இந்தியாவில் வெளியிடப்பட்டது BMW 5 சீரிஸ் LWB கார், விலை ரூ.72.9 லட்சம் ஆக நிர்ணயம் செய்யப்பட்டுள்ளது

8 -வது ஜென் 5 சீரிஸ் செடான், 3 சீரிஸ் மற்றும் 7 சீரிஸை சீரிஸ்ந்து இந்தியாவில் BMW வழங்கும் மூன்றாவது லாங் வீல் பேஸ் (LWB) மாடலாகும்.

• BMW புதிய 5 சீரிஸ்களை ஒரு 530Li M ஸ்போர்ட் வேரியன்ட்டில் விற்பனைக்கு கொண்டு வந்துள்ளது.

• புதிய 5 சீரிஸ் இப்போது முதல் முறையாக லாங் வீல்பேஸ் பதிப்பில் வழங்கப்படுகிறது.

• புதிய ஜென் 5 சீரிஸ் 14.9-இன்ச் இன்ஃபோடெயின்மென்ட் சிஸ்டம், 4-ஜோன் க்ளைமேட் கன்ட்ரோல் மற்றும் 12.3-இன்ச் டிஜிட்டல் டிரைவர்ஸ் டிஸ்ப்ளே ஆகியவற்றைப் பெறுகிறது.

• பாதுகாப்புக்காக மல்டி ஏர்பேக்குகள், TPMS மற்றும் ESC ஆகியவை கொடுக்கப்பட்டுள்ளன.

• இது 2-லிட்டர் டர்போ-பெட்ரோல் இன்ஜின் ஆப்ஷனால், 8-ஸ்பீடு ஆட்டோமெட்டிக் டிரான்ஸ்மிஷன் மற்றும் மைல்டு-ஹைபிரிட் தொழில்நுட்பம் ஆகியவற்றை கொண்டுள்ளது.

எட்டாவது ஜெனரேஷன் BMW 5 சீரிஸ் ரூ. 72.9 லட்சம் (அறிமுக எக்ஸ்-ஷோரூம்) விலையில் ஒரு 530Li M ஸ்போர்ட் வேரியன்ட்டில் இந்தியாவில் அறிமுகம் செய்யப்பட்டுள்ளது. இந்த சொகுசு எக்ஸிகியூட்டிவ் செடான், 3 சீரிஸ் மற்றும் 7 சீரிஸ்களுக்கு பிறகு இந்தியாவில் பிஎம்டபிள்யூ வழங்கும் மூன்றாவது லாங் வீல்பேஸ் மாடலாகும். புதிய ஜென் காராக இருப்பதால் பழைய மாடலை விட இது புதிய வெளிப்புற ஸ்டைலிங் மற்றும் மேம்படுத்தப்பட்ட கேபினை கொண்டுள்ளது. லாங் வீல்பேஸ் கொண்ட BMW இன் முதல் 5 சீரிஸ் பற்றிய கூடுதல் விவரங்கள் இங்கே:

வெளிப்புற வடிவமைப்பு

5 சீரிஸ் பிஎம்டபிள்யூவின் சிக்னேச்சர் கிட்னி கிரில்லை சுற்றி இல்லுமினேஷன் மற்றும் நேர்த்தியான ஸ்வீப்ட் பேக் LED ஹெட்லைட் செட்டப்பை கொண்டுள்ளது. புதிய-ஜென் 5 தொடரின் முன்பகுதி அதன் ஸ்போர்ட்டி பம்பர்களால் மிகவும் ஆக்ரோஷமாக தோற்றமளிக்கிறது. 

பக்கவாட்டில் பார்க்கும் போது இந்த செடான் ஒரு சாய்வான கூரையை கொண்டுள்ளதை பார்க்க முடியும். மற்றும் 18-இன்ச் டூயல்-டோன் அலாய் வீல்களுடன் வருகிறது, 19-இன்ச் யூனிட் ஆப்ஷனலாக கூடுதல் வசதிகளுடன் வழங்கப்படுகிறது. ஆக்ரோஷமான நிலைப்பாடு பின்புறம் செல்கிறது, மேலும் இது LED டெயில் லைட்ஸ் மற்றும் டிஃப்பியூசர் எஃபெக்டை கொண்டிருக்கும் பின்புற பம்பர்கள் கொடுக்கப்பட்டுள்ளன.  

BMW சொகுசு செடானை கார்போனிக் பிளாக், மினரல் ஒயிட் மற்றும் பைடோனிக் ப்ளூ ஆகிய 3 கலர் ஆப்ஷன்களில் வழங்குகிறது.

ஒரு புதிய கேபின் 

BMW -ன் சொகுசு செடானின் கேபின் டூயல்-தொனி கேபின் தீம் மற்றும் டூயல் இன்டெகிரேட்டட் டிஸ்பிளேக்கள் கொடுக்கப்பட்டுள்ளன, இது ஒரு அதிநவீன தோற்றத்தை அளிக்கிறது மற்றும் வீகன் மெட்டீரியலால் ஆனது. சென்ட்ரல் ஏசி வென்ட்கள் டாஷ்போர்டில் 7 சீரிஸில் உள்ளதைப் போன்ற சுத்தமான மற்றும் மினிமலிஸ்டிக் வடிவமைப்பு உள்ளது. முதல் 500 வாடிக்கையாளர்கள், அவர்களின் இனிஷியல் உடன் கூடிய (கஸ்டமைஸபிள்) ஹெட்ரெஸ்ட்கள் கிடைக்கும். இது சொகுசு செடானுக்கு தனித்துவத்தை சேர்க்கிறது. செடானின் உட்புறத்தில் முற்றிலும் வீகன் பொருள்களே பயன்படுத்தப்பட்டுள்ளன என்று பிஎம்டபிள்யூ நிறுவனம் தெரிவித்துள்ளது .

மேலும் பார்க்க: 2024 Mini Cooper S மற்றும் Mini Countryman எலக்ட்ரிக் இந்தியாவில் அறிமுகப்படுத்தப்பட்டுள்ளது, கார்களின் விலை ரூ.44.90 லட்சத்தில் இருந்து தொடங்குகிறது.

வசதிகள் மற்றும் பாதுகாப்பு 

இந்தியா-ஸ்பெக் 8 -வது ஜென் 5 சீரிஸ் வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளேயுடன் கூடிய 14.9 இன்ச் இன்ஃபோடெயின்மென்ட் சிஸ்டம், 12.3 இன்ச் டிஜிட்டல் டிரைவர்ஸ் டிஸ்ப்ளே, ஆம்பியன்ட் லைட்ஸ், 4 ஜோன் கிளைமேட் கன்ட்ரோல், 18-ஸ்பீக்கர் போவர்ஸ் மற்றும் வில்கின்ஸ் சரவுண்ட் சிஸ்டம், ஹெட்ஸ்-அப் டிஸ்ப்ளே மற்றும் ஸ்டாண்டர்டான பனோரமிக் கிளாஸ் ரூஃப் ஆகியவற்றைப் கொண்டுள்ளது. பாதுகாப்புக்காக பல ஏர்பேக்குகள் எலக்ட்ரானிக் ஸ்டெபிலிட்டி கண்ட்ரோல், கார்னரிங் பிரேக் அசிஸ்ட் மற்றும் டயர் பிரஷர் மானிட்டர் சிஸ்டம் (TPMS) ஆகியவையும் கொடுக்கப்பட்டுள்ளன. 

பவர்டிரெய்ன் 

BMW 5 சீரிஸ் LWB ஆனது ஒரே ஒரு 258 PS 2-லிட்டர் டர்போ-பெட்ரோல் இன்ஜின் ஆப்ஷனுடன் வழங்கப்படுகிறது. இது மைல்டு-ஹைபிரிட் தொழில்நுட்பத்துடன் வழங்கப்படும் 8-ஸ்பீடு ஆட்டோமெட்டிக் டிரான்ஸ்மிஷனுடன் இணைக்கப்பட்டுள்ளது. உலகளவில் பெட்ரோல், டீசல் மற்றும் பிளக்-இன் ஹைப்ரிட் வேரியன்ட்களில் கிடைக்கும் என்பதால், டீசல் பவர்டு 5 சீரிஸை பிஎம்டபிள்யூ நிறுவனம் பின்னர் வெளியிடலாம். 

போட்டியாளர்கள்

BMW 5 சீரிஸ் LWB கார் ஆடி A6 மற்றும் வால்வோ S90 மட்டுமில்லாமல் வரவிருக்கும் புதிய தலைமுறை மெர்சிடிஸ்-பென்ஸ் இ-கிளாஸ் ஆகியவற்றுக்கு போட்டியாக இருக்கும். 

கார்கள் தொடர்பான லேட்டஸ்ட் அப்டேட்டுகளுக்கு கார்தேக்கோவின் வாட்ஸ்அப் சேனலை ஃபாலோ செய்து கொள்ளவும்.

மேலும் படிக்க: 5 சீரிஸ் ஆட்டோமெட்டிக்