மாருதி ஸ்விப்ட் 2014-2021

கடந்த காலத்தில் வந்த ஸ்விஃப்ட் மற்றும் டிசையர் ஆகியவை, முன்பகுதி அமைப்பில் ஒத்த அமைப்பை கொண்ட இரட்டைகள் போல இருந்தன. முன்பகுதியில் உள்ள கிரில் வடிவமைப்பில் மட்டும் லேசான மாற்றங்களைப் பெற்றிருந்தன.

இதே நிலையை தான் புதிய ஸ்விஃப்ட் காரும் தொடர்கிறது. எடுத்துக்காட்டாக, இதில் உள்ள ஹேட்லெம்ப்கள், ஏறக்குறைய அதே போன்றது தான். போனட் மற்றும் முன்பக்க பின்டர்கள் கூட, அதே அமைப்பில் தான் வடிவமைக்கப்பட்டுள்ளது. ஆனால் சுற்றுப் பகுதியில் இந்த முறை, ஒத்த தன்மைக்கு முடிவு கட்டப்பட்டுள்ளது.

ஸ்விஃப்ட் மற்றும் டிசையர் ஆகிய இரண்டிலும் ஒரு ஹெக்ஸாகோனல் முன்பக்க கிரில்காணப்படுகிறது. ஸ்விஃபட் காரில் அது கொஞ்சம் பெரிதாகவும், எந்த கிரோம் வெளியோட்டமும் அற்றதாகவும் உள்ளது. இதன் விளைவாக, ஸ்விஃப்ட் கார் பெருத்த தன்மை குறைந்ததாகவும் அதிக கவர்ச்சியாகவும் விளங்குகிறது. டிசையர் உடன் ஒப்பிடும் போது, ஸ்விஃப்ட் காரில் உள்ள முன்பக்க பம்பரின் வடிவமைப்பில் கூட மாற்றத்தை காண முடிகிறது. அதே நேரத்தில் இரண்டு கார்களிலும் வட்டமான ஃபோக் லெம்ப்கள் உள்ளன. ஸ்விஃப்ட் காரில் ஒரு மெல்லிய ஏர் பேம் கொண்டு, பம்பரை ஒட்டி சென்று, ஃபோக் லெம்ப் இருப்பிடம் வரை இருபுறமும் செல்வதால், அதிக ஸ்போர்டியான தன்மையை வெளிப்படுத்துகிறது.

மறைக்கப்பட்ட நிலையில் உள்ள பின்பக்க டோர் ஹேண்டில் இருப்பதால், பக்கவாட்டில் இருந்து பார்க்கும் போது, ஸ்விஃப்ட் கார் 3 டோர் ஹேட்ச் போல காட்சி அளிக்கிறது. அது ஒரு தெளிவான காட்சியை அளித்தாலும், டோர் ஹேண்டில் அதிக சவுகரியமாக இருக்க வேண்டிய இடத்தில் அது அமையவில்லை.

இந்த புதிய ஸ்விஃப்ட் காரின் ஏ-பில்லர் கருப்பு நிறத்திற்கு மாற்றப்பட்டிருப்பது, புதிய டிசையர் உடனான ஒப்பீட்டில் உயர்ந்த நிலையை அளிக்கிறது. ஏனெனில் அது ஒட்டுமொத்தத்தில் பாடி–நிறத்திலேயே அமைந்துள்ளது. எனவே தற்போது மேற்கூறிய இரு கார்களும் தங்களின் முந்தைய தலைமுறையில் ஒத்த அமைப்பில் இருந்து நிலையில், தற்போது வேறுபட்டு உள்ளன.

தற்போது வெளியீட்டில் உள்ள ஸ்விஃப்ட் காரின் பின்பக்கத்தோடு ஒப்பிட்டால், அது அவ்வளவு நன்றாக தெரியவில்லை. பின்பக்கத்தில் உள்ள விண்டுஸ்கிரீன் மெட்டலில் (ஹேட்ச்சில்) இருந்து பிளாஸ்டிக் (பம்பர்) இடையிலான விகிதாசாரத்தில், தற்போது பெரிய அளவிலான பிரபல தன்மையோடு இருப்பதாக தெரியவில்லை. மாருதி சுஸூகி தயாரிப்புகளிலேயே முதன் முறையாக, இந்த ஸ்விஃப்ட் காரில் மட்டுமே எங்கேயும் வகைகளுக்கான பேட்ஜ் இல்லாமல் காணப்படுகிறது. டீசல் பதிப்பின் முன்பக்க பின்டரில் மட்டுமே டிடிஐஎஸ் இன்சைட்டா-வை பெற்றுள்ளது.

Exterior Comparison

Boot Space Comparison

இந்த புதிய ஸ்விஃப்ட் காரின் டேஸ்போர்டு மற்றும் ஸ்டீரியங் வீல் ஆகியவற்றில் ஆழமான கருநீல நிறத்திலான உள்ளீடுகள் உடன் கூடிய முழுமையான கருப்பு நிற கேபின்கள் காணப்படுகின்றன. இதனால் கேபின் மிகவும் ஸ்போர்டியாவும் முன்பு இருந்ததை விட சிறப்பாகவும் உள்ளது. மேலும் மற்ற மாருதி சுஸூகி கார்களில் இருக்கும் பிளாஸ்டிக் தரம் மற்றும் பயன்படுத்தப்பட்டுள்ள பொருட்களை விட, இதில் சிறப்பாக தெரிகிறது. தற்போதைய டேஸ்போர்டு வடிவமைப்பு, டிசையர் காரில் உள்ளதன் நகல் அல்ல என்பதை இங்கே கண்டிப்பாக பதிவிட வேண்டிய ஒரு முக்கியமான காரியம் ஆகும். எடுத்துக்காட்டாக, மத்தியில் உள்ள ஏர்கான் வென்ட்களை குறிப்பிடலாம். ஸ்விஃப்ட் காரில் இது வட்ட வடிவிலும் டிசையர் காரில் சாய்கோண வடிவிலும் அமைந்துள்ளது. ஸ்விஃப்ட் காரில் உள்ள ஏர்கான் கினாப்கள் கூட வட்ட வடிவில் அமைந்து, அதன் தயாரிப்பு உடன் பிறப்பின் அமைப்பில் இருந்து வேறுபடுகிறது.இவற்றை எல்லாம் பெற்று, அதிக பிரிமியம் தோற்றத்தில் அமைந்துள்ளதோடு, சாலையை சிறப்பாக பார்த்து இயக்கவும் பயன்படுகின்றன. இப்படி ஒட்டு மொத்தமாக பார்க்கும் போது, பல்வேறு உள்ளமைப்பு தன்மைகளை டிசையர் காரிடம் இருந்து ஸ்விஃப்ட் பகிர்ந்து கொண்டாலும், தற்போது தனக்கே உரிய தனித்தன்மை உடன் காட்சி அளிக்கிறது.

முன்பக்க சீட்கள் அதிக ஆதரவு அளிப்பவையாகவும் பின்பக்கத்தை சூழ்ந்து வண்ணம், தோள் பகுதிகள் மற்றும் இடுப்பு ஆகியவற்றில் சரியான இடத்தில் குஷன் பெற்றவையாகவும் உள்ளன. ஓட்டுநரின் சீட் உயரத்தை மாற்றி அமைக்கும் வகையில் இருந்தாலும் ஸ்டீரிங்கை நிமிர்த்துவதில் மட்டுமே வாய்ப்பு அளிக்கப்பட்டுள்ளது. தற்போது வெளியீட்டில் உள்ள மாடல் உடன் ஒப்பிடும் போது, இதில் ஒரு டெலிஸ்கோபிக் ஸ்டீயரிங் அளித்திருப்பது புது வரவாக உள்ளது. குறிப்பாக, உயரமான ஓட்டுநர்களின் கால்களை நீட்டி கொள்ள எதுவாக, முன்பக்கத்தில் அதிக கால் இடைவெளி (லெக் ஸ்பேஸ்) அளிக்கப்பட்டிருக்கிறது. முன்பக்க சீட்டில் இருந்து பார்க்கும் போது, காட்சி அமைப்பு கச்சிதமாக உள்ளது. பில்லர்கள் பக்கவாட்டு காட்சிகளை தடுப்பது இல்லை. இதனால் காரை வளைப்பதற்கும், முன்பக்கத்தில் பார்க்கிங் செய்வதற்கும் பெரும்பாலான ஓட்டுநர்களுக்கு சிரமமாக தெரியாது.

முந்தைய தலைமுறையை சேர்ந்த ஸ்விஃப்ட் காரில், முட்டி இடவசதி குறைவு என்பதை ஒரு குறைப்பாடாக இருந்த நிலையில், இந்த புதிய பதிப்பில் அதற்கான தீர்வு காணப்படுகிறது. தற்போதைய புதிய ஹார்ட்டெக் தளத்தின் மூலம் கேபினுக்கு உள்ளே அதிக இடவசதி மற்றும் வீல்பேஸ் 20 மிமீ வரை மேம்படுத்தப்பட்டுள்ளது. தற்போது5’8” உள்ள இரண்டு பெரியவர்கள், தங்கள் முட்டி இடவசதியில் சமரசம் செய்யாமல் வசதியாக பின்பக்கத்தில் அமர்ந்து பயணிக்க முடியும். லோடிங் லிப் அதிக உயரமாக வசதியற்ற முறையில் வைக்கப்பட்டிருந்தாலும், பூட் இடவசதி 58 லிட்டர் வரைஅதிகரிக்கப்பட்டுள்ளது.

இந்த மூன்றாம் தலைமுறையைச் சேர்ந்த மாருதி சுஸூகியில் முன்பக்க இரட்டை ஏர்பேக்குகள், ஏபிஎஸ் மற்றும் இபிடி மற்றும் ஐஎஸ்ஓஎஃப்எக்ஸ் சைல்டு ஆங்கர்கள் ஆகியவை அளிக்கப்பட்டுள்ளன. இதனுடன் பின்பக்க பார்க்கிங் சென்ஸர்கள், ஒரு பின்பக்க கேமரா மற்றும் முன்பக்க ஃபோக் லெம்ப்கள் ஆகியவை அளிக்கப்பட்டுள்ளன. இத்தனை தரமான பாதுகாப்பு சாதனங்களைப் பெற்றிருப்பது இதுவே முதல் முறை ஆகும். ஏனெனில் பாதுகாப்பு என்ற விஷயத்தில், மாருதி சுஸூகி நிறுவனத்தின் இந்திய தயாரிப்பு பெரும் ஏமாற்றத்தை அளிப்பதாக இருந்துள்ளது குறிப்பிடத்தக்கது. குளோபல் என்சிஏபி கிரேஷ் பரிசோதனையில் ஸ்விஃப்ட் காருக்கு 2 ஸ்டார்கள் (5 ஸ்டார்களில்) மட்டுமே கிடைத்துள்ளதால், இந்தியாவிற்கான கார் தயாரிப்பில் வடிவமைப்பில் உள்ள நிலையற்ற தன்மை எளிதில் அறியலாம். ஆனால் ஐரோப்பிய நாடுகளுக்கான தயாரிப்பில் நடத்தப்பட்ட கிரேஷ் பரிசோதனையில் இப்படிப்பட்ட நிலையில் இருக்கவில்லை. கட்டமைப்பு குறித்த கடுமையானபிரச்சனைகள் எழும்பிய நிலையிலும், இந்தியாவில் ஸ்விஃப்ட் கார் விற்பனையாகி வருகிறது.

ஸ்விஃப்ட் கார் தொடர்ந்து அதே என்ஜின்களை கொண்டே இயக்கப்பட்டு, அதே வெளியீட்டை அளிக்க உள்ளது. மேனுவல் டிரான்ஸ்மிஷன் கூட அப்படி தொடரும். இதில் ஒரு புதிய சேர்ப்பாக இருப்பது, 5 ஸ்பீடு ஏஎம்டி தான். அது வி மற்றும் இசட் வகைகளில், பெட்ரோல் மற்றும் டீசல் மூலம் இயங்கும் ஸ்விஃப்ட் கார்களில் காணப்படுகின்றன. இவ்விரு என்ஜின்களும், தங்களுக்கே உரிய சிறப்பான தன்மைகளோடு செயல்பாட்டை தருகின்றன. பெட்ரோல் என்ஜினை பொறுத்த வரை, மென்மையாகவும் அமைதியாகவும் செயல்பாட்டை அளித்து 4 ஆயிரம் ஆர்பிஎம் வரை தருகிறது. டீசல் என்ஜினை பொறுத்த வரை, அதிக டர்கி மற்றும் அதிக எரிபொருள் சேமிப்பை அளித்து, டர்போ மூலம் 2 ஆயிரம் ஆர்பிஎம் வரை ஆற்றலை வெளியிடுகிறது. மேனுவல் ஸ்விஃப்ட், ஒரு இனிமையான கார் பயணத்தை அளிக்கிறது. லேசானகிளெச் மற்றும் குறைந்த இழுவை கியர்பாக்ஸ் பிரச்சனையை மட்டுமே சந்திக்க நேரிடுகிறது. ஆனால் ஏஎம்டி வகையில், அது தான் முக்கியமாக பேசப்படுகிறது.

மாருதி சுஸூகியை பொறுத்த வரை, அது ஏஎம்டி அல்லது ஏஜிஎஸ் என்று எதுவாக இருந்தாலும், கியர்பாக்ஸ் என்று வரும் போது, அது மலை, இறக்கம், சமநிலம், கரடுமுரடு, குண்டும் குழியும் அல்லது ஒரு சீரான எஸ்பிரஸ் பாதை என்று பெரும்பாலான எந்த மாதிரியான டிரைவிங் சூழ்நிலையை நிர்வாக வல்லது. தற்போதைய ஸ்விஃப்ட் காரின் செயல்பாடு வேகமாக உள்ளதோடு, தேவைக்கு ஏற்ற சூழற்சியை எளிதாக புரிந்து கொள்கிறது. வழக்கமான ஏஎம்டி ஹெட்நாட், கியர் மாற்றங்களுக்கு தகுந்தாற் போல ஒத்து இணைக்கப்பட்டுள்ளது. உயர்வில் கியரை அதிகரித்தல் மற்றும் அதன் உயர்ந்த டர்கியூ நேரத்தில் டீசல் என்ஜினில் கியர் குறைத்தல் போன்ற சூழ்நிலைகள் மட்டுமே விதிவிலக்காக அமைகிறது. அதாவது இந்த புதிய ஸ்விஃப்ட் காருக்கு ஏஎம்டி கியர் லீவர், குறுகிய தூரத்திற்கு செல்லும் பயணங்களுக்கு சிறந்த ஒரு தன்மையாக கருதப்படுகிறது என்பதை இங்கு கண்டிப்பாக குறிப்பிட வேண்டிய ஒன்று.

Performance Comparison (Diesel)

Performance Comparison (Petrol)

கையாளுதல் மற்றும் பயணம்

இந்த புதிய ஹார்ட்டெக் தளத்தில் புதிய ஸ்விஃப்ட் தயாரிக்கப்பட்டு இருப்பது சிறப்பானது. ஏனெனில் எப்போதும் இல்லாத முப்படை எண்ணில் அமைந்த வேகத்தில் பயணிக்க முடியும் என்பதோடு வளைவுகளை எடுப்பது எளிதாகிறது. ஸ்விஃப்ட் காரில் சற்று எடை அதிகரிக்கப்பட்டு இருந்தாலும், முந்தைய டீசல் மற்றும் பெட்ரோல் கார்களை விட, ஏதுவாக பயணத்தை அளிக்கிறது. ஸ்டீயரிங்லேசாக அமைந்து, அதிக தொடர்புக்குரிய தன்மைகளை பெற்றிருக்கவில்லை. ஆனால் அது வெற்றிடமாக இருப்பதாக தெரியவில்லை. ஒரு நேர்கோட்டை நோக்கி செல்ல உதவும் உள்ளீடுகளை அதில் காண முடிவதில்லை. எடைக் குறைந்த ஸ்டீயரிங் என்பதால், நகர்புற வேகத்திற்கும் பார்க்கிங் செய்வதற்கும் வசதியாக உள்ளது.

இதில் ஆச்சரியப்படுத்திய ஒரு காரியம் என்னவென்றால், மூன்றாம் தலைமுறையில் கூட அதே சஸ்பென்ஸன் அமைப்பை, மாருதி சுஸூகி நிறுவனம் அளித்துள்ளது. மிகவும் கரடுமுரடான அல்லது மோசமான சாலைகளை தவிர, மற்றப்படி சாலையில் உறுதியாகவும் கட்டுப்பாட்டை கொண்டதாகவும் ஸ்விஃப்ட் கார் பயணிக்கிறது. மிகவும் கரடுமுரடான பாதைகளில் செல்லும் போது, கேபினுக்குள் அதை தெளிவாக உணர முடிகிறது.ஆனால் பயணம் அசவுகரியமானதாக தெரியவில்லை. பேலினோ உடன் அதை ஒப்பிட்டு பார்க்கவும் முடியவில்லை.

மாருதி சுஸூகி ஸ்விஃப்ட் மொத்தம் 10 வகைகளில் அளிக்கப்படுகிறது. அவையாவன: LDi, LDi(O), VDi, VDi(O), ZDi, LXi, LXi(O), VXi, VXi(O) and ZXi.

ஸ்விஃப்ட் காரின்கடந்த 12 ஆண்டுகளில் முதன் முறையாக, மாருதி சுஸுகி நிறுவனத்தின் மூலம் அறிமுகம் செய்யப்பட்ட இதன் உடன்பிறப்பாக கருதப்படும் கச்சிதமான சேடன் மாடலான டிசையர் வைத்து, புதிய ஸ்விஃப்ட் காரில் நாம் எதையெல்லாம் எதிர்பார்க்கலாம் என்ற யூகத்தை நமக்கு அளித்துள்ளது. இந்த ஸ்விஃப்ட் காருக்கு அதன் உண்மையான ஸ்போர்ட்டி தன்மையை அளித்துள்ள மாருதி சுஸூகி நிறுவனம், அதன் ஹேட்ச்பேக் தன்மையை மாற்றி, புதிய பாதையில் விட்டுள்ளது, எதிர்பார்க்காத ஒரு காரியம் ஆகும். இதில் ஒரு கேள்வி என்னவென்றால் – முந்தைய காருக்கு மாற்றாக வரும் இந்த மூன்றாம் தலைமுறையைச் சேர்ந்த ஸ்விஃப்ட், அதை விட சிறப்பாக இருக்குமா?

“இந்த புதிய தலைமுறையைச் சேர்ந்த ஸ்விஃப்ட், சுவாரசியமான தன்மைகளை தன்னகத்தே கொண்டதாகும்.”

தற்போது ஸ்விஃப்ட் இன்னும் நடைமுறைக்கு ஏற்றதாக மாறி உள்ளது. அதன்படி, அதிக இடவசதி, அம்சங்கள் மற்றும் அதிகளவிலான பூட் என்று அமைந்து, ஓட்டுவதற்கு தற்போது கூடுதல் குதூகலத்தை அளிப்பதாக உள்ளது. துவக்க வகைகளில், அளிக்கும் பணத்திற்கு ஏற்ற பிரிமியம் அனுபவம் அளிக்கப்படுவது இல்லை. ஆனால் ஒட்டுமொத்தமாக பார்க்கும் போது, ஸ்விஃப்ட் 2018, முன்னே இருந்த அதே சிறப்புத் தன்மை மற்றும் குதூகலத்தை தொடர்வதாக உள்ளது. இன்னும் சில அம்சங்கள் அதில் சேர்ந்துள்ளன.