மாருதி ஃப்ரான்க்ஸ் & பிரெஸ்ஸா இடையே உள்ள வேறுபாடுகளை கண்டறிந்திடுங்கள்

கார் தயாரிப்பாளரின் சமீபத்திய எஸ்யூவி, பிரெஸ்ஸாவிற்கு ஒரு ஸ்டைலான மாற்றாக இருக்கலாம்

மாருதி அதன் தயாரிப்பு வரிசையில் மற்றொரு 'எஸ்யூவி'யை சேர்த்துள்ளது ஃபிரான்க்ஸ். இது பலேனோ மற்றும் கிராண்ட் விட்டார விலிருந்து டிசைன் எலிமெண்ட்ஸை தழுவி, அவற்றை ஒரு சப்காம்பேக்ட் கிராஸ் ஓவராக மாற்றுகிறது.

ஃபிராங்க்ஸ் என்பது பலேனோவிற்கும் பிரெஸ்ஸா, க்கும் இடையில், ஒரு வித்தியாசமான நவீன வடிவமைப்புடன், தாருமாறான இந்திய சாலைகளுக்கு பிராக்டிகல் கிரவுண்ட் கிளியரன்ஸ் கொண்ட, ஆனால் பாரம்பரிய எஸ்யூவி வடிவம் வேண்டாம் என எதிர்பார்ப்பவர்களுக்கானது.

மேலும் படிக்க: இதுவே மாருதி ஃபிராங்க்ஸ் பலேனோவை ஒத்ததாக இருந்தாலும் வேறுபடுத்துகிறது

நாம் ஃபிராங்க்ஸ் மற்றும் பலேனோ இடையே உள்ள வேறுபாடுகளைப் பற்றி ஏற்கனவே பேசியுள்ளோம், இப்போது மற்றொரு சப்-ஃபோர்-மீட்டர் வழங்குகிறது மாருதி, அதுவே பிரெஸ்ஸா, இதனிடமிருந்து எவ்வாறு வேறுபடுகிறது என்பதை இப்போது பார்க்கலாம்:

கூபே எதிராக பாக்ஸி டிசைன்

பிரெஸ்ஸா ஒரு பாக்ஸ் வடிவ எஸ்யூவியாக இருந்தாலும், ஃபிராங்க்ஸின் வடிவமைப்பு கூபே போன்றது, இது சற்று திமிறிக்கொண்டு இருக்கும். முன்பக்கத்திலிருந்து பார்க்கும்போது, ​​ப்ரெஸ்ஸா பிரீமியம் ஆனால் சாதாரணமாகத் தெரிகிறது, அதே சமயம் ஃபிராங்க்ஸின் முன்பக்கம் அதிக விலையுயர்ந்த கிராண்ட் விட்டாராவைப் பின்பற்றுவது போல் தெரிகிறது.

பிரெஸ்ஸாவின் சைட் ப்ரொஃபைல் அதன் முந்தைய வடிவமைப்பைப் போலவே உள்ளது, மேலும் அதன் வடிவமைப்பில் மிகவும் மெச்சுர்டாக இருந்தாலும், ஒப்பீட்டளவில் ஸ்ட்ரெயிட் எட்ஜுடாக உள்ளது. மறுபுறம், ஃபிராங்க்ஸ் அதன் ஸ்டைலிங்கை பலேனோவிடமிருந்து கடன் வாங்குகிறது, இதில் அந்த ஸ்போர்ட்டி ஸ்லாண்டிங் ரூஃப்லைனும் அடங்கும்.

இரண்டு எஸ்யூவிகளின் பின்புற ப்ரொஃபைல் முற்றிலும் வேறுபட்டது. பிரெஸ்ஸா இங்கும் அதன் பாக்ஸி தோற்றத்துடன் வருகிறது என்றபோதும், ஃபிராங்க்ஸ் ஆனது பலேனோவால் ஈர்க்கப்பட்ட பின்புற ப்ரொஃபைலுடன் வருகிறது. நடுவில் ‘பிரெஸ்ஸா’ என்ற எழுத்துகளுடன் கூடிய நேர்த்தியான எல்இடி டெயில் விளக்குகளுடன் பிரெஸ்ஸா வருகிறது, மேலும் ஃபிராங்க்ஸ்-இல் ஒரு தனித்துவமான தோற்றத்தை அளிக்கும் கனெக்டிங் டெயில் லாம்ப் உள்ளது.

அளவு வேறுபாடு

இரண்டு ஆஃபரிங்கிலும் நான்கு மீட்டர்களுக்கு கிழே உள்ளது, ஆனால் பிரெஸ்ஸா ஒரு சிறிய ஆனால் கவனிக்கத்தக்க விளிம்பில் அகலமாகவும் உயரமாகவும் உள்ளது. ஃபிராங்க்ஸ் ஒரு ஸ்போர்ட்டியர் வடிவமாக இருப்பதால், அவற்றின் உயரங்களில் மிகப்பெரிய வித்தியாசம் புரிந்துகொள்ளத்தக்கது, ஆனால் இது சற்று நீளமான வீல்பேஸையும் கொண்டுள்ளது.

உள்ளே விதவிதமான ஸ்டைல்கள்

இரண்டு கார்களின் இண்டீரியர் என்று வரும்போது, ​​ஃபிராங்க்ஸ் மற்றும் பிரெஸ்ஸா மிகவும் வித்தியாசமான அணுகுமுறைகளை கொண்டுவருகின்றன. பிரெஸ்ஸா டூயல்-டோன் (கருப்பு மற்றும் பழுப்பு) இன்டீரியர் தீம் பெறுகிறது, அதே சமயம் ஃபிராங்க்ஸ் கருப்பு மற்றும் பர்கண்டி இன்டீரியர் ஃபினிஷுடன் வருகிறது. ஸ்டீயரிங் மற்றும் இன்ஃபோடெயின்மென்ட் டிஸ்ப்ளே இரண்டிலும் ஒரே தோற்றம் உள்ளது, ஆனால் ஒட்டுமொத்த கேபின் தீம் வேறுபட்டது. பிரெஸ்ஸாவின் டேஷ்போர்டு மிகவும் கூர்மையாகத் தோற்றமளிக்கும் இடத்தில், ஃபிராங்க்ஸில் உள்ள அதே வடிவமைப்பு மிகவும் வளைந்த வடிவமைப்பைப் பெறுகிறது.

அவற்றுக்கு சக்தியூட்டுவது எது

பிரெஸ்ஸா ஒரு பெரிய 1.5-லிட்டர் பெட்ரோல் எஞ்சினைப் பெற்றாலும், ஃபிராங்க்ஸ் 1.0-லிட்டர் டர்போ-பெட்ரோல் எஞ்சினுடன் ஒத்த வெளியீட்டு புள்ளிகளைக் கொண்டுள்ளது. இரண்டு எஞ்சின்களும் ஒரே மாதிரியான டிரான்ஸ்மிஷன் விருப்பங்களைப் பெறுகின்றன: ஐந்து-வேக மேனுவல் மற்றும் ஆறு-வேக ஆட்டோமேடிக். ஆனால் ஃபிராங்க்ஸ் ஐந்து வேக மேனுவல் மற்றும் ஏஎம்டீ தேர்வுகளுடன் பலேனோவின் 1.2 லிட்டர் பெட்ரோல் எஞ்சினையும் பெறுகிறது.

பேக் செய்யப்பட்டுள்ள அம்சம்

பிரெஸ்ஸா மற்றும் ஃபிராங்க்ஸ் மிகவும் ஒத்திருக்கும் இடம் இதுவாக இருக்கலாம். வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, ஆர்காமிஸ் சவுண்ட் சிஸ்டம், வயர்லெஸ் ஃபோன் சார்ஜர் மற்றும் ஹெட்ஸ்-அப் டிஸ்ப்ளே கொண்ட ஒன்பது இன்ச் டச்ஸ்கிரீன் இன்ஃபோடெயின்மென்ட் சிஸ்டம் இரண்டிலும் உள்ளது. பிரெஸ்ஸாவில் சன்ரூஃப் மற்றும் ஆம்பியண்ட் லைடிங் உள்ளன, அவை ஃபிராங்க்ஸில் இல்லை.

பாதுகாப்பு என்று வரும்போது, இரண்டும் ஆறு ஏர்பேக்குகளைப் பெறுகின்றன, மேலும் அவை பிரெஸ்ஸாவின் டாப் டிரிம்களுக்கு மட்டுப்படுத்தப்பட்டிருந்தாலும், ஃபிராங்க்ஸ் அவற்றை தரநிலையாகக் கொண்டுள்ளது. ஏபிஎஸ் மற்றும் ஈபிடி, எலக்ட்ரானிக் ஸ்டெபிலிட்டி புரோகிராம் (ஈஎஸ்பி), ரியர் பார்க்கிங் சென்சார்கள் மற்றும் 360 டிகிரி கேமரா போன்ற மற்ற பாதுகாப்பு அம்சங்கள் இரண்டிலும் பொதுவானவை.

விலைகள் என்ன சொல்கின்றன

ஃபிராங்க்ஸ் இன் விலைகள் இன்னும் வெளியாகவில்லை என்றாலும், அவை ரூ. 8 லட்சம் (எக்ஸ்-ஷோரூம்) முதல் தொடங்கும் என்று எதிர்பார்க்கிறோம். விலையைப் பொருத்தவரையில் பிரெஸ்ஸா இணையாக இருக்கலாம், ஆனால் அதன் டாப் டிரிம்கள் பிரெஸ்ஸாவின் டாப் டிரிம்களை விட மலிவு விலையில் இருக்கும்.

மேலும் ஆட்டோ எக்ஸ்போ 2023 உள்ளடக்கத்தை இங்கே பார்க்கவும்

ஃபிராங்க்ஸை நெக்ஸா வழங்குகிறது அதேசமயம் பிரெஸ்ஸா என்பது அரேனாவின் தயாரிப்பாகும். இது வாங்குபவர்களுக்கு கிராஸ்ஓவர் எஸ்யூவி வடிவில் புதிய தேர்வை வழங்கும் மற்றும் பிரிமியம் ஹேட்ச்பேக், பலேனோ மற்றும் பிரெஸ்ஸா சப்காம்பாக்ட் எஸ்யூவிக்கு இடையே உள்ள இடைவெளியை நிரப்பும். கீழே உள்ள கருத்துப் பிரிவில் ஃபிராங்க்ஸ் பற்றி நீங்கள் என்ன நினைக்கிறீர்கள் என்பதை எங்களுக்குத் தெரியப்படுத்துங்கள்.

மேலும் படிக்கவும்: ப்ரெஸ்ஸா ஆன் ரோடு விலை