2024 -ல் 5 கார்களை இந்தியாவிற்கு கொண்டு வரவுள்ள ஹூண்ட ாய், அவற்றின் விவரங்கள் இங்கே
ஹூண்டாய் கிரெட்டா க்காக டிசம்பர் 21, 2023 08:24 pm அன்று ansh ஆல் பப்ளிஷ் செய்யப்பட்டது
- 72 Views
- ஒரு கருத்தை எழுதுக
இந்த புதிய வெளியீடுகளில் பெரும்பாலானவை எஸ்யூவி -களாக இருக்கும், அவற்றில் 3 ஃபேஸ்லிஃப்ட்களாக இருக்கும்
இந்திய கார் துறையில் மாருதி சுஸூகி -க்கு அடுத்ததாக ஹூண்டாய் இரண்டாவது பெரிய நிறுவனமாக உள்ளது. என்ட்ரி லெவல் ஹேட்ச்பேக்குகள் முதல் ரேஞ்ச்-டாப்பிங் எலக்ட்ரிக் கார்கள் வரை பல கார்களை இந்தியாவில் ஹூண்டாய் விற்பனை செய்கின்றது. இருப்பினும், ஹூண்டாயின் சில கார்களுக்கு அப்டேட் மிகவும் தேவையான ஒன்றாக இருக்கின்றது. 2024 -ம் ஆண்டில் ஹூண்டாய் இந்தியாவிற்கு கொண்டு வரும் அனைத்து கார்களும் இதோ:
ஹூண்டாய் கிரெட்டா ஃபேஸ்லிஃப்ட்
எதிர்பார்க்கப்படும் வெளியீடு: ஜனவரி 2024
எதிர்பார்க்கப்படும் விலை: ரூ. 10.50 லட்சம் (எக்ஸ்-ஷோரூம்) முதல்
ஹூண்டாய் கிரெட்டா இந்தியாவில் கார் தயாரிப்பாளரின் மிகவும் பிரபலமான கார்களில் ஒன்றாகும் மற்றும் நாட்டின் அதிகம் விற்பனையாகும் எஸ்யூவி -களில் ஒன்றாக இருக்கின்றது. அதன் இரண்டாம் தலைமுறை மாடல் 2020 -ல் அறிமுகப்படுத்தப்பட்டதிலிருந்து, காம்பாக்ட் எஸ்யூவி எந்த பெரிய அப்டேட்களையும் பெறவில்லை. ஆனால் இப்போது, மிகவும் தேவையான ஒரு ஃபேஸ்லிஃப்ட் அடுத்த ஆண்டு வெளியாகலாம். ஃபேஸ்லிப்டட் கிரெட்டா 1.5 லிட்டர் பெட்ரோல் இன்ஜின் (115 PS/144 Nm), 1.5 லிட்டர் டீசல் (116 PS/250 Nm) மற்றும் செக்மென்ட்டின் சக்திவாய்ந்த 1.5 லிட்டர் டர்போ பெட்ரோல் இன்ஜின் (160 PS/253 Nm)ஆகியவற்றை கொண்டிருக்கலாம். ஃபேஸ்லிஃப்ட் செய்யப்பட்ட கியா செல்டோஸ் போன்ற அதே இன்ஜின் ஆப்ஷன்களுடன் வரும்.
அம்சங்களைப் பொறுத்தவரை, 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டம், பனோரமிக் சன்ரூஃப் மற்றும் வென்டிலேட்டட் முன் இருக்கைகள் போன்ற தற்போதைய பதிப்பில் இருந்து பெரும்பாலானவை அப்படியே இருக்கும், ஆனால் இது 10.25-இன்ச் டிஜிட்டல் டிரைவர் டிஸ்ப்ளே, 360 டிகிரி கேமரா மற்றும் கிடைக்கும் என்று எதிர்பார்க்கப்படுகிறது. லெவல் 2 ADAS அம்சங்களின் யூனிட் உடன் வராலாம்.
ஹூண்டாய் அல்காஸர் ஃபேஸ்லிஃப்ட்
தற்போதைய ஹூண்டாய் அல்காஸரின் படம் எடுத்துக்காட்டுக்காக பயன்படுத்தப்பட்டுள்ளது
எதிர்பார்க்கப்படும் வெளியீடு: மார்ச் 2024
எதிர்பார்க்கப்படும் விலை: ரூ. 16 லட்சம் (எக்ஸ்-ஷோரூம்) முதல்
ஃபேஸ்லிஃப்ட் செய்யப்பட்ட கிரெட்டாவுடன், அல்காஸர் ஃபேஸ்லிஃப்ட் காரையும் ஹூண்டாய் நிறுவனமும் அறிமுகப்படுத்தலாம் கிரெட்டா அடிப்படையிலான மூன்று-வரிசை எஸ்யூவி 2021 -ல் அறிமுகப்படுத்தப்பட்டது, மேலும் அதன் வடிவமைப்பில் சிறிய மாற்றங்கள் மற்றும் புதிய இன்ஜின் ஆப்ஷனையும் பெற்றது. இப்போது அல்காஸர் ஒரு ஃபேஸ்லிஃப்ட் -க்கான தேவை உள்ளது.
மேலும் படிக்க: ஃபேஸ்லிஃப்ட் ஹூண்டாய் அல்கஸார் முதல் முறையாக படம் பிடிக்கப்பட்டுள்ளது
இந்தியாவில் உள்ள ஹூண்டாயின் ஒரே மூன்று-வரிசை எஸ்யூவியின் ஃபேஸ்லிஃப்ட் பதிப்பு, தற்போதைய அல்காஸரின் அதே இன்ஜின் ஆப்ஷனுடன் வரும்: 1.5-லிட்டர் டர்போ-பெட்ரோல் (160 PS/253 Nm) மற்றும் 1.5-லிட்டர் டீசல் (115 PS/250 Nm). அம்சங்களை பொறுத்தவரை, இது இரட்டை 10.25-இன்ச் டிஸ்ப்ளேக்கள், வென்டிலேட்டட் முன் இருக்கைகள், பனோரமிக் சன்ரூஃப், 360 டிகிரி கேமரா மற்றும் லெவல் 2 ADAS அம்சங்களுடன் வரலாம்.
ஹூண்டாய் டுக்ஸான் ஃபேஸ்லிஃப்ட்
எதிர்பார்க்கப்படும் வெளியீடு: ஜூன் 2024
எதிர்பார்க்கப்படும் விலை: ரூ. 30 லட்சம் (எக்ஸ்-ஷோரூம்) முதல்
ஃபேஸ்லிஃப்ட் ஹூண்டாய் டுக்ஸான் சமீபத்தில் உலகளவில் வெளியிடப்பட்டது மற்றும் 2024 ஆம் ஆண்டின் தொடக்கத்தில் ஐரோப்பாவில் அறிமுகப்படுத்தப்படும். இருப்பினும், ஹூண்டாய் மேம்படுத்தப்பட்ட ஃபிளாக்ஷிப் எஸ்யூவி 2024 -ம் ஆண்டின் நடுப்பகுதியில் அல்லது பிற்பகுதியில் இந்தியாவுக்கு வரும்.
புதிய டுக்ஸான் வெளிப்புறத்தில் சிறிய மாற்றங்கள் மற்றும் அதன் பிரீமியம் அனுபவத்தை மேம்படுத்தும் வகையில் புதிய வடிவ உட்புறம். புதிய அம்சங்களில் டூயல்-இன்டெகிரேட்டட் டச் ஸ்கிரீன் செட்டப் மற்றும் டச்-பேஸ்டு கிளைமேட் கன்ட்ரோல் யூனிட் ஆகியவை அடங்கும். ஹூண்டாய் வேறு எந்த அம்சங்களையும் வெளியிடவில்லை என்றாலும், டூயல் ஜோன் கிளைமேட் கன்ட்ரோல், பனோரமிக் சன்ரூஃப், வென்டிலேட்டட் இருக்கைகள், 6 ஏர்பேக்குகள் மற்றும் ADAS தொழில்நுட்பம் ஆகியவற்றைக் கொண்டிருக்கும் என்று எதிர்பார்க்கிறோம். இந்தியாவில், மேம்படுத்தப்பட்ட டுக்ஸான் பெரும்பாலும் அதே 2-லிட்டர் டீசல் (186 PS/416 Nm) மற்றும் 2-லிட்டர் பெட்ரோல் (156 PS/192 Nm) இன்ஜின் ஆப்ஷன்களுடன் தொடரும்.
புதிய ஹூண்டாய் கோனா எலக்ட்ரிக்
எதிர்பார்க்கப்படும் வெளியீடு: மே 2024
எதிர்பார்க்கப்படும் விலை: ரூ. 25 லட்சம் (எக்ஸ்-ஷோரூம்) முதல்
ஹூண்டாய் கோனா எலக்ட்ரிக் 2019 -ல் இந்தியாவில் அறிமுகப்படுத்தப்பட்டது, அதன்பிறகு இது இந்தியாவில் எந்த அப்டேட்களையும் பெறவில்லை. டிசம்பர் 2022 -ல், புதிய தலைமுறையின் ஃபேஸ்லிஃப்ட் கோனா எலக்ட்ரிக் உலகளவில் வெளியிடப்பட்டது, மேலும் இது 2024 -ல் இந்தியாவுக்கு கொண்டு வரப்படும்.
சமீபத்திய கோனா உள்ளேயும் வெளியேயும் ஒரு வடிவமைப்பில் மாற்றத்தை பெறுகிறது. சர்வதேச அளவில், புதிய கோனா எலக்ட்ரிக் இரண்டு பேட்டரி பேக் ஆப்ஷன்களுடன் வரும் - 48.4 kWh மற்றும் 65.4 kWh ஆகிய எலக்ட்ரிக் மோட்டார்கள் முறையே 155 PS மற்றும் 218 PS அவுட்புட்டை கொடுக்கும். ஹூண்டாய் படி, புதுப்பிக்கப்பட்ட கோனா 490 கிமீ வரை செல்லும் மற்றும் 41 நிமிடங்களில் 10-80 சதவீதம் வரை சார்ஜ் செய்ய முடியும்.
இது டூயல் 12.3-இன்ச் டிஸ்ப்ளே, 12-இன்ச் ஹெட்ஸ்-அப் டிஸ்ப்ளே, 8-ஸ்பீக்கர் போஸ் சவுண்ட் சிஸ்டம், வெஹிகிள்-2-லோட் (V2L) வசதி, 360-டிகிரி கேமரா மற்றும் ADAS ஆகியவற்றுடன் வரும்.
ஹூண்டாய் அயோனிக் 6
எதிர்பார்க்கப்படும் வெளியீடு: ஏப்ரல் 2024
எதிர்பார்க்கப்படும் விலை: ரூ.65 லட்சம் (எக்ஸ்-ஷோரூம்) முதல்
கடைசியாக, ஹூண்டாய் அயோனிக் 6 இந்தியாவிற்கு ஃபிளாக்ஷிப் EV செடானை கொண்டு வரவுள்ளது. சர்வதேச அளவில், இது 228 PS மற்றும் 350 Nm அவுட்புட்டை கொடுக்கும் ஒற்றை மோட்டார் கொண்ட 77.4 kWh பேட்டரி பேக் ஆப்ஷனுடன் வருகிறது. ஹூண்டாய் அயோனிக் 5 610 கிமீக்கு மேல் WLTP கிளைம்டு ரேஞ்ச் -ஐ கொண்டுள்ளது.
அதன் அம்சங்கள் பட்டியலில் இரட்டை 12.3-இன்ச் டிஸ்ப்ளே, ஹெட்ஸ்-அப் டிஸ்ப்ளே, 8-ஸ்பீக்கர் போஸ் சவுண்ட் சிஸ்டம், வயர்லெஸ் ஃபோன் சார்ஜிங் மற்றும் வாகனம்-2-லோட் (V2L) திறன் ஆகியவை அடங்கும். இதன் பாதுகாப்பு அம்சங்களில் 7 ஏர்பேக்குகள், 360 டிகிரி கேமரா மற்றும் ADAS அம்சங்களின் முழு தொகுப்பு ஆகியவை அடங்கும்.
மேலும் படிக்க: 2024ல் இந்தியாவிற்கு வரும் அனைத்து EVகளும் இதோ
இந்த ஹூண்டாய் கார்கள் அனைத்தும் அடுத்த ஆண்டில் வெளியாகும் போது இந்தியாவின் ICE மற்றும் EV பிரிவுகளின் ஒரு பகுதியாக இருக்கும் என்று எதிர்பார்க்கப்படுகிறது. இந்த மாடல்களில் எந்த மாடல்களை நீங்கள் அதிகம் எதிர்பார்க்கிறீர்கள், கீழே உள்ள கமென்ட் பகுதியில் எங்களுக்குத் தெரியப்படுத்துங்கள்.
