புதிய தலைமுறை Kodiaq மற்றும் Superb கார்களின் இன்டீரியர் விவரங்களை வெளியிட்ட ஸ்கோடா

இரண்டு ஸ்கோடா மாடல்களும் இப்போது 13-இன்ச் இன்ஃபோடெயின்மென்ட் சிஸ்டம் மற்றும் ஸ்டீயரிங் வீலுக்கு பின்னால் கியர் செலக்டரை கொண்டிருக்கும்.

ஸ்கோடா கோடியாக் மற்றும் ஸ்கோடா சூப்பர்ப் ஆகியவை விரைவில் புதிய தலைமுறை அவதாரத்தில் உலகளவில் அறிமுகப்படுத்தப்பட உள்ளன, மேலும் இப்போது கார் தயாரிப்பாளர் அதன் முதன்மையான எஸ்யூவி மற்றும்  உற்பத்தியிலிருந்து வெளிவரத் தயாராக உள்ள  செடான் கார்களின் உட்புறங்களை வெளிப்படுத்தியுள்ளது. என்ன மாறிவிட்டது என்பதை இன்னும் விரிவாக பார்ப்போம்.

ஒரு புதுமையான அனுபவம்

2024 ஸ்கோடா கோடியாக் மற்றும் சூப்பர்ப் இரண்டுமே ஒரே மாதிரியான கேபின் தீம் (கருப்பு மற்றும் பழுப்பு) கொண்டவை ஆனால் டாஷ்போர்டு வடிவமைப்பு மற்றும் சென்டர் கன்சோல் மூலம் வேறுபடுகின்றன. செடான் நேர்த்தியான சென்ட்ரல் AC வென்ட்கள் மற்றும் பயணிகள் பக்கத்திற்கான சாய்வான டிசைனுடன் நேர்த்தியான அமைப்பை பெற்றாலும், எஸ்யூவி பெரிய  மற்றும் மிகவும் உறுதியான வடிவமைப்பை பெறுகிறது.

இரண்டு மாடல்களின் சிறப்பம்சமாக, டாஷ்போர்டின் மையத்திலும் மேற்புறத்திலும் அமைந்துள்ள மிகப்பெரிய 13-இன்ச் ஃப்ரீ-ஃப்ளோட்டிங் டச்ஸ்கிரீன் அமைந்துள்ளது. இரண்டு புதிய மாடல்களிலும் இருக்கைகள் 100 சதவீதம் பாலியஸ்டரால் ஆனது. இரண்டு மாடல்களிலும் உள்ள சென்டர் கன்சோல் இப்போது ஆட்டோமெட்டிக் டிரான்ஸ்மிஷனின் டிரைவ் செலக்டரில் இருந்து விடுவிக்கப்பட்டுள்ளது (இப்போது ஸ்டீயரிங் மற்றும் ஸ்டீயரிங் நெடுவரிசையில் வைக்கப்பட்டுள்ளது), இது அதிக சேமிப்பிடத்தை கொடுக்கிறது.

மற்றொரு தனிச்சிறப்பு அம்சம் என்னவென்றால், இரண்டு மாடல்களும் அதிர்ஷ்டவசமாக அழகான கைப்பிடிகள் மற்றும் பட்டன்களுடன் வரும். இரண்டு வெளிப்புற ரோட்டரி டயல்கள் AC வெப்பநிலை மற்றும் சீட் ஹீட்டிங் மற்றும் வென்டிலேஷன் ஆகியவற்றின் செயல்பாடுகளைக் கொண்டுள்ளன. ஃபேன் வேகம், காற்றின் திசை, ஸ்மார்ட் ஏர் கண்டிஷனிங், டிரைவ் மோடுகள், மேப் ஜூம் மற்றும் இன்ஃபோடெயின்மென்ட் வால்யூம் ஆகியவற்றைக் கட்டுப்படுத்த சென்ட்ரல் டயல் கஸ்டமைஸ் செய்து கொள்ளும் வகையில் இருக்கிறது.

மேலும் படிக்க: 5 பிரீமியம் செடான் கார்களை ரூ.20 லட்சத்திற்கும் குறைவான விலையில் வாங்கலாம்

உட்புறத்தில் உள்ள மற்ற அம்சங்கள்

இரண்டு புதிய தலைமுறை ஸ்கோடா கார்களும் 10 இன்ச் டிஜிட்டல் டிரைவர் டிஸ்ப்ளே, ஹெட்ஸ்-அப் டிஸ்ப்ளே, வயர்லெஸ் போன் சார்ஜிங், பவர்டு முன் இருக்கைகள், ஆம்பியன்ட் லைட்ஸ் மற்றும் பனோரமிக் சன்ரூஃப் ஆகியவற்றைப் பெறும். இரண்டு கார்களின் டிரைவர் இருக்கைகளும் நியூமேடிக் மசாஜ் செயல்பாட்டை பெறுகின்றன.

பல ஏர்பேக்குகள், எலக்ட்ரானிக் ஸ்டெபிலிட்டி கண்ட்ரோல் (ESC) மற்றும் பல அட்வான்ஸ்டு டிரைவர்-அசிஸ்டன்ஸ் சிஸ்டம் (ADAS) மூலம் பாதுகாப்பு கவனிக்கப்படும்.

இரண்டுக்கும் என்ன பவர்டிரெயின் கிடைக்கும் ?

புதிய கோடியாக் மற்றும் சூப்பர்ப் இரண்டும் அவற்றின் சர்வதேச-ஸ்பெக் அவதார்களில் ஏராளமான இன்ஜின்-கியர்பாக்ஸ் சேர்க்கைகளுடன் தொடர்ந்து வழங்கப்படும். ஏற்கனவே உறுதிப்படுத்தபட்ட அதன் ஆப்ஷன்கள் இங்கே:

க்ளோபல்-ஸ்பெக் சூப்பர்ப், கோடியாக்கின் அதே பவர்டிரெய்ன்களைப் பெறும். செடானின் 2-லிட்டர் டர்போ-பெட்ரோல் யூனிட் ஆல்-வீல் டிரைவ் டிரெய்ன் (AWD) கொண்ட அதிக 265PS கிடைக்கும்.

இரண்டின் பிளக்-இன் ஹைபிரிட் பதிப்புகள்  25.7kWh பேட்டரி பேக்கை பெறும், இது மின்சார ஆற்றலில் 100km வரை செல்ல உங்களை அனுமதிக்கும், மேலும் 50kW வரை DC ஃபாஸ்ட் சார்ஜிங்கை ஆதரிக்கும். இருப்பினும், ஸ்கோடா இந்தியா டீசல் பவர் ட்ரெய்ன்களை நிறுத்த முடிவு செய்துள்ள நிலையில், இந்தியா-ஸ்பெக் புதிய-தலைமுறை கோடியாக் மற்றும் சூப்பர்ப் ஆகியவை டர்போ-பெட்ரோல் ஆப்ஷன்களை மட்டுமே வழங்கும், பிளக்-இன் ஹைப்ரிட்டை வழங்காது.

மேலும் படிக்க: இந்தியாவுக்கென உருவாக்கப்பட்டுள்ள பாரத் நியூ கார் அசெஸ்மென்ட் புரோகிராம் வெளியானது

இந்திய அறிமுகம் மற்றும் விலை

ஸ்கோடா அதன் முதன்மையான எஸ்யூவி-செடான் டுயோவை இறக்குமதியாக அடுத்த ஆண்டு நமது நாட்டிற்கு  கொண்டு வரும் என்று எதிர்பார்க்கிறோம். கோடியாக் மற்றும் சூப்பர்ப் இரண்டின் தொடக்க விலை ரூ.40 லட்சம் (எக்ஸ் ஷோ ரூம்) ஆக இருக்கலாம். ஜீப் மெரிடியன், டொயோட்டா ஃபார்ச்சூனர் மற்றும் MG குளோஸ்டர் ஆகியவற்றுடன் ஸ்கோடா கோடியாக் போட்டியாக நிற்கும், அதேநேரத்தில் டொயோட்டா கேம்ரிக்கு செடான் ஒரு மாற்றாக இருக்கும்.

மேலும் படிக்க: கோடியாக் ஆட்டோமேடிக்