மஹிந்திரா KUV 100 நாளை அறிமுகமாகிறது
மஹிந்திரா கேயூவி 100 என்எக்ஸ்டீ க்காக ஜனவரி 14, 2016 01:18 pm அன்று manish ஆல் பப்ளிஷ் செய்யப்பட்டது
- 13 Views
- ஒரு கருத்தை எழுதுக
மஹிந்திரா நிறுவனத்தின் மிகவும் எதிர்பார்க்கப்பட்ட KUV – 100 மைக்ரோ SUV கார்கள் நாளை அறிமுகமாகிறது. இந்தய வாகன உலகில் புதிய மைக்ரோ SUV என்ற பிரிவு உதயமாகிறது. இந்த பிரிவில் தற்போது வேறு எந்த காரும் இல்லாத நிலையில் , இந்த KUV 100 கார்கள் தனிக்காட்டு ராஜாவாக வலம் வரும். ஆனால் இந்த வருட பிற்பகுதியில் மாருதி நிறுவனம் இதே பிரிவில் இக்னைஸ் மைக்ரோ SUV கார்களை அறிமுகப்படுத்தும் என்பது இங்கே குறிப்பிடத்தக்கது. இந்த காரின் வெளிப்புற மற்றும் உட்புற தோற்றங்களைக் காட்டும் வீடியோ ஒன்று நமது உளவாளிகளின் கண்ணில் சிக்கியது. இந்த கார் எவ்வாற இயங்கும் என்பதும் ஓரளவு இந்த வீடியோ படத்தில் விளக்கப்பட்டுள்ளது.
KUV 100 ஒரு சிக்ஸ் சீட்டர் ( ஆறு பேர் அமரும் வசதி ) வசதி கொண்ட வாகனமாகும். முன்னிருக்கையில் இரண்டு பேர் அமரும் பெஞ்ச் சீட் வசதியும் , கியர் ஷிப்ட்டர் டேஷ்போர்ட் உடன் இணைக்கப்பட்டிருப்பதும் இந்த கார் மற்ற கார்களின் சராசரியான வடிவமைப்பை உடைத்து வித்தியாசமாக வடிவமைக்கப்பட்டிருப்பதற்கு தக்க சான்றாகும். இந்த புதுமையான வடிவமைப்பின் மூலம் கேபின் இடவசதி அதிகரிக்கப்பட்டிருப்பதுடன், பெஞ்ச் இருக்கையும் அமைக்கப்பட்டுள்ளது.
இந்த புதிய மைக்ரோ SUV எம்பால்கன் (mFalcon) என்ஜின் வகைகள் மூலம் சக்தியூட்டப்படுகிறது. 82PS அளவு சக்தியை வெளியிடக்கூடிய 1.2-லிட்டர் , 3 சிலிண்டர் எம்பால்கன் G80 பெட்ரோல் யூனிட் பொருத்தப்பட்டு வெளியிடப்படும் என்று தெரிகிறது .இந்த என்ஜின் குறிப்பாக க்ரேண்ட் i10, ஸ்விப்ட், போல்ட் மற்றும் இன்னும் சில கார்களுடன் இந்த KUV 100 போட்டியிட உதவும். டீசல் ஆப்ஷனைப் பொறுத்தவரை 77PS அளவு சக்தியை வெளியிடும் ஆற்றல் கொண்ட டீசல் என்ஜின் பொருத்தப்படும் என்றும் தெரிகிறது. இந்த டீசல் இன்ஜின் ஆற்றலின் அளவு போர்ட் பீகோ கார்களின் அபார 100PS ஆற்றலுடன் ஒப்பிடுகையில் மட்டும் சற்று குறைவாக உள்ளதை நாம் மறுக்க முடியாது.
மேலும் வாசிக்க
