுவனம் 6 ஏர்பேக்குகளை ஸ்டாண்டர்டாக வழங்குவதன் மூலமும், இரண்டின் ஒட்டுமொத்த கட்டமைப்பு ஒருமைப்பாட்டை மேம்படுத்துவதன் மூலமும் இரண்டு எஸ்யூவி -களின் பாதுகாப்பு வலையை மேம்படுத்தியது. புதிய ஹாரியர் மற்றும் சஃபாரி கார்களில் டாப்-ஸ்பெக் வேரியன்ட்களில் கூடுதல் ஏர்பேக் (ஓட்டுநரின் முழங்கால்களுக்கு பாதுகாப்பை வழங்குகிறது) கிடைக்கிறது. எலக்ட்ரானிக் ஸ்டெபிலிட்டி புரோகிராம் (ESP), ISOFIX சைல்டு சீட் மவுண்ட்ஸ் மற்றும் 360 டிகிரி கேமரா உள்ளிட்ட பாதுகாப்பு அம்சங்கள் வழங்கப்பட்டுள்ளன. இந்த இரண்டு எஸ்யூவி -களிலும் ஆட்டோமெட்டிக் எமர்ஜென்சி பிரேக்கிங் மற்றும் அடாப்டிவ் க்ரூஸ் கன்ட்ரோல் உள்ளிட்ட அட்வான்ஸ்டு டிரைவர் அசிஸ்டன்ஸ் சிஸ்டம்ஸ் (ADAS) வழங்கப்பட்டுள்ளது.

டாடா ஹாரியர் ஃபேஸ்லிஃப்ட்டுக்கு ரூ.15.49 லட்சத்திலிருந்தும், புதிய டாடா சஃபாரி ஃபேஸ்லிஃப்ட்டுக்கு அதன் பேசிக் மாடல் ரூ.16.19 லட்சத்திலிருந்தும் விலை நிர்ணயம் செய்யப்பட்டுள்ளது.