ஆட்டோ எக்ஸ்போ 2025 -வில் புதிய Kia Syros காட்சிக்கு வைக்கப்பட்டது

கியா சைரோஸ் வழக்கமான பாக்ஸி எஸ்யூவி வடிவமைப்பைக் கொண்டுள்ளது. கியா EV9 -லிருந்து நிறைய விஷயங்களை பெறுவதுடன் ஏராளமான சிறப்பான வசதிகளை பெறுகிறது.

• டோக்கன் தொகையான ரூ.25,000 -க்கு கியா சைரோஸிற்கான முன்பதிவுகள் ஏற்கனவே நடைபெற்று வருகின்றன.

• டெலிவரி -க்கு முன்னர் பிப்ரவரி 1, 2025 அன்று முழுமையான விலை விவரங்கள் வெளியிடப்படும்.

• 3-பாட் எல்இடி ஹெட்லைட்கள், L வடிவ எல்இடி டெயில் லைட்ஸ் மற்றும் ஃப்ளஷ் டைப் டோர் ஹேண்டில்கள் ஆகியவை உள்ளன.

• டூயல் 12.3 இன்ச் ஸ்கிரீன்கள், பனோரமிக் சன்ரூஃப் மற்றும் வென்டிலேட்டட் முன் மற்றும் பின் இருக்கைகள் போன்ற வசதிகளுடன் வருகிறது.

• பாதுகாப்புக்காக 6 ஏர்பேக்குகள் (ஸ்டாண்டர்டாக), 360 டிகிரி கேமரா மற்றும் லெவல் 2 ADAS ஆகியவை அடங்கும்.

• 1-லிட்டர் டர்போ-பெட்ரோல் அல்லது 1.5-லிட்டர் டீசல் இன்ஜின் ஆப்ஷன்களை கொண்டுள்ளது.

• விலை ரூ.9.70 லட்சம் (எக்ஸ்-ஷோரூம்) -ல் இருந்து தொடங்கும் எதிர்பார்க்கப்படுகிறது.

கியாவின் இந்திய கார்கள் விற்பனை வரிசையில் கியா சோனெட் மற்றும் கியா செல்டோஸ் இடையே கியா சைரோஸ் கார் விற்பனைக்கு கொண்டு வரப்படவுள்ளது. சைரோஸிற்கான முன்பதிவுகள் ஏற்கனவே தொடங்கி நடந்து வருகின்றன. அதே நேரத்தில் முழுமையான விலை விவரங்கள் 2025 பிப்ரவரி -யில் அறிவிக்கப்படும். வெளியீட்டிற்கு முன்னதாக கியா இப்போது முதல் முறையாக பாரத் மொபிலிட்டி குளோபல் எக்ஸ்போ 2025 -ல் சைரோஸை காட்சிப்படுத்தியுள்ளது. சைரோஸை பற்றி நீங்கள் தெரிந்து கொள்ள வேண்டிய அனைத்தும் இங்கே.

EV9 போன்ற வடிவமைப்பு

வடிவமைப்புக்காக கியா EV9 -லிருந்து ஏராளமான விஷயங்களை பெற்றுள்ளது. இது ஒரு டால் பாய் எஸ்யூவி சில்ஹவுட்டை கொண்டுள்ளது. வெளிப்புறத்தில் வெர்டிகலான 3-பாட் LED ஹெட்லைட்கள் மற்றும் முன்பக்கத்தில் LED DRL -கள் உள்ளன. பக்கவாட்டில் இது பெரிய ஜன்னல் பேனல்கள், சி-பில்லர் அருகே ஒரு கின்க்ட் பெல்ட்லைன் மற்றும் 17-இன்ச் அலாய் வீல்கள் கொண்ட ஸ்கொயர்-ஆஃப் வீல் ஆர்ச்கள் ஆகியவற்றைப் கொண்டுள்ளது. கியா இந்தியா வரிசையில் ஃப்ளஷ் வகை டோர் ஹேண்டில்களுடன் வரும் முதல் ICE (இன்டர்னல் கம்பஸ்டன் இன்ஜின்) மாடல் சைரோஸ் ஆகும். பின்புறத்தில் சைரோஸ் நேர்த்தியான L-வடிவ LED டெயில் லைட்ஸ் மற்றும் ஒரு பிளாட் டெயில்கேட் ஆகியவற்றை கொண்டுள்ளது.

கேபின் மற்றும் வசதிகள்

இது லெதரெட் சீட்களுடன் டூயல்-டோன் பிளாக் மற்றும் கிரே கலர் கேபின் தீம் உடன் வரும். புதிய 2-ஸ்போக் ஸ்டீயரிங் வீலை கியா இதில் கொடுக்கிறது. இது டூயல் 12.3-இன்ச் ஸ்கிரீன்கள் (ஒன்று இன்ஃபோடெயின்மென்ட் மற்றும் இன்னொன்று டிரைவர்ஸ் டிஸ்ப்ளே), கிளைமேட் கன்ட்ரோல், ஆட்டோ ஏசி, 4-வே பவர்டு டிரைவர் சீட் ஆகியவற்றிற்கான டூயல் டிஸ்பிளேக்களுக்கு இடையே இன்டெகிரேட்டட் 5-இன்ச் ஸ்கிரீன் கொடுக்கப்பட்டுள்ளது. இது 64-கலர் ஆம்பியன்ட் லைட்ஸ், வென்டிலேட்டட் முன் மற்றும் பின் இருக்கைகள், ஒரு டச் அப்/டவுன் பவர் ஜன்னல்கள், வயர்லெஸ் ஃபோன் சார்ஜர், பனோரமிக் சன்ரூஃப் மற்றும் 8-ஸ்பீக்கர் ஹர்மன் கார்டன் சவுண்ட் சிஸ்டம் ஆகியவற்றுடன் வருகிறது.

6 ஏர்பேக்குகள் (ஸ்டாண்டர்டாக), 360 டிகிரி கேமரா, எலக்ட்ரானிக் ஸ்டெபிலிட்டி கண்ட்ரோல் (ESC) மற்றும் லெவல் 2 அட்வான்ஸ்டு டிரைவர்-அசிஸ்டன்ஸ் சிஸ்டம் (ADAS) ஆகியவை பாதுகாப்புக்காக கொடுக்கப்பட்டுள்ளன. இதன் பாதுகாப்பு கிட்டில் டூயல் கேமரா டேஷ்கேம் மற்றும் ஆட்டோ ஹோல்ட் செயல்பாடு கொண்ட எலக்ட்ரானிக் பார்க்கிங் பிரேக் ஆகியவையும் கொடுக்கப்பட்டுள்ளன.

பவர்டிரெய்ன் ஆப்ஷன்கள்

கியா சைரோஸை 1 லிட்டர் டர்போ-பெட்ரோல் இன்ஜின் மற்றும் 1.5 லிட்டர் டீசல் இன்ஜினுடன் வழங்குகிறது. விவரங்கள் இங்கே:

DCT - டூயல் கிளட்ச் ஆட்டோமெட்டிக் டிரான்ஸ்மிஷன்

AT - டார்க் கன்வெர்டர் ஆட்டோமெட்டிக் டிரான்ஸ்மிஷன்

சோனெட் மற்றும் செல்டோஸ் கார்களை போல கியா சைரோஸ் 1.2 லிட்டர் அல்லது 1.5 லிட்டர் நேச்சுரல் ஆஸ்பிரேட்டட் பெட்ரோல் இன்ஜின் ஆப்ஷன் உடன் வராது.

எதிர்பார்க்கப்படும் விலை மற்றும் போட்டியாளர்கள்

கியா சைரோஸின் விலை ரூ.9.70 லட்சத்தில் (எக்ஸ்-ஷோரூம்) இருக்கும் என எதிர்பார்க்கப்படுகிறது. இதற்கு இந்தியாவில் நேரடி போட்டியாளர்கள் யாரும் இல்லை. ஆனால் இது ஹூண்டாய் கிரெட்டா, மாருதி கிராண்ட் விட்டாரா, மற்றும் கியா செல்டோஸ் போன்ற சிறிய எஸ்யூவி களுக்கு விலை குறைவான மாற்றாக இருக்கும். மேலும் இது டாடா நெக்ஸான், மாருதி பிரெஸ்ஸா, மஹிந்திரா XUV 3XO, மற்றும் ஹூண்டாய் வென்யூ போன்ற சப்காம்பாக்ட் எஸ்யூவி -களுக்கு போட்டியாகவும் இருக்கும்.

கார்கள் தொடர்பான லேட்டஸ்ட் அப்டேட்டுகளுக்கு கார்தேக்கோவின் வாட்ஸ்அப் சேனலை ஃபாலோ செய்யவும்.