ஹூண்டாய் வெர்னா 2017-2020

நவீன புதுப்பிப்பு: வெர்னா காரின் புதிய இரு வகைகளை ஹூண்டாய் நிறுவனம் அறிமுகம் செய்துள்ளது. அவையாவன: SX+ AT பெட்ரோல் மற்றும்SX(O) AT டீசல். இவை இரண்டிலும் ஒரு ஆட்டோமேட்டிக் கியர்பாக்ஸ் வசதியும் அளிக்கப்பட்டுள்ளது.இது தவிர, இந்த வரிசையில் ஒரு 1.4 லிட்டர் டீசல் என்ஜினும் கார் தயாரிப்பு நிறுவனம் மூலம் சேர்க்கப்பட்டுள்ளது. இது குறித்து கூடுதல் விவரங்களை இங்கு காணலாம்.

ஹூண்டாய் வெர்னா வகைகள் மற்றும் விலை நிலவரம்: இந்த ஹூண்டாய் வெர்னா கார், E, EX, SX, SX+ மற்றும்SX(O) என மொத்தம் ஐந்து வகைகளில் கிடைக்கிறது. இதில் துவக்க வகையானE, ஒரு பெட்ரோல் என்ஜின் உடன் அமைந்து 7.92 லட்சம் ரூபாய்க்கு கிடைக்கிறது. அதே நேரத்தில், இதற்கு நிகரான டீசல் வகை 9.29 லட்சம் ரூபாய் நிர்ணயத்தில் டீசல் என்ஜின் உடன் கிடைக்கிறது. இதில் உயர் தர வகையானSX(O) காரின் பெட்ரோல் பதிப்பிற்கு 12.68 லட்சம் ரூபாய் எனவும், டீசல் பதிப்பிற்கு 13.99 லட்சம் ரூபாய் எனவும் விலை நிர்ணயிக்கப்பட்டுள்ளது.

வெர்னா காரின் சிறப்பான ஆண்டுவிழா பதிப்பு ஒன்றையும், ஹூண்டாய் நிறுவனம் அளிக்கிறது.நிர்ணயிக்கப்பட்ட அளவில் வெளியிடப்பட்ட இந்த மாடலில், ஒரு புதிய நிறம், கூடுதல் அம்சங்கள் மற்றும் சிறப்பான கூடுதல் அழகியல் உதிரிபாகங்கள் ஆகியவை அளிக்கப்படுகின்றன. இது குறித்து கூடுதல் விவரங்களை இங்கு காண்போம்.

ஹூண்டாய் வெர்னா என்ஜின்: இந்த ஹூண்டாய் வெர்னா கார் மொத்தம் நான்கு என்ஜின் தேர்வுகளில் அளிக்கப்படுகிறது. அவையாவன: 1.4 லிட்டர் பெட்ரோல், 1.4 லிட்டர் டீசல், 1.6 லிட்டர் பெட்ரோல் மற்றும் 1.6 லிட்டர் டீசல். இதில் 1.4 லிட்டர் பெட்ரோல் என்ஜின் மூலம்100PS/132Nm ஆற்றலும், 1.6 லிட்டர் பெட்ரோல்என்ஜின் மூலம்123PS/151Nm ஆற்றலும் வெளியிடப்படுகிறது. 1.4 லிட்டர் மற்றும் 1.6 லிட்டர் டீசல் என்ஜின்களை பொறுத்த வரை, முறையே90PS/220Nm மற்றும்128PS/259Nm என்ற அளவில் அமைந்துள்ளன. மேற்கண்ட இரு 1.6 லிட்டர் என்ஜின்களிலும், ஒரு 6 ஸ்பீடு மேனுவல் அல்லது 6 ஸ்பீடு ஆட்டோமெட்டிக் கியர்பாக்ஸ் தேர்வு அளிக்கப்பட்டுள்ளது. அதே நேரத்தில், 1.4 லிட்டர் என்ஜின்களில் ஒரு 6 ஸ்பீடு மேனுவல் டிரான்ஸ்மிஷன் மட்டுமே அளிக்கப்படுகிறது.

ஹூண்டாய் வெர்னா காரில் உள்ள அம்சங்கள்: இந்த காரில் உள்ள அம்சங்களைப் பொறுத்த வரை,LED டேடைம் ரன்னிங் லைட்கள்(DRL-கள்) உடன் கூடிய ஆட்டோமேட்டிக் பிராஜெக்டர் ஹெட்லெம்ப்கள், எலக்ட்ரிக் சன்ரூஃப், ஆட்டோமெட்டிக் கிளைமெட் கன்ட்ரோல், ஆப்பிள் கார் ப்ளே, ஆண்ட்ராய்டு ஆட்டோ மற்றும் மிரர் லிங்க் ஆகியவை கொண்ட 7 இன்ச் டச் ஸ்கிரீன் இன்ஃபோடெயின்மெண்ட் அமைப்பு, காற்றோட்டம் கொண்ட முன்பக்க சீட்கள், பின்பக்க பார்க்கிங் கேமரா உடன் சென்ஸர்கள் மற்றும் டைனாமிக் வழிகாட்டிகள் மற்றும் க்ரூஸ் கன்ட்ரோல் உள்ளிட்டவை இடம் பெற்றுள்ளன.

இந்த காரில் பாதுகாப்பு அம்சங்களைப் பொறுத்த வரை, இரட்டை முன்பக்க ஏர்பேக்குகள்,ABS, முன்பக்க சீட் பெல்ட்கள் உடன் கூடிய ப்ரீடென்ஸர்கள் மற்றும் ஐசோபிக்ஸ் சைல்டு சீட் ஆங்கர்கள் ஆகியவை எல்லா வகைகளுக்கும் பொதுவாக அளிக்கப்பட்டுள்ளது. அதே நேரத்தில், பொதுவாக அளிக்கப்பட்டுள்ளதை தவிர, உயர் தர வகையில் கூடுதலாக நான்கு ஏர்பேக்குகள் அளிக்கப்பட்டுள்ளன.

ஹூண்டாய் வெர்னா போட்டியாளர்கள்: ஹோண்டா சிட்டி, மாருதி சுஸுகி சியஸ், டொயோட்டா யாரீஸ், வோல்க்ஸ்வேகன் வென்டோ மற்றும் ஸ்கோடா ரேபிட் ஆகிய கார்களுடன் இந்த வெர்னா போட்டியிடுகிறது.