2020 ரேஞ்ச் ரோவர் எவோக் ரூபாய் 54.94 லட்சத்தில் அறிமுகப்படுத்தப்பட்டது

இரண்டாவது-தலைமுறையான எவோக் அதன் புதுப்பிக்கப்பட்ட உட்புறத்தில் ஏராளமான முகப்பு திரைகளைப் பெறுகிறது

• புதிய-தலைமுறையான எவோக் ஆனது ரேஞ்ச் ரோவர் வெலாரிடமிருந்து அதிகமான சிறந்த வடிவமைப்புகளைப் பெறுகிறது.

• இது இப்போது 9-வேக ஏ‌டி மற்றும் 4டபில்யு‌டி உடன் கூடிய 2.0-லிட்டர் டீசல் இயந்திரத்துடன் வடிவமைக்கப்பட்டுள்ளது.

• சிறப்பம்சங்களின் புதுப்பிப்புகளில் இரு தொடுதிரை முகப்புடன் கூடிய ஒளிபரப்பு அமைப்பு மற்றும் டிஜிட்டல் கருவி தொகுப்பு ஆகியவை அடங்கும்.

• இது ஒரு ‘தெளிவாகத் தெரிகின்ற வாகன முன்புற கதவமைப்பின்’ சிறப்பம்சத்தைப் பெறுகிறது மற்றும் கரடுமுரடான பாதைகளையும், வெள்ளத்தையும் சமாளிக்கும் விதமாக அடிப்பகுதி உயர்வாக வடிவமைக்கப்பட்டுள்ளது.

• புதிய எவோக்கின் விலை ரூபாய் 54.94 லட்சத்திலிருந்து ரூபாய் 59.85 லட்சம் வரை இருக்கும். (எக்ஸ்-ஷோரூம் இந்தியா).

2018 ஆம் ஆண்டின் பிற்பகுதியில் ஐரோப்பாவில் விற்பனைக்கு வந்த இரண்டாம்-தலைமுறையான ரேஞ்ச் ரோவர் எவோக், இப்போது இந்தியாவில் கிடைக்கிறது. வெலார் போல தோற்றமளிக்கிற, ஆரம்ப-நிலையிலுள்ள ரேஞ்ச் ரோவரின் அளவு பெரிதாக காணப்படுகிறது, மற்றும் பல நவீன உட்புற அமைப்பைப் பெறுகிறது. புதிய எவோக்கின் விலை ரூபாய் 54.94 லட்சத்திலிருந்து துவங்குகிறது (எக்ஸ்ஷோரூம் டெல்லி).

 தற்போதுள்ள, 2020 ரேஞ்ச் ரோவர் எவோக்கில் 180பி‌எஸ் ஆற்றலையும் 430என்எம் முறுக்கு திறனையும் உருவாக்குகிற பிஎஸ்6 இணக்கமான 2.0-லிட்டர் டீசல் மோட்டார் உடைய ஒரே ஒரு இயந்திர விருப்பம் மட்டுமே உள்ளது. 9-வேகத் தானியங்கி செலுத்துதலும், ஆல்-வீல்-டிரைவும் அதன் வரம்பில் தரமாக வழங்கப்படுகின்றன. பெட்ரோல் இயந்திரமானது பின்னர் அறிமுகம் செய்யப்படும் என்று ஜாகுவார் லேண்ட் ரோவர் கூறுகிறது. அவற்றின் விலைகளுடன் தற்போது இரண்டு வகைகளும் உள்ளன:

புதிய தலைமுறையான எவோக் ஆனது வெலாரிடமிருந்து பிரகாசமான முகப்புவிளக்குகள் மற்றும் பின்புற விளக்குகளின் வடிவமைப்பு மற்றும் எளிதில் திறக்கும் படி அமைக்கப்பட்டக் கதவு கைப்பிடிகள் போன்ற பல்வேறு வடிவமைப்புகளை பெறுகிறது. இது 4360 மிமீ எக்ஸ் 1,990 மிமீ எக்ஸ் 1,635 மிமீ என அளவிடப்பட்டு வெளிவிடப்படும் மாதிரிகளைக் காட்டிலும் 11 மிமீ நீளமானது, 6 மிமீ அகலமானது மற்றும் 14 மிமீ உயரமானது. இரண்டாவது-தலைமுறையான எவோக் வெள்ளத்தைச் சமாளிப்பதற்காக 600 மிமீ அடிப்புற உயரத்தை வழங்குகிறது, இது தற்போதுள்ள மாதிரியைக் காட்டிலும் 100 மிமீ அதிகம்.

 முகப்பு பெட்டியைச் சுற்றியும் அதிகமாக இருக்கின்ற பொத்தான்களைக் குறைக்க ரேஞ்ச் ரோவர் இரண்டாவது-தலைமுறையான எவோக்கின் உட்புறத்தை அதிக திரைகளுடன் புதுப்பித்துள்ளது. இது இரண்டு தொடுதிரைகளைக் கொண்ட ஜேஎல்ஆர் டச் புரோ டியோ ஒளிபரப்பு அமைப்பைக் கொண்டுள்ளது – இதில் ஒரு திரை முகப்பு பெட்டி மீது பொருத்தப்பட்ட ஊடக அமைப்பிற்காக 10-அங்குல அலகில் அமைக்கப்பட்டுள்ளது மற்றும் மற்றொரு திரையானது நிலப்பரப்பு மேலாண்மை அமைப்பு, காலநிலை கட்டுப்பாடு மற்றும் காற்றோட்டமான இருக்கைகளை அணுக மத்திய கட்டுப்பாட்டு அமைப்பில் பொருத்தப்பட்டுள்ளது. இரு வேகக் கட்டுப்பாட்டு சுழல் திருப்பிகள் உள்ளன.  இது திசைத்திருப்பி மீதான தொடுதிரை கட்டுப்பாடுகளையும், டிஜிட்டல் கருவித் தொகுப்பையும் கொண்டுள்ளது.

கடினமான நிலப்பரப்பில் வாகனத்தை ஓட்டக்கூடிய எவோக்கிற்கான மிக முக்கியமான சிறப்பம்ச புதுப்பிப்பு என்னவென்றால், ‘தெளிவாகத் தெரிகின்ற வாகனத்தின் முன்புற கதவமைப்பாகும்’. இது முன்பக்க பாதுகாப்பு சட்டகம் மற்றும் ஓ‌ஆர்‌வி‌எம் களில் கேமராக்களைப் பயன்படுத்தி, மைய தொடுதிரையில் முன்புற காட்சிகளை காட்சிப்படுத்தக்கூடிய அம்சங்களைக் கொண்டுள்ளது. கடினமான நிலப்பரப்புகள் மற்றும் உயர் தடைகளின் மீது செல்லும் போது எவோக்கின் முன்புறமும், முன் முனைக்கு அடிப்புறத்திலும் உள்ளதை 180 டிகிரி காட்சியில் இது காட்டுகிறது.

2020 ரேஞ்ச் ரோவர் எவோக் ஆனது மெர்சிடிஸ்-பென்ஸ் ஜிஎல்சி, பிஎம்டபிள்யூ எக்ஸ்3, ஆடி க்யூ5, லெக்ஸஸ் என்எக்ஸ் 300ஹெச் மற்றும் வோல்வோ எக்ஸ்சி60 ஆகியவற்றுடனான தனது போட்டியை மீண்டும் தொடங்குகிறது.