Citroen C5 Aircross: புதிய வேரியன்ட்டுடன் தொடக்க விலையும் குறைக்கப்பட்டது

C5 ஏர்கிராஸ் இப்போது ஃபீல் என்ற புதிய என்ட்ரி லெவல் வேரியன்ட்டை ரூ.36.91 லட்சம் (எக்ஸ்-ஷோரூம் இந்தியா முழுவதும்) விலையில் பெறுகிறது.

• சிட்ரோன் C5 ஏர்கிராஸ் ஃபேஸ்லிஃப்ட் 2022 செப்டம்பரில் இரே ஒரு வேரியன்ட்டில் அறிமுகப்படுத்தப்பட்டது.

• இந்த எஸ்யூவி தற்போது ஃபீல் மற்றும் ஷைன் என இரண்டு வேரியன்ட்களாக விற்பனை செய்யப்படுகிறது.

• ஷைன் வேரியன்ட் ரூ.50,000 விலை உயர்ந்துள்ளது.

• அம்ச வேறுபாடுகளில் சிறிய டச் ஸ்கிரீன் மற்றும் பனோரமிக் சன்ரூஃப் இல்லை.

• இந்த காரில் 8 ஸ்பீடு ஆட்டோமேட்டிக் கியர்பாக்ஸ் கொண்ட 2 லிட்டர் 177 PS/400Nm டீசல் இன்ஜின் பொருத்தப்பட்டுள்ளது.

• அதன் விலை ரூ.36.91 லட்சத்தில் இருந்து ரூ.37.67லட்சம் (எக்ஸ்-ஷோரூம் இந்தியா முழுவதும்) வரை இருக்கும்.

அதன் இந்திய வரிசையில் முதன்மை தயாரிப்பாக (இங்கு அதன் அறிமுக மாடலாகவும் உள்ளது), சிட்ரோன் C5ஏர்கிராஸ், இப்போது 'ஃபீல்' எனப்படும் என்ட்ரி லெவல் வேரியன்ட் காரை மீண்டும் பெற்றுள்ளது. எஸ்யூவிஇன் டாப்-ஸ்பெக் ஷைன் வேரியன்ட் விலையையும் கார் தயாரிப்பாளர் உயர்த்தியுள்ளார். ப்ரீ-ஃபேஸ்லிஃப்ட் வெர்ஷனில் ஏற்கனவே இந்த வேரியன்ட்டும் கிடைத்தன, ஆனால் கடந்த ஆண்டு ஃபேஸ்லிஃப்ட் செய்யப்பட்ட C5 ஏர்கிராஸ் அறிமுகப்படுத்தப்பட்டவுடன் 'ஃபீல்' ட்ரிம் நிறுத்தப்பட்டது.

புதுப்பிக்கப்பட்ட வேரியன்ட் வாரியான விலைகள்

அனைத்து விலைகளும் எக்ஸ்-ஷோரூம் இந்தியா முழுவதும்

சமீபத்திய அப்டேட் மூலம், C5 ஏர்கிராஸின் டாப்-ஸ்பெக் ஷைன் ட்ரிம் அரை லட்சம் ரூபாய் விலை உயர்ந்துள்ளது, ஆனால் எஸ்யூவி ஒட்டுமொத்தமாக ரூ. 26,000 மலிவானதாக மாறியுள்ளது. ஃபீல் மற்றும் ஷைன் வேரியன்ட்கள் இரண்டும் மோனோடோன் மற்றும் டூயல்-டோன் வண்ண விருப்பங்களில் சமமான விலையில் கிடைக்கின்றன.

மேலும் படிக்கவும்: சிட்ரோன் C3 ஏர்கிராஸ் EV இந்தியாவில் மிகவும் விலை குறைவான 3 வரிசை எலெக்ட்ரிக் எஸ்யூவியாக மாறும்

அப்டேட்டில் என்ன மாற்றங்கள் கொடுக்கப்பட்டுள்ளன?

புதிய என்ட்ரி லெவல் ட்ரிம் என்னென்ன அம்சங்கள் கொடுக்கப்படவில்லை என்பதை சிட்ரோன் இன்னும் வெளிப்படுத்தவில்லை என்றாலும், C5 ஏர்கிராசின் ஃபீல் ஒரு சிறிய டச் ஸ்கிரீன் யூனிட்டைப் பெற வாய்ப்புள்ளது என்று நாங்கள் நம்புகிறோம், பனோரமிக் சன்ரூஃப் மற்றும் வேறு சில வசதி மற்றும் பிற அம்சங்களும் அகற்றப்படுகின்றன.

C5 ஏர்கிராஸின் ஷைன் வேரியன்ட்டை பொறுத்தவரை, 10 இன்ச் டச் ஸ்கிரீன் செட்டப், வயர்லெஸ் போன் சார்ஜிங், டூயல்-ஸோன் க்ளைமேட் கன்ட்ரோல், பனோரமிக் சன்ரூஃப் மற்றும் எலக்ட்ரிக்கலி அடஜஸ்டபிள் டிரைவர் இருக்கை ஆகியவை உள்ளன. பாதுகாப்பை பொறுத்தவரையில் அனைத்து பயணிகளுக்கும் 3 பாயிண்ட் சீட்பெல்ட்டுகள், ஆறு ஏர்பேக்குகள், ஹில் அசிஸ்ட் மற்றும் டிசென்ட் கன்ட்ரோல் மற்றும் ரிவர்சிங் கேமரா ஆகியவை உள்ளன.

டீசல் இன்ஜின் மட்டும் கிடைக்கும்

மிட்சைஸ் பிரீமியம் எஸ்யூவியில் 2 லிட்டர் டீசல் இன்ஜின் (177PS/400Nm) வழங்கப்படுகிறது. இந்த யூனிட் 8 வேக மேனுவல் டிரான்ஸ்மிஷன் உடன் இணைக்கப்பட்டுள்ளது இது இரண்டு டிரைவ் மோட்களையும் கொண்டுள்ளது - ஈகோ மற்றும் ஸ்போர்ட் - மற்றும் மல்டி டெரைன் மோடுகளையும் கொண்டுள்ளது: ஸ்டான்டர்டு, ஸ்நோ, சேன்ட், மட் மற்றும் டேம்ப் கிராஸ்.

மேலும் படிக்க: இந்தியா-ஸ்பெக் சிட்ரோன் C3X கிராஸ்ஓவர் ஃபர்ஸ்ட் லுக் இதுதானா ?

பிரீமியம் போட்டியாளர்கள்

ஃபோக்ஸ்வேகன் டிகுவான், ஹூண்டாய் டுக்ஸன், ஜீப் காம்பஸ் ஆகிய கார்களுக்கு போட்டியாக சிட்ரோனின் C5 ஏர்கிராஸ் களமிறக்கப்படுகிறது.

மேலும் படிக்கவும்: C5 ஏர்கிராஸ் டீசல்