எம்ஜி ஆஸ்டர்

ஃபார்முலா 1 சர்க்யூட்டைச் சுற்றி எம்ஜி ஆஸ்டரை ஓட்டினோம் என்றாலும், இன்ஜின் செயல்திறன் மற்றும் கையாளுதல் ஆகியவற்றில் அன்றைக்கு கவனம் செலுத்தவில்லை.

எல்லா தேவைகளுக்கும் சந்தையில் ஒரு சிறிய எஸ்யூவி உள்ளது குடும்ப எஸ்யூவியைத் தேடுகிறீர்களா? கிரெட்டா எளிதான தேர்வு. ஃபுல்லி லோடட் அனுபவம் வேண்டுமா? செல்டோஸ் உங்களை பிரமிக்க வைக்கும். நீங்கள் கையாளுதல் மற்றும் செயல்திறனை தேடினால், டைகுன் உங்களை உற்சாகப்படுத்தும், மேலும் மோசமான சாலைகளை நீங்கள் வசதியாக சமாளிக்க விரும்பினால், குஷாக் ஏமாற்றாது. இந்தப் போட்டியாளர்களுக்கு மத்தியில், எம்ஜி ஆஸ்டர் தனித்து நிற்க வேண்டும் அல்லது தனக்கென ஒரு இடத்தைப் பிடிப்பதாக இருந்தால், அந்த பிரிவில் இதுவரை பார்த்திராத ஒன்றை அது செய்ய வேண்டும்.

மேலும் அந்த பொறுப்பு அதன் அட்வான்ஸ்டு டிரைவர்-அசிஸ்டன்ஸ் சிஸ்டம் (ADAS) மற்றும் AI உதவியாளருடன் தனித்துவமான கேபின் அனுபவத்திற்கு வழங்கப்பட்டுள்ளது. நாங்கள் எஸ்யூவி -யை உடன் வைத்திருந்த மூன்று மணிநேரத்தில், இந்த அம்சங்கள் ஆஸ்டரின் அனுபவத்தை பாதுகாப்பானதாகவும் வசதியாகவும் மாற்ற முடியுமா என்பதைக் கண்டறிய முடிவு செய்தோம்.

 ஆஸ்டர் ஒரு நகர்ப்புற எஸ்யூவி -க்கான தோற்றத்தைக் கொண்டுள்ளது என்பதில் சந்தேகமில்லை. இது இந்தியாவில் ஒரு EV -யாக விற்பனை செய்யப்படும் ZS -ன் ஃபேஸ்லிப்ட் ஆகும். எனவே, அவர்கள் தோற்றத்தில், குறிப்பாக ஷில்அவுட்டில் ஒற்றுமைகள் உள்ளன. முன்பக்கத்தில், குரோம் பதித்த கிரில் இருந்தாலும், வடிவமைப்பு கவனத்தை ஈர்க்கவில்லை. அதைச் செய்த விதம் நுட்பமாகத் தெரிகிறது மற்றும் பம்பர் மற்றும் ஃபாக் லைட்ஸ்களை சுற்றியுள்ள மற்ற கிளாஸ்-பிளாக் பாகங்களுடன், இது மிகவும் சராசரியானதான தெரிகிறது. ஹெட்லேம்ப்கள் LED டிஆர்எல்களுடன் கூடிய LED ப்ரொஜெக்டர்கள் மற்றும் கீழே ஹாலோஜன் ஃபாக் லேம்ப்ஸ் ஆகியவை கார்னரிங் செயல்பாட்டுடன் கிடைக்கும்.

பக்கவாட்டிலிருந்து, எஸ்யூவி -யின் அளவு அதன் வடிவத்தால் மறைக்கப்படுகிறது. தெளிவான பக்கவாட்டு தோற்றம் விரிவான சக்கர வளைவுகள் மற்றும் மஸ்குலரான ஒரு பிட் சேர்க்க பின்புறம் நோக்கி ஒரு கின்க் அப் ஜன்னல் லைனை பெறுகிறது. இதற்கு நேர்மாறாக பிளாக் மற்றும் சில்வர் டூயல்-டோன் 17-இன்ச் அலாய் வீல்கள் கிட்டத்தட்ட சிவப்பு பிரேக் காலிப்பர்களை மறைக்கின்றன. பிளாக் ஆஸ்டரில் உள்ள இந்த கருப்பு  நிற சக்கரங்கள் மிகவும் ஸ்போர்ட்டியாக இருக்கும். சங்கியான கிளாடிங் மற்றும் ரூஃப் ரெயில்ஸ் ஆகியவை இறுதியாக எஸ்யூவி-க்கான டச்சை கொடுக்கின்றன. அளவுகளி அடிப்படையில், ஆஸ்டர் இதன் பிரிவில் மிக நீளமான, அகலமான மற்றும் உயரமானதாகும். இருப்பினும், அதன் வீல்பேஸ் செக்மென்ட்டில் மிகக் குறைவானது.

பின்புறத்தில், வடிவமைப்பு எளிமையானது மற்றும் பெரிய MG லோகோ, ஃபோக்ஸ்வேகன் போலோ போன்ற பூட் ரிலீஸ் ஹேண்டிலாக வேலை செய்கிறது. ஆஸ்டர் பேட்ஜிங்குடன், அதன் ZS பெயர் மற்றும் ADAS பெயரையும்  காணலாம். டெயில்லேம்ப்கள் சூரியன் மறையும் போது குறிப்பாக அழகாக இருக்கும் விரிவான LED பாகங்களுடன் இங்கு சிறப்பம்சமாக தெரிகிறது. ஒட்டுமொத்தமாக, ஆஸ்டரின் பரிமாணங்கள் அதற்கு சிறப்பான சாலை தோற்றத்தை வழங்குகின்றன மற்றும் நுட்பமான வடிவமைப்பு நகர்ப்புற எஸ்யூவி -யை போல தோற்றத்தை இந்த பிரிவில் அளிக்கிறது.

ஆஸ்டர் அழகாக இருப்பது மட்டுமல்லாமல், நன்றாக கட்டப்பட்ட உணர்வையும் தருகிறது. கதவு மூடும் சத்தம் தொடங்கி அனைத்து பாடி பேனல்களும் வலுவாக இருப்பதை உணர முடிகிறது. உண்மையில், இது  பிரிவில் உள்ள அனைத்து சிறிய எஸ்யூவி -களுக்கும் இன்-கேபின் பொருட்களுக்கான சிறப்பான உணர்வைக் கொடுக்கிறது ., முக்கிய சிறப்பம்சமாக, கேபினை நீங்கள் உணர்வீர்கள். டேஷ்போர்டு மெத்தையுடன் பொருந்தக்கூடிய மெல்லிய லெதரெட்டால் மூடப்பட்டிருக்கும். அதே மையம் மற்றும் டோர் பேட் ஆர்ம்ரெஸ்ட்டிலும் கொடுக்கப்பட்டுள்ளது. டாஷ்போர்டின் மேல் பகுதி கூட சாஃப்ட் டச் பிளாஸ்டிக் ஆகும். இவை அனைத்தும் தொடுவதற்கு பிரீமியமாக உணர்வை தருகின்றன.

பல்வேறு வேரியன்ட்களில் உள்ள அப்ஹோல்ஸ்டரி ஆப்ஷன்களில் நீங்கள் படங்களில் காணும் சிவப்பு + கறுப்பு, ஐவரி + ஆல் பிளாக் முழுக்க முழுக்க பிளாக் கட்டமைப்பு ஆகியவை அடங்கும். அதன்பிறகு, அனைத்து கன்ட்ரோல்களும் ஸ்டீயரிங்கும் உயர்வான தன்மையை தருகின்றன. ஜன்னல்கள், இன்ஃபோடெயின்மென்ட் அல்லது ஸ்டீயரிங் பொருத்தப்பட்டதாக இருந்தாலும், அவர்களுக்கு நேர்மறையான தொட்டுணரக்கூடிய உணர்வைக் கொண்டிருக்கும். எல்லாவற்றிற்கும் மேலாக, அவற்றில் ஃபோக்ஸ்வாகன் டிஎன்ஏ இதில் உள்ளது (அவர்கள் அதே பாகங்கள் சப்ளையர்களை கொண்டுள்ளனர்). உங்கள் பிரேம் பெரிதாக இல்லாவிட்டால், நன்கு கட்டமைக்கப்பட்ட இருக்கைகள் ஆதரவாக இருக்கும். இருக்கைகள் 6-வே பவர் அட்ஜெஸ்ட்மெண்ட்டை பெறுகின்றன, ஆனால் ஸ்டீயரிங்கை மேலும் கீழும் மட்டுமே சரிசெய்ய முடியும்.

MG தரத்தில் கொஞ்சம் சறுக்கிய சில இடங்களும் உள்ளன - க்ளோவ் பாக்ஸ் மற்றும் கிராப் கைப்பிடிகள் மென்மையாக நெருக்கமாக இல்லை; சென்டர் ஆர்ம்ரெஸ்ட் லாக் சரியாக இல்லை; மற்றும் டோர் பேடுகள், லெதரைட் தவிர, கடினமான உணர்வை கொடுக்கிறது. ஆனால் இந்த பாகங்கள் புத்திசாலித்தனமாக வைக்கப்பட்டுள்ளன மற்றும் தினசரி டிரைவ்களில் கேபின் அனுபவத்தை பாதிக்காது. டாஷ்போர்டு வடிவமைப்பு சுத்தமாகவும், 10.1-இன்ச் டச் ஸ்கிரீன் நடுவில் இருப்பதால், ஓட்டுநர் இருக்கையில் இருந்து அதை பார்ப்பதும்  எளிதாகவும் உள்ளது. இருபுறமும் வேகம் மற்றும் டேக்கோ மீட்டருடன் 7-இன்ச் டிஜிட்டல் இன்ஸ்ட்ரூமென்ட் கிளஸ்டர் படிக்க தெளிவாக உள்ளது.

கேபினில் உள்ள மற்ற அம்சங்கள், ஆண்ட்ராய்டு ஆட்டோ மற்றும் ஆப்பிள் கார்ப்ளே, ஆட்டோமெட்டிக் கிளைமேட் கன்ட்ரோல், ஆட்டோ ஹெட்லேம்ப் மற்றும் வைப்பர்கள், புஷ்-பட்டன் ஸ்டார்ட்/ஸ்டாப், பனோரமிக் சன்ரூஃப், எலக்ட்ரிக் பார்க்கிங் பிரேக், 360° கேமரா, அதன் தரம் சிறப்பாகவும், ஹீட் ORVM களாகவும் இருக்கும். இருப்பினும், செலவை சமநிலைப்படுத்த, வயர்லெஸ் ஃபோன் சார்ஜர், வென்டிலேட்டட் சீட்கள், பேடில் ஷிஃப்டர்கள், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, ஹெட்அப் டிஸ்பிளே மற்றும் டிரைவ் மோட்கள் போன்ற எஸ்யூவி -களில் நீங்கள் பொதுவாகக் இருக்கும் சில அம்சங்களை MG தவிர்த்துள்ளது. மியூசிக் சிஸ்டமும் பிராண்டட் இல்லாமல் இருந்திருந்தால் இன்னும் சிறப்பாக இருந்திருக்கும். குறிப்பாக இந்த பிரிவில் சிறப்பான சவுண்ட் ஸ்டீரியோவை வழங்குகிறது.

பின்புற இருக்கைகள் உயரமான பயணிகளுக்கு ஆதரவை கொடுக்கின்றன, மேலும்  கால், முழங்கால் மற்றும் ஹெட்ரூம் ஏராளமாக உள்ளது. இருப்பினும், இது பிரிவில் சிறந்ததாக இருக்காது, குறிப்பாக அகலம் மற்றும் தொடையின் கீழ் ஆதரவின் அடிப்படையில். இங்கு மூவர் அமர்வது ஒரு இடைஞ்சலாக இருக்கும். அம்சங்களை பொறுத்தவரை, நீங்கள் அட்ஜஸ்ட் செய்து கொள்ளும் வகையிலான ஹெட்ரெஸ்ட்கள், ஏசி வென்ட்கள், இரண்டு USB சார்ஜர்கள், ஆர்ம்ரெஸ்ட் மற்றும் கப்ஹோல்டர்களை பெறுவீர்கள். இருப்பினும், ஜன்னல்களுக்கு சன் ஷேட்களை சேர்த்திருந்தால் இன்னும் சிறப்பாக இருந்திருக்கும்.

டிஜிட்டல் கீ

என்னை போலவே நீங்களும் மறதியால் அவதிப்பட்டால், ஆஸ்டரிடம் உங்களுக்காக ஒரு வசதி உள்ளது. நீங்கள் வீட்டில் சாவியை மறந்துவிட்டு, பேஸ்மென்ட் பார்க்கிங்கில் காரை அடைந்துவிட்டீர்கள் என்றால் . ஆஸ்டரின் டிஜிட்டல் கீயை பயன்படுத்தி, புளூடூத் வழியாக உங்கள் மொபைலுடன் காரை இணைத்து காரை திறக்கலாம். கனெக்டட் கார் சிஸ்டம் இதைச் செய்வதற்கு ஒரு நெட்வொர்க்கைச் சார்ந்துள்ளது, எனவே புளூடூத் அதை மிகவும் பயனுள்ளதாக்குகிறது. மற்றும் சிறந்த பகுதி, நீங்கள் காரை ஸ்டார்ட் செய்து ஓட்டலாம்!

AI அசிஸ்டன்ட்

ஆனால் மேலே குறிப்பிடப்பட்டவை எதுவும் மைய நிலை எடுக்கும் சிறப்பம்சங்கள் அல்ல. காரின் டாஷ்போர்டில் உள்ள AI உதவியாளருக்கு ஒதுக்கப்பட்டுள்ளது. அனிமேஷனைக் கொண்ட பிளாஸ்டிக் உடலின் மேல் ஒரு தலை உள்ளது. இது கண் சிமிட்டுகிறது, சிந்திக்கிறது, தொடர்பு கொள்கிறது மற்றும் பாராட்டுகிறது, அனைத்தும் அழகான எமோடிகான்களுடன். உண்மையில், தொடர்புகளின் மனிதத்தன்மையை மேலும் மேம்படுத்துவதற்காக, நீங்கள் அழைக்கும் போது அது திரும்பி உங்களை பார்க்கிறது. வேக்அப் கட்டளை பயணிகளின் பக்கத்திலிருந்து வருகிறது என்பதை அறிந்தால், அதனால் சுழன்று பயணிகளைப் பார்க்கவும் முடியும். இவை அனைத்தும் மிகவும் அழகாகவும் பொழுதுபோக்காகவும் உள்ளன, மேலும் குடும்பத்தில் உள்ள குழந்தைகள் அதை விரும்புவார்கள்.

இப்போது செயல்பாடு பற்றி பேசலாம். இந்த உதவியாளர், நாம் பார்த்த பிறரைப் போலவே, ஹிங்கிலிஷ் குரல் கட்டளைகளுக்கு பதிலளிக்கிறார். இது சன்ரூஃப், டிரைவர் பக்க ஜன்னல், கிளைமேட் கன்ட்ரோல், அழைப்புகள், நேவிகேஷன் மற்றும் ஊடகம் போன்ற கார் செயல்பாடுகளை கட்டுப்படுத்த முடியும். அலெக்ஸா அல்லது கூகுள் அசிஸ்டென்ட் போன்ற பொதுவான கேள்விகளுக்கான பதில்களையும் ஆன்லைனில் தேடலாம். மேலும், இது நகைச்சுவைகளை சொல்லும் மற்றும் சில முக்கியமான நிகழ்வுகளின் போது உங்களுக்கு வாழ்த்தும் தெரிவிக்கும்.

இவை அனைத்திலும், உங்களுக்கு அழைப்புகள் மற்றும் சில சமயங்களில் கிளைமேட் கன்ட்ரோல் இது உபயோகமானதாக இருக்கக்கூடும் . மற்றவை வெறும் புதுமை மற்றும் காலப்போக்கில் உங்களுக்கு சலிப்பை ஏற்படுத்தலாம். ரெஸ்பான்ஸ் நேரத்தைப் பொறுத்த வரையில், காரில் உள்ள செயல்பாடுகள் விரைவாக நடக்கும் ஆனால் இணைய அடிப்படையிலான அம்சங்கள் உங்கள் இணைய இணைப்பின் வேகத்தை பொறுத்தது. உதவியாளரும், சில சமயங்களில், நீங்கள் அழைக்கும் போது உங்களைப் பார்க்க மாட்டார். தலையைத் திருப்புவது அழகாக இருக்கும்போது, ​​அது ஒரு எளிய செயலை மிகவும் சிக்கலாக்கும் ஆகவே தலையை திருப்புவது தேவையற்றதாக விஷயமாக உங்களுக்கு தோன்றலாம் , குறிப்பாக அது நடக்காதபோது. ஒட்டுமொத்தமாக, அசிஸ்டண்ட்டைப் பயன்படுத்தும் அனுபவம் வேடிக்கையாகவும், குழந்தைகள் மிகவும் ரசிக்கக்கூடியதாகவும் இருக்கும். ஆனால் நீங்கள் இறுதியில் அதை உங்களுக்கு அலுப்பை ஏற்படுத்தும் வண்ணமே இருக்கும்.

ஆஸ்டரில் 6 ஏர்பேக்குகள், அனைத்து 4 டிஸ்க் பிரேக்குகள், ஏபிஎஸ் + ஈபிடி + பிரேக் அசிஸ்ட், எலக்ட்ரானிக் ஸ்டெபிலிட்டி புரோகிராம் (ESP), டிராக்ஷன் கண்ட்ரோல் சிஸ்டம் (TCS), ஹில் ஹோல்ட் கண்ட்ரோல் (HHC), ஹில் டிசென்ட் கண்ட்ரோல் (HDC), ISOFIX சைல்டு சீட் ஆங்கர்ஸ்  மற்றும் டயர் பிரஷர் மானிட்டரிங் சிஸ்டம் (TPMS) போன்ற அனைத்து வழக்கமான பாதுகாப்பு அம்சங்களும் உள்ளன.

ஆனால், லெவல் 2 அட்வான்ஸ்டு டிரைவர் அசிஸ்டன்ஸ் சிஸ்டம் அல்லது ADAS ஆகியவை இந்த காருக்கு ஒரு பிரபலத்தை கொடுத்தன . ஏனென்றால், விபத்து ஏற்பட்டால் காற்றுப்பைகள் உங்களைப் பாதுகாக்கும் அதே வேளையில், விபத்தை முதலில் நிகழாமல் தடுக்க ADAS ஒரு பாதுகாப்பு அடுக்கைச் சேர்க்கிறது. லேன் கீப் அசிஸ்ட், ஸ்பீட் அசிஸ்ட் சிஸ்டம், அடாப்டிவ் க்ரூஸ் கன்ட்ரோல், ரியர் டிரைவ் அசிஸ்ட், ஃபார்வர்ட் கொலிஷன் ப்ரிவென்ஷன் மற்றும் இன்டெலிஜெண்ட் ஹெட்லேம்ப் கன்ட்ரோல் ஆகிய 6 முக்கிய அம்சங்களை வழங்க, இது முன்பக்கம் உள்ள ரேடார் மற்றும் கேமராவை பயன்படுத்துகிறது. இந்த அம்சங்களில் கடைசி இரண்டு அம்சங்களைத் தவிர மற்ற அனைத்தையும் நாங்கள் காரை ஓட்டும் போது அனுபவித்தோம், அவை எவ்வாறு செயல்படுகின்றன என்பது இங்கே பார்க்கலாம்.

1. லேன் கீப் அசிஸ்ட்

லேன் கீப் அசிஸ்ட்டின் செயல்பாடு, தற்செயலாக உங்கள் பாதையின் குறுக்கே செல்லாமல் தடுப்பதாகும். இந்த அம்சத்தை செயல்படுத்துவதற்கான குறைந்தபட்ச வேகம் மணிக்கு 60 கிமீ ஆகும், மேலும் இது மூன்று மோட்களில் கிடைக்கிறது: வார்னிங், ப்ரிவென்ஷன் மற்றும் அசிஸ்ட். வார்னிங் மோடில், நீங்கள் பாதையின் குறுக்கே செல்லத் தொடங்கிவிட்டீர்கள் என்பதைச் சொல்ல, ஸ்டீயரிங் லேசாக அதிர்வதன் மூலம் கார் உங்களுக்கு எச்சரிக்கை செய்யும். ப்ரிவென்ஷன் மோடில், நீங்கள் லேன் மார்க்கிங்கிற்கு அருகில் சென்றால், கார் லேனில் திரும்பிச் செல்லும். இறுதியாக, அசிஸ்ட் மோடில், லேசான ஸ்டீயரிங் திருத்தங்களுடன் ஆஸ்டர் லேனின் நடுவில் இருக்குமாறு பார்த்துக் கொள்ளும். இந்த செயல்பாடு நன்கு குறிக்கப்பட்ட பாதைகளில் நன்றாக வேலை செய்கிறது மற்றும் ஸ்டீயரிங் திருத்தம் சீராக இருப்பதால், கார் தன்னைத்தானே திசைதிருப்பும்போது அது உங்களை பயமுறுத்தாது.

2. ஸ்பீடு அசிஸ்ட் சிஸ்டம்

இந்தச் செயல்பாடு ஒரு ஸ்பீடு லிமிட்டர் போல் செயல்படுகிறது மற்றும் 2 மோட்களுடன் வருகிறது: மேனுவல் மற்றும் இன்டெலிஜென்ட். மேனுவல் மோடில், நீங்கள் விரும்பிய வேக வரம்பை 30 கி.மீ.க்கு மேல் அமைக்கலாம், மேலும் கனமான த்ரோட்டில் உள்ளீடு இருந்தாலும் ஆஸ்டர் அதை மீறாது. புத்திசாலித்தனமான பயன்முறையில், ஆஸ்டர் வேக வரம்புகளுக்கான சாலையில் உள்ள வார்னிங் -களை படிக்கும், மேலும் உங்கள் வாகனம் அந்த வேகத்திற்கு மேல் பயணித்தால், அதே த்ரோட்டில் உள்ளீட்டில் கூட சட்ட வரம்பிற்குள் செல்ல தானாகவே வேகத்தைக் குறைக்கிறது. இந்த வேகக் குறைப்பு, உங்களைப் பின்தொடரும் கார்களால் அசம்பாவிதம் ஏற்படாமல் இருக்க, மிக படிப்படியாக நிகழ்கிறது. வேக வரம்பு அதிகரிக்கும் போது வேகம் பின்னர் படிப்படியாக அதிகரிக்கும். நீங்கள் விரைவுபடுத்த விரும்பினால், அதை முழு-த்ரோட்டில் இன்புட் மூலம் அதிகரிக்கலாம், நீங்கள் விரைவாக முந்திச் செல்ல விரும்பும் போது இது ஏற்றதாக இருக்கும்.

3. அடாப்டிவ் க்ரூஸ் கன்ட்ரோல்

சொகுசு கார்களில் பொதுவாகக் காணப்படும் ஒரு செயல்பாடு, இந்த அம்சமானது க்ரூஸ் கன்ட்ரோலை பயன்படுத்தும் போது முன்னால் உள்ள காரில் இருந்து பாதுகாப்பான தூரத்தை வைத்திருக்கும் திறனைக் கொண்டுள்ளது. உங்கள் வேகம் மணிக்கு 70 கிமீ என அமைக்கப்பட்டு, முன்னால் உள்ள கார் மெதுவாகச் சென்றால், ஆஸ்டரும் வேகத்தைக் குறைத்து, பாதுகாப்பான தூரத்தைப் பராமரிக்கும். எதிரே வரும் கார் முற்றிலுமாக நின்றாலும், முன்னால் உள்ள கார் ஸ்டார்ட் ஆனதும் (3 வினாடிகளுக்குள்) ஆஸ்டர் பின்னால் நின்று மீண்டும் நகரத் தொடங்கும். சாலை தெளிவானதும், அது அதில் செட் செய்யப்பட்டுள்ள பயண வேகத்தை மீண்டும் தொடங்கும். இந்த செயல்பாடும் தடையின்றி வேலை செய்கிறது, ஆனால் ஆக்ஸலரேஷன் மற்றும் பிரேக்கிங் சற்று ஆக்ரோஷமாக  இருப்பதை உணர முடிந்தது.

4. ரியர் டிரைவ் அசிஸ்ட்

நெடுஞ்சாலைகளில் முக்கியமாகப் பயன்படுத்தப்படும் மற்ற மூன்றையும் போல இல்லாமல், இந்த அம்சம் நகரத்திலும் பயனுள்ளதாக இருக்கும். இந்த அம்சத்தின் முதல் பகுதி, வாகனம் நிறுத்தும் இடங்களிலிருந்து பாதுகாப்பாக வெளியேற உதவும். நீங்கள் இரண்டு கார்களுக்கு இடையில் நிறுத்தப்படுவதைத் திரும்பப் பெறும்போது, ​​அது வரும் திசையில் ஏதாவது வாகனம் நெருங்கி வந்தால் சென்சார்கள் உங்களை எச்சரிக்கும். மற்ற இரண்டு அம்சங்களான ப்ளைண்ட்-ஸ்பாட் கண்காணிப்பு மற்றும் லேன் சேஞ்ச் வார்னிங், இது ORVM-களில் ஒளியை ஒளிரச் செய்வதன் மூலம் உங்களுக்குப் பின்னால் கார் வருகிறதா என்பதை உங்களுக்கு தெரிவிக்கும்.

ஒட்டுமொத்தமாக, இவை நிச்சயமாக உங்கள் வாகனம் ஓட்டுவதில் விழிப்புணர்வைச் சேர்க்கின்றன, அவற்றைப் பாதுகாப்பானதாக்குகின்றன, ஆனால் கட்டுப்பாடற்ற நிலையில் இல்லாமல், நிஜ உலகில் இந்த ADAS வசதிகள் ஒழுங்கில்லாத இந்திய போக்குவரத்து நிலைமைகளுக்கு எவ்வாறு பதிலளிக்கிறது என்பதை அறிய, அனுபவத்தை நாங்கள் சோதித்து பார்க்க விரும்புகிறோம்.

நாங்கள் ADAS மற்றும் AI அனுபவத்தில் கவனம் செலுத்தியிருந்தாலும், புகழ்பெற்ற புத் இன்டர்நேஷனல் சர்க்யூட்டை சுற்றி சில சுற்றுகள் ஓட்டினோம். உங்கள் ஆஸ்டர் ஒரு பந்தயப் பாதையின் டார்மாக்கைப் பார்க்கவே முடியாது என்பதை நாங்கள் புரிந்துகொண்டாலும், ஆஸ்டரின் டிரைவின் சில குணங்கள் இங்கே காட்டப்பட்டுள்ளன, அது நிஜ உலகிலும் உண்மையாகவே இருக்கும். 140PS ஆற்றலையும் 220Nm டார்க்கையும் வழங்கும் 1.3-லிட்டர் டர்போ-பெட்ரோல் எங்களுக்கு கிடைத்தது. இது 6-ஸ்பீடு டார்க் கன்வெர்ட்டர் ஆட்டோமேட்டிக் உடன் மட்டுமே இணைக்கப்பட்டுள்ளது. கிடைக்கக்கூடிய மற்ற இன்ஜின் ஆப்ஷன் 1.5 லிட்டர் பெட்ரோல் ஆகும், இது 110PS சக்தியையும் 144Nm டார்க்கையும் உருவாக்குகிறது. இது 5-ஸ்பீடு MT மற்றும் ஆப்ஷனல் 8-ஸ்பீடு CVT ஆட்டோமேட்டிக் உடன் இருக்கலாம்.

ஆஸ்டரின் பவர் டெலிவரி சீரானது. இது, பிக்அப்பில் இருந்தே, உங்களுக்கு நல்ல மற்றும் சீரான ஆக்ஸலரேஷனை அளிக்கிறது. த்ராட்டில் அழுத்தும் போதும் தொடங்குங்கள் மற்றும் ஆஸ்டர் ஒரு வலுவான முறையில் வேகத்தை உருவாக்குகிறது. இது ஒரு டார்க் கன்வெர்டர் ஆட்டோமெட்டிக் என்பதால், டர்போ லேக்கை அதை கவனித்துக் கொள்ளும் ஆகவே நகரத்தில் பயணம் செய்யும் போது நீங்கள் சக்திக்காக போராட வேண்டாம். த்ராட்டில் கனமாக அழுத்தி செல்லத் தொடங்கினாலும், அதே சீரான ஆக்ஸலரேஷன் உங்களை வரவேற்கிறது. இது மிகவும் சுவாரஸ்யமாக இல்லை, ஆனால் முந்துவதற்கு போதுமான புல் உள்ளது. அதற்கு அப்பாலும், ஆஸ்டர் தொடர்ந்து செல்கிறது. BIC இல், நாங்கள் 0-100kmph நேரத்தை 10.76 வினாடிகளில் பதிவு செய்துள்ளோம், இது சுவாரஸ்யமாக உள்ளது. மேலும் ஆஸ்டர் 164.33 கிமீ வேகத்தில் பதிவுசெய்யப்பட்ட அதிகபட்ச வேகத்துடன் முன்னேறிச் சென்றார். நகரப் பயணமாக இருந்தாலும் சரி, நெடுஞ்சாலை சுற்றுலாவாக இருந்தாலும் சரி, ஆஸ்டர், குறைந்தபட்சம் அதன் டர்போ வேடத்திலாவது, வியர்வை சிந்திவிடாமல் அதை நிர்வகிக்கும். டிரான்ஸ்மிஷன் கூட, பந்தயப் பாதையில் மாற்றுவதற்கு சற்று மெதுவாக இருந்தாலும், நகரத்தில் நன்றாக இருக்கும். இங்கே, டிரைவ் மோடுகள் ஆஸ்டருக்கு ஒரு சிறந்த டூயல் பெர்ச்னாலிட்டியை பெற உதவியிருக்கலாம்.

ரைடு அண்ட் ஹேண்ட்லிங்

ஆஸ்டர் கையாள மிகவும் பாதுகாப்பாக உணர்கிறது. ஸ்டீயரிங் மூன்று மோட்களை கொண்டுள்ளது மற்றும் மிகவும் கனமானது திருப்பங்களில் உங்களுக்கு நல்ல நம்பிக்கையை அளிக்கிறது. இது கம்யூனிகேட்டிவ் ஆக உணர்வை உணர்கிறது மற்றும் நீங்கள் எவ்வளவு பிடியை விட்டுவிட்டீர்கள் என்பதை உங்களுக்குத் தெரியப்படுத்துகிறது. ஆஸ்டர் ஒரு திருப்பங்களில் அதிகமாக ஓட்டுபவர் இல்லை என்றாலும், அது இன்னும் ஒரு லைனை அதிக கவனம் செலுத்தாமல் வைத்திருக்க முடியும், மேலும் இது ஒரு திருப்பமான மலைப்பாதையில் பாதுகாப்பாகவும் ஃபன்னாகவும் இருக்கும். பாடி ரோல் கட்டுக்குள் உள்ளது, அதாவது பயணிகளிடம் இருந்து குறையை எதிர்பார்க்க முடியாது.

ஒரு F1 ரேசிங் சர்க்யூட் நிச்சயமாக சவாரி வசதியை சோதிக்க இடமில்லை, ஆனால் நாங்கள் சுற்றுவட்டத்தைச் சுற்றியுள்ள சாலைகளுக்குச் செல்ல முடிந்தது, அவை இன்னும் நன்றாக நடைபாதையாக இருந்தன, ஆனால் வெவ்வேறு அளவுகளில் ஸ்பீட் பிரேக்கர்களைக் கொண்டிருந்தன. சஸ்பென்ஷனின் வசதியான ட்யூன் எங்களை நன்கு மென்மையாக வைத்திருந்தது மேலும் அது அமைதியாக வேலை செய்தது. இந்த பாசிட்டிவ் இம்ப்ரெஷன்கள் எங்களுக்கு மேலும் இதை ஓட்டிப் பார்க்க வேண்டும் என்ற தேவையை ஏற்படுத்தியது, ஆனால் ஒரு முழுமையான சாலை சோதனைக்காக ஆஸ்டரைப் நாம் பெற்றவுடன் மட்டுமே அது நடக்க வாய்ப்புள்ளது

ADAS மற்றும் AI உதவியாளர் ஆகியவை ஆஸ்டரின் அனுபவத்தைச் கூடுதலாக்குகிறதா? முற்றிலும் சரி. ADAS ஆனது, உங்கள் சுற்றுப்புறத்தைப் பற்றி உங்களுக்குத் தெரியப்படுத்தவும், நெடுஞ்சாலை வேகத்தில் விபத்துகளைத் தடுக்க உதவுவது மட்டுமல்லாமல், தினசரி டிரைவ்களில் சிறிய ஃபெண்டர் வளைவுகளிலிருந்து உங்களை விலக்கி வைக்கவும் உதவும். புளூடூத் சாவி ஒரு நல்ல இணைப்பாகும் மற்றும் கனெக்டட் கார் அமைப்பை விட திறமையானதாக இருக்கிறது. குழந்தைகளுக்கு அழகாகவும் வேடிக்கையாகவும் இருந்தாலும், AI உதவியாளர் காரில் உங்களுக்குத் தேவையான எந்தச் செயல்பாட்டையும் சேர்க்காது.

ஆஸ்டர் அதன் தோற்றம், தொழில்நுட்பம் மற்றும் உயர்மட்ட கேபின் அனுபவம் ஆகியவற்றால் செக்மென்ட்டில் தனித்து நிற்க நிற்க வைக்கிறது. டிரைவ் மற்றும் ஆறுதல் போன்ற மீதமுள்ள விஷயங்களும் நம்பிக்கைக்குரியவை. இறுதித் தீர்ப்பை வழங்குவதற்கு முன்பு நாங்கள் அதை நிஜமான சாலையில் ஓட்டிப் பார்த்தோம். அதன் கவசத்தில் உள்ள ஒரே குறை பின்புறத்தில் மூன்று பேருக்கான கேபின் அகலம், பூட் ஸ்பேஸ் ஆகியவை விடுபட்ட அம்சங்கள். விலைகள் ரூ.9.78 லட்சத்தில் தொடங்கி ரூ.17.38 லட்சம் (எக்ஸ்-ஷோரூம் டெல்லி) வரை இருக்கிறது, ஆஸ்டர் பணத்திற்கான உறுதியான பேக்கேஜ் மற்றும் செக்மென்ட்டில் தேர்ந்தெடுக்கும் ஆப்ஷன்கள் கொண்ட ஒரு காராகும்.