Tesla Cybertruck இறுதியாக தயாராகியுள்ளது ! முதல் 10 வாடிக்கையாளர்கள் டெலிவரி எடுத்த போது அதன் விவரங்கள் தெரிய வந்துள்ளன

published on டிசம்பர் 01, 2023 08:37 pm by sonny for டெஸ்லா சைபர்ட்ரக்

  • 31 பார்வைகள்
  • ஒரு கருத்தை எழுதுக

எலக்ட்ரிக் பிக்கப் துரு-எதிர்ப்பு கொண்ட குண்டு துளைக்காத சிறப்பு அலாய் மூலமாக உருவாக்கப்பட்டுள்ளது.

  • டெஸ்லா சைபர்டிரக் முதன்முதலில் அறிமுகமாகி கிட்டத்தட்ட 4 ஆண்டுகளுக்குப் பிறகு, இறுதியாக வாடிக்கையாளர்களுகாக தயாராக உள்ளது.

  • மூன்று பவர்டிரெய்ன் ஆப்ஷன்கள் மற்றும் 550 கிமீ வரை உரிமை கோரப்பட்ட ரேஞ்ச் -ஐ பெறுகிறது.

  • டாப்-ஸ்பெக் ட்ரை-மோட்டார் மாறுபாடு சைபர்பீஸ்ட் என்று அழைக்கப்படுகிறது மற்றும் 850 PSக்கு மேல் கொடுக்கிறது.

  • கரடுமுரடான வடிவமைப்புடன் உள்ள மற்றும் பேலோட் பகுதியில் நடைமுறைக்கான சேமிப்பகம் கொடுக்கப்பட்டுள்ளது.

  • ஆல்-வீல் டிரைவ் வேரியன்ட் டெலிவரிகள் 2024 -ம் ஆண்டில் தொடங்கும், பேஸ் வேரியன்ட்  2025 -ல் வரும்.

Tesla Cybertruck 2024 front

டெஸ்லா சைபர்டிரக் சமீப காலங்களில் மிகவும் எதிர்பார்க்கப்பட்ட வாகனங்களில் ஒன்றாகும், ஆர்டர் புத்தகத்தில் இதற்கான தேவை 10 லட்சம் யூனிட்களாக உள்ளது. 2019 -ல் தயாரிப்புக்கு முந்தைய கான்செப்ட் ஆக அறிமுகம் ஆனது. தற்போது இந்த மின்சார பிக்கப் உற்பத்தியை நெருங்கி வந்துள்ளது. நேற்று இரவில், சாலையில் ஓட்டுவதற்கு தயாரான பதிப்பை டெஸ்லா அறிமுகப்படுத்தியது. டெஸ்லா டெலிவரி நிகழ்விலிருந்து சைபர்டிரக்கை பற்றி நாங்கள் தெரிந்து  அனைத்தும் இங்கே:

பவர்டிரெய்ன் ஆப்ஷன்கள்

டெஸ்லா சைபர்டிரக் மூன்று டிரைவ் டிரெய்ன் ஆப்ஷன்களுடன் வழங்கப்படும்: ரியர்-வீல் டிரைவ், டூயல்-மோட்டார் ஆல்-வீல்-டிரைவ் மற்றும் ட்ரை-மோட்டார் ஆல்-வீல் டிரைவ்.  400 கிமீக்கு மேல் ரேஞ்ச் கொண்டதாக இருக்கும் என மதிப்பிடப்பட்ட சிங்கிள் மோட்டார் பேஸ் ஆப்ஷன் 2025 -ல் வரும் என என்று கூறப்படுகிறது. 4.1 வினாடிகளில் 0-96 kmph ஸ்பிரிண்ட் நேரத்திற்கு 608 PS/ 10,000 Nm டூயல் மோட்டார் செட்டப் உடன் கிடைக்கும், மற்ற இரண்டு ஆப்ஷன்களுக்கான கூடுதல் விவரங்கள் எங்களிடம் உள்ளன. இந்த பதிப்பு 550 கிமீ -க்கும் குறைவான ரேஞ்ச் -ஐ கொண்டுள்ளது.

Tesla Cybertruck rear

டாப்-ஸ்பெக் டெஸ்லா சைபர்டிரக் சைபர்பீஸ்ட் என்று அழைக்கப்படுகிறது. இதன் ட்ரை-மோட்டார் அமைப்பு 857 PS -ன் இன்டெகிரேட்டட் அவுட்புட்டை 14,000 Nm அதிகபட்ச டார்க் -கையும் வழங்கும். இதற்கு, டெஸ்லா 0-96 கிமீ/மணி நேரத்தை 2.6 வினாடிகள் (ரோல் அவுட்டை சேர்க்காமல்) மற்றும் 515 கிமீ வரம்பில் மதிப்பிடப்பட்டுள்ளது. வடிவமைப்பு மற்றும் செயல்திறனில் இன்னும் ஈர்க்கக்கூடியதாக இருந்தாலும், அந்த வரம்பு புள்ளிவிவரங்கள் முதலில் வாக்குறுதியளிக்கப்பட்ட 800 கிமீ எண்ணிக்கையை விட மிகக் குறைவு.

போர்ஷே 911 -ஐ விட வேகமானது

Tesla EV -கள் அவற்றின் ஆச்சரியமூட்டும் ஆக்சலரேஷனுக்கு பெயர் பெற்றவை மற்றும் டிராக் ஸ்ட்ரிப் -ல் ஆதிக்கம் செலுத்த முனைகின்றன. ஆகவே அதிலிருந்து சைபர்டிரக் -கும் வேறுபட்டது அல்ல என்பதை காட்டுவதற்கு அறிமுக நிகழ்வில் சைபர்பீஸ்ட் ஒரு போர்ஷே 911 (அநேகமாக பேஸ் வேரியன்ட்) ஒரு டிராக் ஸ்ட்ரிப்பில் தோற்கடித்து, போர்ஸ் 911 -ஐ இழுத்துச் செல்லும் காட்சியை காட்டியது.

ஃபாஸ்ட் சார்ஜிங்

டெஸ்லா சைபர்டிரக்கிற்கான பேட்டரி பேக் அளவைக் குறிப்பிடவில்லை, ஆனால் இது 250kW வரை வேகமாக சார்ஜ் செய்வதற்கான 800V எலக்ட்ரிக்கல் உள்கட்டமைப்பை கொண்டுள்ளது. அந்த வேகம் வெறும் 15 நிமிடங்களில் 218 கிமீ தூரம் வரை சார்ஜ் செய்வதற்கு போதுமானதாக இருக்கும்.

மேலும் படிக்க: டெஸ்லா எப்போது இந்தியாவிற்கு வருகிறது? இதுவரை நாம் அறிந்த அனைத்தும்

எதிர்காலத்துக்கேற்ற வடிவமைப்பில் இருக்கிறது

டெஸ்லா சைபர்டிரக் அதன் வெட்ஜ் ( கோடாரி முனை) போன்ற வடிவமைப்புடன் அறிமுகமானபோது, ​​அது ஒரு அபோகாலிப்டிக் எதிர்கால வீடியோ கேம்களால் ஈர்க்கப்பட்டதை போலத்  தோன்றியது, இறுதியில் தயாரிப்பு மாடல் மிகவும் தொனியாகவும் யதார்த்தமாகவும் இருக்கும் என்று நாங்கள் எதிர்பார்த்தோம். இருப்பினும், லோடிங் பேக்கான ரோலிங் டன்னோ கவர் மூலம் அந்த பார்வையை யதார்த்தமாக்குவதற்காக டெஸ்லா தனது நேரத்தை செலவிட்டுள்ளது. இது இன்னும் ஒரு பெரிய கண்ணாடி கூரையை கொண்டுள்ளது, குறைந்தபட்சம் 432 மிமீ கிரவுண்ட் கிளியரன்ஸ் கொண்ட சவாரி மற்றும் 20 இன்ச் சக்கரங்களில் இயங்குகிறது. LED லைட்டிங் ஸ்ட்ரிப்கள் முன் மற்றும் பின்புறத்துடன் மென்மையான மேற்பரப்பு வடிவமைப்பில் கிட்டத்தட்ட எந்த இடைவெளிகளும் இல்லை.

Tesla Cybertruck interior rear

கிட்டத்தட்ட எந்த நிலப்பரப்பிலும் செயல்படக்கூடியது

சைபர்டிரக்கின் அறிமுகத்தில் உள்ள பெருமைகளில் ஒன்று, சந்தையில் உள்ள மற்ற பிக்கப்பை விட இது கடினமாக இருக்கும். இதை, டெஸ்லா தனது சொந்த துருப்பிடிக்காத ஸ்டீல் சூப்பர் அலாய் பாடி பேனல்களால் உருவாக்கியுள்ளது, இது பிக்கப்பிற்கு சிறந்த வலிமையுடன் இருக்கின்றன மற்றும் புல்லட் ப்ரூஃப் ஆகவும் இருக்கின்றன. டெலிவரி நிகழ்வின் போது, ​​டெஸ்லா .45 காலிபர் டாமி துப்பாக்கி, ஒரு கைத்துப்பாக்கி மற்றும் சப்மெஷின் துப்பாக்கியின் தாக்குதலை எளிதில் தாங்கும் வகையில் உற்பத்தி-ஸ்பெக் சைபர்டிரக்கை காட்சிப்படுத்தியது. விளக்கக்காட்சியின் போது டெஸ்லா தலைமை நிர்வாக அதிகாரி எலான் மஸ்க் -கை நோக்கி சைபர்டிரக்கை குண்டு துளைக்காததை ஏன் உருவாக்க விரும்புகிறீர்கள் என்று கேள்வி எழுந்த போது, ​​அவர் இயல்பாக அதற்கு பதிலளித்தார், "ஏன் உருவாக்கக்கூடாது?"

 

டெஸ்லா சைபர்ஸ்ட்ரக்கின் வெட்ஜ் ( கோடாரி-முனை) போன்ற உடல் வடிவத்திற்கான காரணங்களில் ஒன்று, இந்த மெட்டல் ஷீட் மிகவும் கடினமானது மற்றும் பிற வடிவங்களில் முத்திரையிட முடியாது. மற்றொரு நன்மை என்னவென்றால், இந்த சூப்பர் அலாய் அரிப்பால் பாதிக்கப்படுவதில்லை ஆகவே இதற்கு வண்ணப்பூச்சு தேவையில்லை. எனவே, தொழில்நுட்ப ரீதியாக பார்க்கப்போனால், நீங்கள் சைபர்டிரக்கை ஒரே ஒரு வெளிப்புற நிறத்தில் மட்டுமே வாங்க முடியும்.

மற்றொரு குறிப்பிடத்தக்க விஷயம் என்னவென்றால், இந்த மின்சார பிக்கப் கவச கண்ணாடியுடன் வருகிறது, இது பாறைகள் மற்றும் கடுமையான வானிலையிலிருந்து கடுமையான தாக்கங்களைத் தாங்கும். இதன் விளைவாக, இது மிகவும் அமைதியான கேபினையும் கொடுக்கிறது. இந்த நீடித்த வடிவமைப்பின் எதிர்மறையான விஷயங்களில் ஒன்றாக சொல்லப்போனால் சில எரகனாமிக்ஸ் குறைபாடுகளும் இருக்கின்றன, அதில் ஒன்று பயணிகள் பக்கத்திலிருந்து சைபர்டிரக்கிற்குள் நுழைவதற்கு கதவை திறக்கும் வசதி கொடுக்கப்படவில்லை. சில ஆன்லைன் அறிக்கைகளின்படி, அதை ஓட்டுநர் உள்ளே இருந்து அல்லது பயணிகள் பக்கத்தில் உள்ள டோர்-அன்லாக் அமைப்பிலிருந்து மட்டுமே திறக்க முடியும்.

நடைமுறைக்கு ஏற்றதும் கூட

டெஸ்லா சைபர்டிரக் அருமையான விஷயங்களை கொண்டது மட்டுமல்ல. இது உண்மையில் 4 அடி அகலம் மற்றும் 6 அடி நீளம் கொண்ட 1,100 கிலோவுக்கு மேல் சுமந்து செல்லும் திறன் கொண்ட ஒரு நடைமுறை பிக்அப் ஆகும். ஃப்ராங்கில் கூடுதல் சேமிப்பகம் உள்ளது (இன்ஜின் இல்லாத முன் டிரங்க்). மேலும், இது லாக்கபிள் முன் மற்றும் டிஃபரென்ஷியல் உடன் கூடிய மிகவும் திறமையான ஆஃப்-ரோடர் ஆகும், மேலும் இது ஒரு தட்டையான அண்டர்பாடி இருக்கிறது, இதன் கிரவுண்ட் கிளியரன்ஸ் 432 மிமீ என்பதால் அனைத்து நிலப்பரப்புகளிலும் பயன்படுத்தலாம்.

Tesla Cybertruck storage

இது ஒரு வசதியான சவாரி தரத்திற்காக ஒவ்வொரு மூலைக்கும் சுதந்திரமான அடாப்டிவ் ஏர் சஸ்பென்ஷனையும் கொண்டுள்ளது. எலக்ட்ரிக் பிக்கப் சிறப்பான திருப்பத்திற்காக 4 வீல் ஸ்டீயரிங்கையும் கொண்டுள்ளது, மேலும் சைபர்டிரக் மாடல் S செடானை விட சிறிய திருப்புதல் வட்டத்தைக் கொண்டுள்ளது என்று டெஸ்லா தெரிவிக்கிறது.

எளிமையான உட்புறங்கள்

டெஸ்லா சைபர்டிரக் மினிமலிஸ்ட் வடிவமைப்பையே கொண்டுள்ளது, சுற்றிலும் உள்ள ஆம்பியன்ட் லைட்களால் உட்புறம் சிறப்பிக்கப்படுகிறது. இது டேஷ்போர்டு வடிவமைப்பில் மறைக்கப்பட்ட ஏசி வென்ட்களுடன் ஒரு சதுர ஸ்டீயரிங் வீலை கொண்டுள்ளன, இதில் குறிப்பிடத்தக்க விவரம் 18.5 -இன்ச் டச்ஸ்கிரீன் இன்ஃபோடெயின்மென்ட் யூனிட் மட்டுமே. பின்புற பயணிகளுக்கான 9.4-இன்ச் டச் ஸ்கிரீன் யூனிட் சென்டர் கன்சோல் டனலின் பின்புறத்தில் வைக்கப்பட்டுள்ளது. வயர்லெஸ் சார்ஜிங், 65W USB-C போர்ட்கள் மற்றும் 120V/240V பவர் அவுட்லெட்டுகள் மூலம் மற்ற சாதனங்களை கேபின் முழுவதும் சார்ஜ் செய்ய பல ஆப்ஷன்கள் உள்ளன.

Tesla Cybertruck dashboard

கூடுதலாக, டெஸ்லா சைபர்டிரக், காற்றில் உள்ள துகள்களில் இருந்து கேபினை பாதுகாக்க ஒரு உள்ளமைக்கப்பட்ட HEPA ஃபில்டரை கொண்டுள்ளது. கேபினை முழுவதுமாக இன்சுலேட் செய்வதற்காக செயல்படுத்தப்படும் போது, ​​இதை டெஸ்லா பயோவீபன் டிஃபென்ஸ் மோடு என்று அழைக்கிறது.

தொடர்புடையது: முறையான ஏர் பியூஃரிபையர் உடன் கூடிய மிகவும் குறைவான விலையில் உள்ள 10 கார்கள் இவை

சைபர்டிரக் விலை மற்றும் விநியோகங்கள்

டெஸ்லா சைபர்டிரக் டெலிவரிகளின் அடுத்த தொகுதி 2024 -ல் தொடங்கும், இன்னும் டூயல் மோட்டார் மற்றும் ட்ரை-மோட்டார் ஆல்-வீல் டிரைவ் வேரியன்ட்களுக்கு மட்டுமே. ஆப்ஷனலான கூடுதல் சேர்க்கைகளுக்கு முன் இதன் விலை எப்படி இருக்கும் என்பதை இங்கே பார்க்கலாம்:

டெஸ்லா சைபர்டிரக் வேரியன்ட்

அமெரிக்க டாலர் விலை

இந்திய ரூபாய்க்கு கன்வெர்ட் செய்யப்பட்டது

ரியர் வீல் டிரைவ்

$ 60,990

ரூ.50.80 லட்சம்

டூயல் மோட்டார் AWD

$ 79,990

ரூ.66.63 லட்சம்

சைபர்பீஸ்ட் (AWD)

$ 99,990

ரூ.83.29 லட்சம்

Tesla Cybertruck production line

இங்கும், ஃபுல்லி லோடட் சைபர்டிரக்கின் அதிகபட்ச விலையான அமெரிக்க டாலர் 70,000 என்ற இலக்குக் கோரிக்கைகளில் ஒன்றை டெஸ்லா தவறவிட்டு விட்டது. திருத்தப்பட்ட விலை நிர்ணயம் நியாயமானதா என்பதை அறிய, வாடிக்கையாளர் அனுபவங்களை நாம் காத்திருந்து பார்க்க வேண்டும். டெஸ்லா சைபர்டிரக்கின் உற்பத்தியை ஆண்டுக்கு 2.5 லட்சம் யூனிட்கள் வரை அதிகரிக்க திட்டமிட்டுள்ளது, ஆனால் அதற்கு சில காலம் ஆகலாம்.

வெளியிட்டவர்
was this article helpful ?

0 out of 0 found this helpful

Write your Comment மீது டெஸ்லா சைபர்ட்ரக்

Read Full News

explore மேலும் on டெஸ்லா சைபர்ட்ரக்

space Image

கார் செய்திகள்

  • டிரெண்டிங்கில் செய்திகள்
  • சமீபத்தில் செய்திகள்

trending எலக்ட்ரிக் கார்கள்

  • பிரபலமானவை
  • உபகமிங்
×
We need your சிட்டி to customize your experience