Tata Curvv EV காருக்கான முன்பதிவு மற்றும் டெலிவரி விவரங்கள்

கர்வ் EV-க்கான ஆடர்களுக்கான புக்கிங் ஆகஸ்ட் 12 அன்று தொடங்க உள்ளது. ஆகஸ்ட் 23 -ம் தேதியன்று டெலிவரியை தொடங்க டாடா நிறுவனம் திட்டமிட்டுள்ளது.

• கர்வ் EV என்பது இந்தியாவின் முதல் பட்ஜெட் சந்தை எலக்ட்ரிக் எஸ்யூவி-கூபே ஆகும்.

• 45 கிலோவாட் (மீடியம் ரேஞ்ச்) மற்றும் 55 கிலோவாட் (லாங் ரேஞ்ச்) என இரண்டு பேட்டரி பேக் ஆப்ஷன்களுடன் கிடைக்கிறது.

• தேர்ந்தெடுக்கப்பட்ட பேட்டரி பேக்கை பொறுத்து இது 585 கி.மீ வரை MIDC கிளைம் செய்யப்பட்ட ரேஞ்சை கொண்டுள்ளது.

• 12.3-இன்ச் டச்ஸ்கிரீன், பனோரமிக் சன்ரூஃப் மற்றும் வென்டிலேட்டட் முன் சீட்கள் போன்றவை இதன் ஹைலைட்ஸ் ஆக இருக்கின்றன.

• பாதுகாப்பை பொறுத்தவரை இது 6 ஏர்பேக்குகள் (ஸ்டாண்டர்டு), 360 டிகிரி கேமரா மற்றும் லெவல் 2 ADAS ஆகிய வசதிகள் கொடுக்கப்பட்டுள்ளன..

• விலை ரூ 17.49 லட்சம் முதல் ரூ 21.99 லட்சம் வரை (அறிமுக எக்ஸ்-ஷோரூம் பான்-இந்தியா) இருக்கின்றது.

டாடா கர்வ் EV இந்தியாவின் முதல் வெகுஜன சந்தை எலக்ட்ரிக் எஸ்யூவி-கூபேவாக அறிமுகப்படுத்தப்பட்டுள்ளது. Acti.ev பிளாட்ஃபார்மில் டிசைன் செய்யப்பட்டது. இது 2024 ஆம் ஆண்டின் தொடக்கத்தில் அறிமுகப்படுத்தப்பட்ட டாடா பன்ச் EV காரிலும் இது பயன்படுத்தப்பட்டுள்ளது. கர்வ் EV ஆனது கர்வ் EV 45 (மீடியம் ரேஞ்ச்) மற்றும் கர்வ் EV 55 (லாங் ரேஞ்ச்) என இரண்டு வெர்ஷன்களில் கிடைக்கிறது. ஆகஸ்ட் 12 முதல் கர்வ் EV-க்கான ஆர்டர்களை டாடா ஏற்கத் தொடங்கும் என்று அறிவித்துள்ளது. மற்றும் அதற்க்கான டெலிவரி ஆகஸ்ட் 23 முதல் தொடங்கவிருக்கிறது. கர்வ் EV காரில் உள்ள வசதிகளை பற்றி  சுருக்கமாகப் பார்ப்போம்.

எஸ்யூவி-கூபே டிசைன்

கர்வ் EV என்பது இந்தியாவின் முதல் பட்ஜெட் சந்தை எலக்ட்ரிக் எஸ்யூவி-கூபே ஆகும். இதன் வடிவமைப்புக்கக பெரும்பாலான விஷயங்கள்  தற்போதுள்ள டாடா நெக்ஸான் EV -யில் இருந்து பெறப்பட்டுள்ளன. குறிப்பாக கனெக்டட் LED DRL-கள் மற்றும் முன்பக்க பம்பரில் உள்ள வெர்டிகல் ஸ்லேட்டுகளிலிருந்து ஈர்க்கப்பட்டதாகத் தெரிகிறது. பக்கவாட்டில் கர்வ் EV ஆனது ஃப்ளஷ்-டைப் டோர் ஹேன்டில்கள் மற்றும் 18-இன்ச் ஏரோடைனமிக் பாணியில் அலாய் வீல்களை கொண்டுள்ளது. பின்புறத்தில் கனெக்டட் LED டெயில் லைட்களையும் பெறுகிறது.

வசதிகள் மற்றும் பாதுகாப்பு

12.3-இன்ச் டச்ஸ்கிரீன் இன்ஃபோடெயின்மென்ட் சிஸ்டம், 10.25-இன்ச் டிஜிட்டல் டிரைவர்ஸ் டிஸ்ப்ளே, ஏர் ப்யூரிஃபையருடன் கூடிய ஆட்டோமேட்டிக் கிளைமேட் கண்ட்ரோல், பனோரமிக் சன்ரூஃப், வயர்லெஸ் ஃபோன் சார்ஜர் மற்றும் JBL-இன் 9-ஸ்பீக்கர் - போன்ற வசதிகளுடன் டாடா கர்வ் EV -யை வழங்குகிறது. டியூன் செய்யப்பட்ட சவுண்ட் சிஸ்டம். இதில் 6 வே பவர்டு டிரைவர் சீட்  மற்றும் வென்டிலேட்டட் முன் சீட்களும் கொடுக்கப்பட்டுள்ளன. டாப்-ஸ்பெக் வேரியன்ட்டின் இன்ஃபோடெயின்மென்ட் சிஸ்டம் Arcade.ev ஆப்ஸ் தொகுப்பை கொண்டுள்ளது. யூஸர்கள் OTT ஆப்ஸ் மூலம் கேம்களை விளையாடவும் உள்ளடக்கத்தைப் பார்க்கவும் அனுமதிக்கிறது.

பாதுகாப்பைப் பொறுத்தவரையில் கர்வ் EV ஆனது 6 ஏர்பேக்குகள் (ஸ்டாண்டர்டானது), பிளைண்ட் ஸ்பாட் மானிட்டரிங் உடன் கூடிய 360 டிகிரி கேமரா, எலக்ட்ரானிக் ஸ்டெபிலிட்டி கண்ட்ரோல் (ESC), டயர் பிரஷர் மானிட்டரிங் சிஸ்டம் (TPMS) மற்றும் லெவல் 2 அட்வான்ஸ்ட் டிரைவர் அசிஸ்டன்ஸ் சிஸ்டம் (ADAS) போன்ற வசதிகளைக் கொண்டுள்ளது.

மேலும் பார்க்க: Tata Curvv EV 15 படங்களின் மூலம் விளக்கப்பட்டுள்ளது

பேட்டரி பேக் மற்றும் ரேஞ்ச்

டாடா கர்வ் EV-ஐ இரண்டு பேட்டரி பேக் ஆப்ஷன்களுடன் வழங்குகிறது. மேலும் அவற்றின் விவரங்கள் கீழே உள்ள அட்டவணையில் விவரிக்கப்பட்டுள்ளன:

MIDC - மாடிஃபைடு இந்தியன் டிரைவ் சைக்கிள்

கர்வ் EV ஆனது V2L (வெஹிகிள்-டு-லோட்) மற்றும் V2V (வெஹிகிள்-டு-வெஹிகிள்) வசதிகளையும் கொண்டுள்ளது. V2L வெளிப்புற சாதனங்களை இயக்க உங்களை அனுமதிக்கிறது, அதே நேரத்தில் V2V உங்கள் சொந்த வாகனத்தைப் பயன்படுத்தி மற்றொரு EV -யை சார்ஜ் செய்ய அனுமதிக்கிறது. இரண்டு செயல்பாடுகளும் காரின் பேட்டரி பேக்கில் சேமிக்கப்பட்ட ஆற்றலைப் பயன்படுத்துகின்றன.

விலை மற்றும் போட்டியாளர்கள்

டாடா கர்வ் EV-யின் விலை ரூ. 17.49 லட்சம் முதல் ரூ. 21.99 லட்சம் (அறிமுகம், எக்ஸ்-ஷோரூம் பான்-இந்தியா). இது MG ZS EV-க்கு ஒரு ஸ்டைலான மாற்றாக இருக்கும். மேலும் வரவிருக்கும் ஹூண்டாய் கிரெட்டா EV மற்றும் மாருதி eVX ஆகியவற்றுடன் போட்டியிடும்.

புதிய கார்கள் தொடர்பான அப்டேட்களுக்கு கார்தேக்கோவின் வாட்ஸ்அப் சேனலை ஃபாலோ செய்து கொள்ளுங்கள்.

மேலும் படிக்க: Tata Curvv EV ஆட்டோமேட்டிக்