இந்தியாவில் 2024 Nissan X-Trail காருக்கான முன்பதிவுகள் தொடக்கம், கார் விரைவில் வெளியிடப்படவுள்ளது

புதிய X-டிரெயில் கார் ஆனது மைல்ட்-ஹைப்ரிட் டெக்னாலஜியை கொண்ட 1.5 லிட்டர் டர்போ-பெட்ரோல் இன்ஜின் உடன் கிடைக்கும்.

• கிட்டத்தட்ட பத்தாண்டுகளுக்கு பிறகு நிஸான் X-டிரெயில் இந்தியாவுக்குத் திரும்புகிறது. இப்போது நான்காவது ஜெனரேஷன் வெர்ஷன் விற்பனையில் உள்ளது.

• நிஸான் X-டிரெயிலை ரூ. 1 லட்சத்திற்கு முன்பதிவு செய்யலாம்.

• இது ஸ்பிளிட்-ஹெட்லைட்கள், LED DRL -கள் மற்றும் 20-இன்ச் அலாய் வீல்கள் ஆகியவற்றைக் கொண்டுள்ளது.

• ஆல் டிஜிட்டல் டிரைவர்ஸ் டிஸ்ப்ளே, பனோரமிக் சன்ரூஃப் மற்றும் 8-இன்ச் டச் ஸ்கிரீன் செட்டப் ஆகியவை காரில் கிடைக்கும் வசதிகள் ஆக இருக்கும்.

• இது சிவிடி கியர்பாக்ஸ் உடன் கனெக்ட் செய்யப்பட்ட ஒரே ஒரு 1.5-லிட்டர் டர்போ-பெட்ரோல் இன்ஜின் (163 PS/ 300 Nm) மூலம் இந்த கார் கிடைக்கும்.

• எஸ்யூவி ஆகஸ்ட் 1 ஆம் தேதி அறிமுகப்படுத்தப்படும். இதன் விலை ரூ. 40 லட்சத்திலிருந்து (X-ஷோரூம்) தொடங்கும் என்று எதிர்பார்க்கப்படுகிறது.

2024 நிஸான் X-டிரெயில் கிட்டத்தட்ட ஒரு தசாப்தத்திற்குப் பிறகு முற்றிலும் கட்டமைக்கப்பட்ட யூனிட்டாக (CBU) இந்தியாவுக்குத் திரும்பவுள்ளது. ஆகஸ்ட் 1 ஆம் தேதி இது வெளியிடப்படலாம் என என்று எதிர்பார்க்கப்படுகிறது. ஜப்பானிய வாகன உற்பத்தியாளரான நிஸான் இப்போது ஆன்லைன் மற்றும் ஆஃப்லைன் பயன்முறையில் மூன்று வரிசை எஸ்யூவி -க்கான முன்பதிவுகளை ஏற்கத் தொடங்கியுள்ளது. வாடிக்கையாளர்கள் எஸ்யூவி -யை ரூ.1 லட்சத்திற்கு முன்பதிவு செய்யலாம். இந்த காரை வாங்குவது பற்றி நீங்கள் பரிசீலிக்கிறீர்கள் என்றால் நான்காவது தலைமுறை நிஸான் X-டிரெயில் காரில் என்ன கிடைக்கும் என்பதை இங்கே தெரிந்து கொள்ளலாம்:

வெளிப்புறம்

இந்திய-ஸ்பெக் புதிய-ஜென் X-டிரெயில் அதன் வடிவமைப்பின் அடிப்படையில் அதன் உலகளாவிய-ஸ்பெக் மாடலைப் போலவே உள்ளது. இது ஸ்பிளிட்ட-ஹெட்லைட், LED DRLகள் மற்றும் குரோம் சரவுண்ட் கொண்ட "V" வடிவ கிரில் ஆகியவை கொடுக்கப்பட்டுள்ளன. பக்கவாட்டில் X-டிரெயில் 20-இன்ச் அலாய் வீல்கள் மற்றும் தடிமனான பாடி கிளாடிங் உள்ளது. பின்புறத்தில் ரேப்பரவுண்ட் LED டெயில் லைட்ஸ் மற்றும் பெரிய ஸ்கிட் பிளேட் ஆகியவை கொடுக்கப்பட்டுள்ளன.

கேபின் மற்றும் வசதிகள்

கேபினுக்குள் இந்தியா-ஸ்பெக் X-டிரெயிலுக்கு ஆல் பிளாக் கேபின் தீம் மற்றும் ஃபேப்ரிக் அப்ஹோல்ஸ்டரி கொடுக்கப்பட்டுள்ளது. 12.3-இன்ச் முழு டிஜிட்டல் டிரைவர்ஸ் டிஸ்ப்ளே, 8-இன்ச் டச்ஸ்கிரீன் இன்ஃபோடெயின்மென்ட் சிஸ்டம், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, பனோரமிக் சன்ரூஃப் மற்றும் வயர்லெஸ் ஃபோன் சார்ஜர் ஆகிய வசதிகள் கொடுக்கப்பட்டுள்ளன.

7 ஏர்பேக்குகள், ஆட்டோ ஹோல்ட் கொண்ட எலக்ட்ரானிக் பார்க்கிங் பிரேக், ரெயின்-சென்சிங் வைப்பர்கள், டயர் பிரஷர் மானிட்டர் சிஸ்டம் (TPMS), முன் மற்றும் பின் பார்க்கிங் சென்சார்கள் மற்றும் 360 டிகிரி கேமரா ஆகியவை பாதுகாப்புக்காக கொடுக்கப்பட்டுள்ள.

மேலும் பார்க்க: 2024 நிஸான் X-டிரெயில் மூன்று நிறங்களில் விற்பனைக்கு வரவுள்ளது

பவர்டிரெய்ன்

2024 இந்தியா-ஸ்பெக் நிஸான் X-டிரெயில் 12V மைல்ட்-ஹைப்ரிட் டெக்னாலஜி கொண்ட ஒரே ஒரு இன்ஜின் ஆப்ஷனுடன் வழங்கப்படும் மற்றும் ஃபிரன்ட்-வீல் டிரைவ் (FWD) செட்டப்பில் மட்டுமே இது கிடைக்கும். பவர்டிரெய்னின் விரிவான விவரங்கள் இங்கே உள்ளன:

விலை மற்றும் போட்டியாளர்கள்

2024 நிஸான் X-டிரெயில் விலை ரூ. 40 லட்சம் (எக்ஸ்-ஷோரூம்) ஆக இருக்கும் என எதிர்பார்க்கப்படுகிறது. இது டொயோட்டா ஃபார்ச்சூனர், ஜீப் மெரிடியன், ஸ்கோடா கோடியாக், மற்றும் எம்ஜி குளோஸ்டர் கார்களுக்கு போட்டியாக இருக்கும்.

கார்கள் தொடர்பான லேட்டஸ்ட் அப்டேட்டுகளுக்கு கார்தேக்கோவின் வாட்ஸ்அப் சேனலை ஃபாலோ செய்து கொள்ளவும்.