வின்ஃபாஸ்ட் இந்திய சந்தையில் நுழைய திட்டமிட்டுள்ளது, அதன் பிராண்ட் மற்றும் கார்களை அறிந்து கொள்ளுங்கள்

வியட்நாமிய உற்பத்தியாளரிடம் பல மின்சார எஸ்யூவி -கள் உள்ளன, அவற்றில் நான்கு இந்தியாவில் அறிமுகப்படுத்தப்படலாம்

இந்தியாவில் வளர்ந்து வரும் மின்சார வாகனங்களின் சந்தையில், மற்றொரு கார் தயாரிப்பு நிறுவனம் அதில் நுழைய திட்டமிட்டுள்ளது. வியட்நாமின் டெஸ்லா -வை போலவே உள்ள இவி தயாரிப்பாரான வின்ஃபாஸ்ட், நம் நாட்டில் தனது செயல்பாடுகளைத் தொடங்க திட்டமிட்டுள்ளது. சமீபத்திய அறிக்கைகளின்படி, இந்த பிராண்டின் பார்வை சென்னையில் உள்ள ஃபோர்டு உற்பத்தி ஆலையின் மீது விழுந்துள்ளது. எனவே அந்த பிராண்ட் மற்றும் அதன் கார்களை பற்றி இங்கே பார்க்கலாம்.

• இந்தியாவில் மின்சார கார்கள்

வின்ஃபாஸ்ட் நிறுவனத்தை பற்றிய அறிமுகம் ?

வின்ஃபாஸ்ட் என்பது வியட்நாமிய பிராண்ட் ஆகும், இது இந்தத் துறையில் புதியதாக நுழைந்துள்ளது. இந்த கார் தயாரிப்பு நிறுவனம் 2017 -ல் வியட்நாமில் தனது செயல்பாடுகளைத் தொடங்கியது மற்றும் அந்த நாட்டிலுள்ள உலகளவில் விரிவடையும் ஒரே கார் தயாரிப்பு நிறுவனமாகும். இந்த நிறுவனம் வியட்நாமில் சில மின்சார ஸ்கூட்டர்களுடன் பிஎம்டபிள்யூ  கார்களை அடிப்படையாகக் கொண்ட மாடல்களை விற்பனை செய்வதன் மூலம் தொடங்கியது மற்றும் வெகு விரைவில் சொந்தமாக மின்சார கார்களை உருவாக்கத் தொடங்கியது.

இதையும் படியுங்கள்: மாருதி சுசுகி eVX எலக்ட்ரிக் எஸ்யூவி கான்செப்ட்டின் உட்புறம் வெளியிடப்பட்டது 

2021 ஆம் ஆண்டில், வின்ஃபாஸ்ட் வியட்நாமில் மூன்று மின்சார கார்கள், இரண்டு புதிய மின்சார ஸ்கூட்டர்கள் மற்றும் ஒரு மின்சார பஸ் ஆகியவற்றை அறிமுகப்படுத்தியது. மூன்று கார்களில், இரண்டு கார்கள் உலகளாவிய சந்தைகளுக்கானவை, மேலும் 2022 ஆண்டில், இந்த பிராண்ட் நிறுவனம் அமெரிக்கா, ஐரோப்பா மற்றும் கனடாவில் தனது ஷோரூம்களை அமைத்தது. இப்போது, ​​இந்தியாவில் காணப்படும் இவி -களின் வளர்ச்சியுடன், வின்ஃபாஸ்ட் ஒரு முக்கிய நிறுவனமாக நாட்டிற்குள் நுழைய திட்டமிட்டுள்ளது.

எதிர்பார்க்கப்படும் மாடல்கள்

வின்ஃபாஸ்ட் இந்தியாவில் மாடல்களை முழுமையாக கட்டமைக்கப்பட்ட வாகனங்கள் கொண்டு வரத் தொடங்கலாம் மற்றும் கார் தயாரிப்பாளர் நாட்டில் ஒரு வசதியை ஏற்படுத்தியவுடன், அதன் கார்களை சிகேடி (உள்நாட்டில் அசெம்பிள் செய்யப்படுவது) யூனிட்களாக கொண்டு வரப்படலாம். வின்ஃபாஸ்ட் இந்தியாவில் அறிமுகப்படுத்தலாம் என எதிர்பார்க்கப்படும் சில கார்கள் இங்கே.

வின்ஃபாஸ்ட் VF7:பிராண்ட் இந்தியாவிற்குள் நுழைந்தவுடன் VF7 -ஐ சிபியு காராக இந்தியாவிற்கு கொண்டு வரலாம். இந்த எலெக்ட்ரிக் எஸ்யூவி ஆனது 73.5kWh பேட்டரி பேக்கை பெறுகிறது, WLTP உரிமை கோரப்பட்ட வரம்பு 450 கிமீ வரை இருக்கும். இந்திய சந்தையில் இதன் விலை ரூ.50 லட்சம் (எக்ஸ்-ஷோரூம்) முதல் இருக்கும் என எதிர்பார்க்கப்படுகிறது.

வின்ஃபாஸ்ட் VF8: வின்ஃபாஸ்ட் வழங்கும் மற்றொரு முழுமையாக கட்டமைக்கப்பட்ட வாகனம் (சிபியு)  ஆனது VF8 ஆக இருக்கலாம். இந்த கூபே-எஸ்யூவி வாகனம் VF7 -ஐ விட பெரியது மற்றும் டூயல் மோட்டார் அமைப்புடன் 87.7kWh பேட்டரி பேக்கை பெறுகிறது. இது 425 கிமீ வரை WLTP உரிமை கோரப்பட்ட ரேன்ஜை பெறுகிறது மற்றும் இதன் விலை ரூ. 60 லட்சம் (எக்ஸ்-ஷோரூம்) முதல் இருக்கலாம்.

• உங்களுக்கு அருகிலுள்ள சார்ஜிங் நிலையங்கள்

வின்ஃபாஸ்ட் VFe34: கார் தயாரிப்பாளர் அதன் உற்பத்தி வசதியை அமைக்கும் போது வின்ஃபாஸ்ட்யிலிருந்து மிகவும் மலிவான மின்சார எஸ்யூவியை இந்தியாவில் அறிமுகப்படுத்தப்படலாம். அதன் உள்நாட்டுச் சந்தையில், இது 41.9kWh பேட்டரி பேக்கை பெறுகிறது மற்றும் 319 கி.மீ ரேன்ஜ் -ஐ கொண்டுள்ளது. VFe34 கார் இந்தியாவில், ரூ. 25 லட்சம் (எக்ஸ்-ஷோரூம்) முதல் விலை நிர்ணயம் செய்யப்படலாம்.

வின்ஃபாஸ்ட் VF6: வின்ஃபாஸ்ட் வி VF6 என்பது 59.6kWh பேட்டரி பேக்கை பெறும் கிரெட்டா -அளவிலான மின்சார எஸ்யூவி ஆகும். மின்சார எஸ்யூவி WLTP-யால் சான்றளிக்கப்பட்ட 400 கிமீ வரம்பைக் கொண்டிருக்கும் மற்றும் BYD அட்டோ 3  போன்றவைகளுக்கு போட்டியாக ரூ. 35 லட்சத்திலிருந்து (எக்ஸ்-ஷோரூம்) விலை நிர்ணயம் செய்யப்படலாம்.

இந்தியாவுக்கான திட்டம்

வின்ஃபாஸ்ட் இந்தியாவில் அதன் செயல்பாடுகளை எப்போது தொடங்கும் என்ற தெளிவான தேதி எதுவும் தற்போது தெரியவில்லை, ஆனால் அடுத்த ஆண்டு இந்தியாவில் இந்த பிராண்ட் நுழையும் என்று எதிர்பார்க்கிறோம். அதன் செயல்பாடுகளின் தொடக்கத்துடன், வின்ஃபாஸ்ட் நம் நாட்டிற்கான முதல் கார் 2025 ஆண்டில் அறிமுகப்படுத்தப்படலாம்.