செவர்லே செயில்

` 6.0 - 8.8 Lac*

பிராண்ட் : மாதிரி மாதிரிகள் மற்றும் விலை

பட்டியல் - கீழ்நோக்குக

விளம்பரம்

Other Car Models of செவர்லே

 
*Rs

பிராண்ட் : மாதிரி வீடியோக்கள்

நாங்கள் எங்கள் கைப்பட யூட்யூப்பில் இருந்து சிறந்த வீடியோகளை எடுத்து வைத்திருக்கின்றோம் வலை - அனைத்தையும் பார்க்க

விமர்சனம் :பிராண்ட் :மாதிரி

 

சிறப்பம்சங்கள்:


டிசம்பர் 5, 2014: டிசம்பர் மாதத்தில், செவ்ரோலே, தம்முடைய சமீபத்தில் புதுப்பிக்கப்பட்ட, செய்ல் வரிசை (ஹாட்ச்பேக் மற்றும் செடான்) வண்டிகளின் மேல், ரூ. 55,000 வரையிலான சலுகைகளை வழங்குகிறது. இச்சலுகைகளுக்கு மேலும் செறிவூட்டும் வகையில், 1.3 லிட்டர் ஸ்மார்டெக் டர்போ சார்ஜ் செய்த டீசல் என்ஜின் மற்றும் உள்நாட்டில் உருவாக்கப்பட்ட 1.2 லிட்டர் ஸ்மார்டெக் பெட்ரோல் என்ஜின் ஆகியவை அமைந்துள்ளன. டீசல் என்ஜின், 4000 ஆர்பிஎம்மினால் அதிகபட்சமாக 74 பிஎச்பி ஆற்றலையும், 1750 ஆர்பிஎம்மினால் உருவாக்கப்பட்ட 190என்.எம் உச்ச முறுக்குத்திரனையும் வழங்குகிறது. அதேபோல் பெட்ரோல் மில் 6000 ஆர்பிஎம்மினால் அதிகபட்சமான 82 பிஎச்பி ஆற்றலையும் 5000 ஆர்பிஎம்மினால் 108.5 என்.எம் உச்ச முறுக்குத்திரனையும் வழங்குகிறது.

மேலோட்டம்:


தன்னிகரில்லா செயல்பாட்டுடன், வசதியையும் வழங்குவதில் இந்த நிறுவனம் பெயர் பெற்றது. இந்நிறுவனத்தின் அத்தகைய படைப்புகளில் ஒன்றே, டீசல் மற்றும் பெட்ரோல் வடிவங்களில் வந்திருக்கும் செவ்ரோலே செய்ல் செடான். ப்ரேக் பிடிக்கும் திறனுடன் கூடிய பல அம்சங்களின் அடிப்படையில், இவ்வாகனத்தில் நிறைய வடிவங்கள் உள்ளன. இவற்றின் உயர் தரவரிசையில் உள்ள இரண்டு வடிவங்களிலும், ஆண்டி லாக் பிரேக்கிங் சிஸ்டம் மற்றும் மின்னணு பிரேக் விசை விநியோகமும் இணைந்துள்ளன. இந்த இயக்க அமைப்பின் காரணமாக, வாகனத்தின் மேல் சிறந்த கட்டுப்பாடும் உயர்ந்த சாலை பிடிமானமும் கிடைக்கிறது. இந்த அம்சங்களைத் தவிர, திருட்டுக்கு எதிரான இஞ்சின் இம்மொபிலைசர், இரட்டிப்பு செயல்தாக்கம் ஏற்படுத்த இரட்டை ஹாரன், மோதலிலிருந்து பாதுகாக்க இருக்கை பெல்டுகள் மற்றும் காற்றுப்பைகள் ஆகிய அம்சங்களும் கூட வழங்கப்படுகின்றன. மேலும், இவ்வாகனங்களின் கட்டுமானம், அச்சுறுத்தல்களிக்கு எதிராக சக்திவாய்ந்த பாதுகாப்பு வழங்கும் வகையிலான கூண்டு போன்ற உடலமைப்பின் அடிப்படையில் வடிவமைக்கப்பட்டுள்ளது. கருப்பு மற்றும் பழுப்பு நிறங்களில் அலங்கரிக்கப்பட்ட இரட்டை நிற உட்புற வடிவமைப்பு, வாகனத்திற்கு ஒரு நவநாகரிக பன்முகத்தன்மையை அளிக்கிறது. மூன்ற ஸ்போக்குகள் கொண்ட ஸ்டியரிங் வீலின் மேல் பொருத்தப்பட்டுள்ள தங்க போ டை, க்ரோம் துண்டு மட்டும் உலோகப்பூச்சு கொண்ட மத்திய கட்டுப்பட்டு பெஸல் கேபினுக்கு மேலும் மெருகேற்றுகிறது. முழு அறையும் க்ரோம் பூச்சினால் அலங்கரிக்கப்பட்டுள்ளது. கதவின் உட்புற கைப்பிடிகளில் தொடங்கி, பார்கிங் பிரேக் பட்டன், எச்விஏசி கண்ட்ரோல் மேலுள்ள வளையம் மற்றும் ஏசி கட்டுப்பாட்டு பெஸல் வரை எல்லாமே க்ரோம் பூச்சால் அலங்கரிக்கப்பட்டுள்ளன. இது ஒட்டுமொத்த உட்புறத் தோற்றத்தையும் பிரகாசிக்கச் செய்கிறது. முன் இருக்கைகளின் பின்புறம் பொருத்தப்பட்டுள்ள பைகள், கதவுகளில் பொருத்தப்பட்டுள்ள மேப் பாக்கெட்டுகள் மற்றும் முன்புற கன்சோலில் கப் ஹோல்டருடன் கூடிய அதிக கொள்ளளவு உள்ள கிளவ் பாக்ஸ் என நிறைய பொருள் சேமிக்கும் வசதியும் வழங்கப்பட்டிருக்கிறது. இருக்கைகள் வசதியாகவும், குறைந்த தரவரிசை வாகனங்களில் துணியாலும் மற்றும் உயர் தரவரிசை வாகனத்தில் தோலாலும் இருக்கை உறைகள் தைக்கப்பட்டுள்ளன. திறமையான என்ஜின் உள்ள இவ்விரண்டு வடிவங்களிலும், பெட்ரோல் வாகனம், செடான்களுக்கு மிக நல்லது எனக் கருதப்படும் அளவிலான லிட்டருக்கு 18.2 கிமீ மைலேஜும், டீசல் வகை வாகனம், லிட்டருக்கு 22.1கிமீ வரையிலான மைலேஜும் தருகின்றன. மேலும், வாகனத்தில் பயணம் செய்பவரின் வசதியையும் கருத்தில் கொண்டு பல சிறப்பம்சங்களையும் உள்ளடக்கி உள்ளனர். கேபினில் பின்பகுதியில் பயணம் செய்பவரின் வசதிக்காக, கப் ஹோல்டர்களுடன் கூடிய ஆர்ம்ரெஸ்டுகளும், பின்கதவுகளில் பவர் சாளரங்களும் அமையப்பெற்றுள்ளன. ஓட்டுனரின் சௌகரியத்திற்காக சீராக்கத்தக்க சாய்மானம் கொண்ட ஸ்டியரிங் வீலுடன் கூடிய பவர் ஸ்டியரிங் பொருத்தப்பட்டுள்ளது. மின்னியல் அனுசரிப்பு வெளிக்கண்ணாடிகள், உள்ளிருந்து ரிமோட் மூலம் எரிபொருள் நிரப்பும் வசதி, மற்றும் டேயில்கேட் திறக்கும் வசதி ஓட்டுனருக்கு மேலும் வசதியூட்டுகின்றன. எல்லா வாகன வகைகளிலும், எந்த வகை பிளேயரையும் பயன்படுத்த உதவும் ஆடியோ சிஸ்டம் உள்ளது. AM மற்றும் FM செயல்பாடுகளை கொண்ட ஒரு ரேடியோ ட்யூனருடன் இணைந்து சிடி மற்றும் எம்பி 3 பிளேயர் என்று கொண்ட ஒரு 2-டின் மியூசிக் சிஸ்டம் உள்ளது. Aux-in மற்றும் USB போர்டுடன் ப்ளூடூத் இணைப்பும் உள்ளதால் மொபைல் ஹேண்ட்ஸ்ஃப்ரீ அழைப்பு மற்றும் இசை ஸ்ட்ரீமிங் செயல்திறனும் கிடைக்கிறது. கூடுதலாக, ஐந்து தொலைபேசி இணைப்பு, தன்னிச்சையாக மறுஇணைப்பு, தொலைபேசி அழைப்பை ஏற்கவும், முடிக்கவும், அழைப்பவரின் காலர் ஐடி பார்த்து அழைப்பை நிராகரிக்கவும் வசதிகள் உள்ளன. இந்த வாகன வரிசையின் வெளித் தோற்றமும் அமைப்பும் பல பயன்பாடுகளை உள்ளடக்கி வடிவமைக்கப்பட்டுள்ளது. இவ்வரிசையின் எல்லா வாகன வகைகளிலும், வாகனத்தின் நிறத்திலேயே முன்புற மற்றும் பின்புற பம்பர்கள் பொருத்தப்பட்டுள்ளன. பறக்கும் நட்சத்திரம் போல் அமைந்த பனிமூட்ட விளக்குகளும், பருந்து இறக்கை போல் வடிவமைக்கப்பட்ட தலைவிலக்குகளும் தோற்றத்திற்கு தனிச்சிறப்பு சேர்க்கிறது. இரட்டை போர்ட் கொண்ட பரந்த கிரில்லின் மேல் தங்கப் பூச்சு கொண்டு போ டை வடிவமைக்கப்பட்டுள்ளது. உயர் தரவரிசை வாகனங்களில் அல்லாய் சக்கரங்களும், குறைந்த தரவரிசை வாகனங்களில் ஸ்டீல் சக்கரங்களும் பொருத்தப்பட்டு பக்கவாட்டிலும் நாகரிகமான தோற்றத்துடன் விளங்குகிறது. நிறுவனம், மூன்று வருடம் அல்லது 1,௦௦,௦௦௦ கிமீ இவற்றில் எது குறைந்ததோ அதுவரை வாரண்டி அளிக்கிறது. மேலும், நாடு முழுவதும் போதுமான எளிதில் அடையக்கூடிய இடங்களில் சர்வீஸ் மையங்களும், நல்ல நம்பிக்கையான விற்பனைக்குப் பிந்தைய சர்வீஸும் வழங்குகிறது.

மைலேஜ் மற்றும் எரிபொருள் சிக்கனம்:


பெட்ரோல் வகை வாகனத்தில் உள்ள 1.2 லிட்டர் எஞ்சின் பன்முனை எரிபொருள் இன்ஜெக்ஷன் சப்ளை முறையை அடிப்படையாகக் கொண்டு வடிவமைக்கப்பட்டுள்ளது. இது நகரங்களில் லிட்டருக்கு 15 கிமீயும், நெடுஞ்சாலைகளில் லிட்டருக்கு 18.2 கிமீயும் எரிபொருள் சிக்கனத்தை வழங்குகிறது. மறுபுறம், இதன் டீசல் வடிவத்தில், 1.3 லிட்டர் என்ஜின் சாதாரண ரெயில் நேரடி இன்ஜெக்ஷன் எரிபொருள் சப்ளை முறையின் அடிப்படையில் அமைக்கப்பட்டுள்ளது. இதனால் நகரங்களில் லிட்டருக்கு 18.9 கிமீயும், நெடுஞ்சாலைகளில் லிட்டருக்கு 22.1 கிமீயும் எரிபொருள் சிக்கனத்தை வழங்குகிறது.

ஆற்றல்:


நான்கு சிலிண்டர்களும் பதினாறு வால்வுகளும் உடைய பெட்ரோல் என்ஜின் இரட்டை மேல்நிலை கேம்ஷாஃப்ட் வால்வு சிஸ்டத்தின் அடிப்படையில் வடிவமைக்கப்பட்டுள்ளது. இதனால் 6000 ஆர்பிஎம்மில் அதிகபட்சமான 82 பிஎச்பி ஆற்றலை வழங்கும் திறனும், 5000 ஆர்பிஎம்மில் 108.5என்.எம் உச்ச முறுக்குத்திறனை உற்பத்தி செய்யும் திறனும் கொண்டுள்ளது. அதே சமயம் டீசல் என்ஜின், 4000 ஆர்பிஎம்மில் அதிகபட்சமாக 74பிஎச்பி ஆற்றலை உருவாக்கும் திறனும், 1750 ஆர்பிஎம்மில் 190என்.எம் உச்ச முறுக்குத்திறனை உற்பத்தி செய்யும் ஆற்றலைக் கொண்டுள்ளது.

அக்ஸலரேஷன் மற்றும் பிக்கப்:


பெட்ரோல் என்ஜின், ஐந்து நிலை வேகக் கைமுறை டிரான்ஸ்மிஷனுடன் வடிவமைக்கப்பட்டுள்ளது. இதனால் 12.9 நொடிகளில் மணிக்கு 1௦௦ கிமீ வேகத்தை எட்டமுடியும். அதிகபட்சமாக மணிக்கு 145 முதல் 150 கிமீ வேகத்தை எட்டமுடியும். இது மிக நல்ல செயல்பாடு. டீசல் எஞ்சினும் அதிகபட்சமாக மணிக்கு 15௦ முதல் 155 கிமீ வேகத்தை எட்ட முடியும். மேலும், 11.9 நொடிகளில் மணிக்கு 1௦௦ கிமீ வேகத்தை அடைய முடியும்.

வெளிப்புறங்கள்:


இந்த செடானின் தரவரிசை மிகுந்த கவனத்துடன் வடிவமைக்கப்பட்டுள்ளது. இதை அவற்றின் வெளிப்புரத்தோற்றத்தில் உள்ள நுணுக்கங்களில் இருந்து அறியலாம். இத்தகைய அழகுக்காக இவ்வாகனங்கள் மிகவும் பாராட்டப்படுகின்றன. இதுவே மற்ற போட்டி செடான் வகை வாகனங்களில் இருந்து இவற்றை வேறுபடுத்தி, உயர்த்திக் காண்பிக்கிறது. வெளிப்புற பகுதிகள் க்ரோம் பூசப்பட்டிருப்பதால் பிரகாசாமாகத் தெரிகின்றன. மேலும் க்ரோம் சுற்றுப்பூச்சுள்ள கருப்பு மெஷும் இணைக்கப்பட்டுள்ளது. அதன் மேல் கம்பெனியின் கையெழுத்து பொருந்திய பேட்ஜ் பதிக்கப்பட்டிருக்கிறது. இதன் முன்புரத்தொற்றம் தங்க முலாம் பூசப்பட்டு தகதகவென மின்னுகிறது. கிரில்லின் இரண்டு பக்கத்திலும் பருந்து இறக்கை போல் வடிவமைக்கப்பட்ட தலைவிலக்குகளின் தொகுதி அமைக்கப்பட்டுள்ளது. இத்தொகுதிகளில் அதிக ஒளிச்செரிவுள்ள விளக்குகளும், திருப்பத்தை உணர்த்தும் இன்டிகேட்டர்களும் உள்ளன. முன்னால் உள்ள பம்பர் வாகனத்தின் நிறத்திலேயே இருப்பதால் மற்ற அம்சங்களுக்கு மேலும் அழகு சேர்க்கிறது. காற்றோட்டத்தை தரும் பறந்த ஏர் டேம் இணைக்கப்பட்டுள்ளதால் என்ஜினை குளிர்விப்பதற்கு உதவியாக இருக்கிறது. உயர் தரவரிசை வாகனங்களில், பனிமூட்ட விளக்குகள் இந்த ஏர் டேமின் அடியில் பொருத்தப்பட்டுள்ளன. அவற்றை சுற்றியும் க்ரோம் பூச்சு பூசப்பட்டு நாகரிகமாக காட்சி தருகிறது. முன்புறம் உள்ள விண்ட்ஷீல்ட் லேமினேட் செய்யப்பட்டு சரியான இடைவெளியில் வைப்பர்களும் பொருத்தப்பட்டுள்ளன. நிறைய அலங்காரங்கள் செய்யப்பட்டுள்ளதால் பக்கவாட்டு பகுதியும் பார்க்க அற்புதமாக உள்ளது. முதலில், நவநாகரிகமான முழுமையாக மூடப்பட்ட பேஸ் ட்ரிம் கொண்ட ஸ்டீல் சக்கரங்கள் கவனத்தை ஈர்க்கின்றன. அதேசமயம், உயர் தரவரிசையில், 12 ஸ்போக்குகள் உள்ள ஸ்டைலான அல்லாய் சக்கரங்கள் பொருத்தப்பட்டுள்ளன. மேலும் இந்த ரிம்கள் உயர்தர ரேடியல் டியூபில்லா டயர்கள் பொருத்தப்பட்டுள்ளன. இவை எப்படிப்பட்ட சாலைப் பயணத்தையும் தாக்குப்பிடிக்கும். தோற்றத்தை மேலும் நளினமாக்க, வெளிப்புற கதவுக் கைப்பிடியும், பின்புறம் காணும் கண்ணாடியும் வாகனத்தின் நிறத்திலேயே பெயிண்ட் பூசப்பட்டு உள்ளன. இந்த வெளிப்புறக் கண்ணாடிகளிலும் பக்கவாட்டில் திரும்புவதை உணர்த்தும் இன்டிகேட்டர்கள் பொருத்தப்பட்டுள்ளன. இந்த அம்சம் உயர் தரவரிசையிலேயே வழங்கப்பட்டுள்ளது. வாகனத்தின் பின்புறத்தோற்றமும் தன் பங்கிற்கு மற்ற செடான் வகை வாகனங்களிலிருந்து தனித்து நிற்கிறது.பம்பரின் இரு புறத்திலும் பொருத்தப்பட்டுள்ள டெயில் லைட் தொகுதிகள் ஒரு நவ நாகரிக தோற்றத்தைத் தருகிறது. இந்த பம்பரும் வாகன நிறத்திலேயே பெயிண்ட் பூசப்பட்டு மேலும் மெருகூட்டுகிறது. டிக்கி மூடியில் க்ரோம் நிறத்தில் சில நேர்கோடுகள் தீட்டப்பட்டு, அதன் மேல் தரவரிசையின் பேட்ஜூம் பதிக்கப்பட்டுள்ளது. வின்டஸ்க்ரீனில் பனிமூட்ட விலக்கு கருவியும் உயரத்தில் பதிக்கப்பட்ட நிறுத்த விளக்கும் பாதுகாப்பு கருதி பொருத்தப்பட்டுள்ளன. மேற்கூரையில் ஆண்டெனா பொருத்தப்பட்டு கேபினின் உள்ளே உள்ள ரேடியோ யூனிட்டுடன் இணைக்கப்பட்டுள்ளது. இது பார்ப்பதற்கும் அழகாக உள்ளது.

வெளிப்புற அளவீடுகள்:


இந்த முழு தரவரிசையும், பெரிதாகவும், அதிக இட வசதியுடனும், ஐந்து பேர் வசதியாக பயணிக்கும் வகையிலும் வடிவமைக்கப்பட்டுள்ளது. இவை 4249mm ஒட்டுமொத்த நீளமும் மற்றும் 1690mm மொத்தம் அகலமும் கொண்டவை. 1503mm உயரமும், பெட்ரோல் வகையில் 174mm கிரவுண்ட் கிளியரன்சும் டீசல் வகையில் 168mm கிரவுண்ட் கிளியரன்சும் கொண்டு தனித்து நிற்கிறது. மேலும் 2465mm அளவுள்ள பெரிய வீல்பேஸும் கொண்டுள்ளது.

உட்புறங்கள்:


பார்ப்பதற்கு அழகாக மட்டுமல்லாமல் பயணிப்பவற்கு வசதி தரும் வகையிலும் வாகனத்தின் உள்ளே நிறைய அம்சங்கள் அமையப்பெற்றுள்ளன. குறிப்பாக ஓட்டுனரின் வசதிக்காக நிறைய அம்சங்கள் உள்ளன. உட்புறம் முழுவதும் கருப்பு மற்றும் பழுப்பு நிறங்களில் அலங்கரிக்கப்பட்ட இரட்டை நிற உட்புற வடிவமைக்கப்பட்டுள்ளதால் நவநாகரிகமாக காட்சி தருகிறது. மேலும் நிறைய க்ரோம் அலங்காரங்கள் மெருகேற்றுகின்றன. கருப்பு நிற ஸ்டியரிங் வீலில் தங்க முலாம் பூசிய கம்பெனி லோகோவின் பேட்ஜ் பதிக்கப்பட்டுள்ளது. இருக்கைகள் மெத்துமெத்தேன்றும் கண்கவரும் விதத்திலும் அமைக்கப்பட்டுள்ளன. அடிப்படை மற்றும் மத்திய தரவரிசை வாகனங்களில் துணியாலான இருக்கை உறைகள் தரப்பட்டுள்ளன. அதே போல் உயர் தரவரிசையில் தோலால் செய்த இருக்கை உறைகள் தரப்பட்டுள்ளன. பயணிப்பவர் அனைவருக்கும் பெரும் வசதியாக உள்ள வகையில் இருக்கைகள் வடிவமைக்கப்பட்டுள்ளன. டேஷ்போர்டு கீறல்கள் விழாத நல்ல தரமான பிளாஸ்டிக்கில் செய்யப்பட்டுள்ளது. இதில் ஒரு ஆடியோ சிஸ்டமும், கட்டுப்பாட்டு பேனலும் கூட இணைக்கப்பட்டுள்ளன. அதிக கொள்ளளவு உள்ள கிளவ் பாக்ஸ் ஒன்றும் நிறைய பொருள் சேமிக்கும் வசதிக்காக வழங்கப்பட்டிருக்கிறது. கட்டுப்பாடுகளின் தொகுதியும் ஓட்டுனருக்கு பலவித எச்சரிக்கைகளும் அறிவிப்புகளும் வழங்கும் விதத்தில் அமைந்துள்ளது. இத்தொகுதியில், ஒரு டிஜிட்டல் கடிகாரம், குறைந்த எரிபொருள் எச்சரிக்கை விளக்கு, ஒரு ட்ரிப் மீட்டர் மற்றும் சராசரி எரிபொருள் பயன்பாட்டு அளவுகாட்டி ஆகியவை உள்ளன. உயர் தரவரிசையில் மேலும் பாதுகாப்பு மற்றும் உதவி வழங்கும் வகையில் கதவு திறந்திருப்பதை உணர்த்தும் எச்சரிக்கையும், ஓட்டுனர் இருக்கை பெல்ட் எச்சரிக்கையும் இணைக்கப்பட்டுள்ளன. சன்வைஸர்களில் ஓட்டுனருக்கும், துணை ஓட்டுனருக்கும் முகம்பார்க்கும் கண்ணாடிகள் பொருத்தப்பட்டுள்ளன. எல்லா வாகனங்களில் ஒரு நிலையான அம்சமாக உள்ளே ஒரு பின்புறம் காணும் கண்ணாடி கொடுக்கப்பட்டுள்ளது. இவற்றைத்தவிர, இந்த செடானை மேலும் பூரணமாக்க இன்னும் பல அம்சங்கள் கேபினுக்குள்ளே பதிக்கப்பட்டுள்ளன.

உட்புற வசதி:


பயணிப்பவருக்கு அதிக வசதி தரும் வகையில் பல சிறப்பம்சங்கள் இந்த தரவரிசையில் வழங்கப்படுகிறது. ஓட்டுனரின் வசதிக்காக கொடுக்கப்பட்டுள்ள பல வசதிகளில் மிக முக்கியமானது, பவர் ஸ்டியரிங் செயல்பாடு. இது ஓட்டுனரின் ஒட்டுமொத்த முயற்சியை எளிதாக்குகிறது. மேலும் ஓட்டுனரின் கூடுதல் சௌகரியத்திற்காக ஸ்டியரிங் வீல் சீராக்கத்தக்க சாய்மானம் கொண்டதாய் பொருத்தப்பட்டுள்ளது. கேபின் தட்ப வெப்பத்தை சீராக்க எல்லா தரவரிசையிலும் குளிர் சாதன அமைப்பு பொருத்தப்பட்டுள்ளது. இந்த அமைப்பின் காற்று வெண்டுகள் சரியான இடங்களில் அமைக்கப்பட்டு அறை முழுவதும் சமசீராக காற்று பரவ உதவுகிறது. எல்லா முன்புற மற்றும் பின்புற கதவுகளிலும் பவர் சாளரங்கள் பொருத்தப்பட்டுள்ளன. இது பயணிப்பவர்களுக்கு வசதியாகவும், சாதகாமகும் உள்ளது. ஓட்டுனருக்கு வசதியாக வெளிப்புறக் கண்ணாடிகளை உள்ளிருந்தே மாற்றி அமைக்க முடியும். மேலும், எல்லா தரவரிசைகளிலும், நிலையாக உட்புறத்தில் இரவும் பகலும் பின்புறம் காணும் கண்ணாடி பொருத்தப்பட்டுள்ளது. அதிக வசதிக்காக பின் இருக்கைகளில் உள்ள ஆர்ம் ரெஸ்டுகளில் வழங்கப்பட்டு அவற்றில் கப் ஹோல்டர்கள் பொருத்தப்பட்டுள்ளன. முன் இருக்கைகளுக்கு உயரம் மாறுபடுத்தக்கூடிய ஹெட்ரெஸ்டுகள் கொடுக்கப்பட்டுள்ளன. முன்பக்க பயணிகளுக்கு இது ஒரு சாதகமான அம்சம். உள்ளிருந்து ரிமோட் மூலம் எரிபொருள் நிரப்பும் வசதி, மற்றும் டேயில்கேட் திறக்கும் வசதி ஓட்டுனருக்கு மேலும் வசதியூட்டுகின்றன. ஓட்டுனருக்கும், துணை ஓட்டுனருக்கும் முன்பக்கத்தில் சன்வைஸர்கள் பொருத்தப்பட்டுள்ளன. மேலும் பயணியின் வைசரில் முகம்பார்க்கும் கண்ணாடி பொருத்தப்பட்டுள்ளது. எல்லா வாகனங்களிலும் ஒரு கர்டிசி விளக்கும், இருட்டு நேரங்களில் உதவ கூடுதாலாக டிக்கி உள்ளே ஒரு விளக்கும் பொருத்தப்பட்டுள்ளது. ஒரு 12v மின் அவுட்லெட் எல்லா தரவரிசையிலும் உள்ளது. இதன் உதவியால் மின் சாதனங்களை வாகனத்திலேயே வசதியாக சார்ஜ் செய்யலாம். உயர்ந்த தொழில்நுட்பம் கொண்ட டிஜிட்டல் டாகொமீட்டார் துல்லியமான தகவல்களைத் தருகிறது. அடிப்படை தரவரிசை தவிர எல்லா வாகனங்களிலும் தானியங்கு மைய கதவு பூட்டமைப்பு தரப்பட்டுள்ளது. மேலும் ஓட்டுனரின் வசதிக்காக சாவியில்லா நுழைவு வசதியும் செய்து தரப்பட்டுள்ளது. மேலும் வழக்கமான அனலாக் கடிகாரத்திற்கு பதில் டிஜிட்டல் கடிகாரம் பொருத்தப்பட்டுள்ளது. பின்புற வின்டஸ்க்ரீனில் பனிமூட்ட விலக்கு கருவி உயர் தரவரிசை வாகனங்களில் பொருத்தப்பட்டுள்ளது.

உட்புற அளவீடுகள்:


உட்புறம் ஐந்து பேர் மிகவும் வசதியாக அமர்ந்து பயணம் செய்யும் வகையில் விஸ்தாரமாக அமைக்கப்பட்டுள்ளது. டிக்கி இட அளவு சுமார் 370 லிட்டர் ஆகும். இதன் உள்ளே பெரிய பைகளையும் எளிதில் வைக்கலாம் .இந்த தரவரிசையின் பரந்த வீல்பேஸ் பயணிப்பவருக்கு அதிக கால் வைக்குமிடம் தருகிறது. தலை மற்றும் தோளுக்கான இடவசதி கூட மிகவும் தாராளமாக வழங்கப்பட்டுள்ளது. 42 லிட்டர் பெட்ரோல், 40 லிட்டர் டீசல் நிரப்பக்கூடிய எரிபொருள் டேங்க் குறிப்பிடத்தக்கது.

என்ஜின்:


இவ்வாகனம் டீசல் மற்றும் பெட்ரோல் வகைகளில் வெளிவருகிறது. பெட்ரோல் வடிவம், 1199cc இடப்பெயர்ச்சி திறன் கொண்ட 1.2-லிட்டர் ஸ்மார்ட்டெக் என்ஜின் பொருத்தப்பட்டுள்ளது. நான்கு சிலிண்டர்களும் பதினாறு வால்வுகளும் உடைய பெட்ரோல் என்ஜின் இரட்டை மேல்நிலை கேம்ஷாஃப்ட் வால்வு சிஸ்டத்தின் அடிப்படையில் வடிவமைக்கப்பட்டுள்ளது. இதனால் 6000 ஆர்பிஎம்மில் அதிகபட்சமான 82.4 பிஎச்பி ஆற்றலை வழங்கும் திறனும், 5000 ஆர்பிஎம்மில் 108.5என்.எம் உச்ச முறுக்குத்திறனை உற்பத்தி செய்யும் திறனும் கொண்டுள்ளது. அதே சமயம், டீசல் வடிவம், 1248cc இடப்பெயர்ச்சி திறன் கொண்ட 1.3-லிட்டர் ஸ்மார்ட்டெக் என்ஜின் பொருத்தப்பட்டுள்ளது நான்கு சிலிண்டர்களும் பதினாறு வால்வுகளும் உடைய பெட்ரோல் என்ஜின் இரட்டை மேல்நிலை கேம்ஷாஃப்ட் வால்வு சிஸ்டத்தின் அடிப்படையில் வடிவமைக்கப்பட்டுள்ளது. இந்த மோட்டரில் சாதாரண ரெயில் நேரடி இன்ஜெக்ஷன் எரிபொருள் சப்ளை முறையின் அடிப்படையில் லிட்டருக்கு 22.1 கிமீ எரிபொருள் சிக்கனத்தை வழங்குகிறது.

ஸ்டீரியோ மற்றும் துணைப்பொருட்கள்:


எல்லா வாகன வகைகளிலும், எந்த வகை பிளேயரையும் பயன்படுத்த உதவும் உயர் மட்ட ஆடியோ சிஸ்டம் உள்ளது. இது ஒரு சிடி மற்றும் எம்பி 3 பிளேயர் என்று கொண்ட ஒரு 2-டின் மியூசிக் சிஸ்டம் . AM மற்றும் FM செயல்பாடுகளை கொண்ட ஒரு ரேடியோ ட்யூனரும் உள்ளது. Aux-in மற்றும் USB போர்டுகளும் உள்ளன. ப்ளூடூத் இணைப்பும் மிகச் சாதகமான முறையில் அமைந்துள்ளது. இவற்றுடன், காட்சிசார் நேவிகேஷன் அமைப்பும் இவ்வாகனங்களின் முக்கிய அம்சங்களில் ஒன்று. மேலும், வாங்குபவர் தமது தனிப்பட்ட விருப்பத்திற்கேற்ப மாற்றியமைத்துக் கொள்ளமுடியும். இந்த துணைப்பொருட்களை அங்கீகரிக்கப்பட்ட டீலர்களிடமிருந்து கூடுதல் கட்டணத்திற்கு பெற முடியும். மிதியடிகள், உடற்பகுதியில் வரையப்படும் அலங்கார ஸ்டிக்கர்கள், தோலாலான உறைகள் மற்றும் ஸ்பாயிலர் போன்ற அம்சங்கள் சேர்க்கப்பட முடியும்.

சக்கரங்கள்:


உயர் தர வரிசை வாகனத்தில், 175/70 R14 அளவுள்ள ரேடியல் டயர்கள் மூடிய ஸ்டைலான அல்லாய் சக்கரங்கள் கொடுக்கப்பட்டுள்ளன. மற்ற தரவரிசைகள், முழு சக்கர மூடிகளுடன் கூடிய வலுவான ஸ்டீல் சக்கரங்கள் பொருத்தப்பட்டுள்ளன. எல்லா வாகனங்களிலும் பொதுவாக டிக்கியில் ஒரு உபரி சக்கரம் மற்றும் டயர் பஞ்சர் சரி செய்ய உதவும் டூல்கிட்டும் கொடுக்கப்படுகிறது.

பிரேக் போடுதல் மற்றும் கையாளுதல்:


முன்சக்கரங்களில் டிஸ்க் பிரேக்குகளும் பின் சக்கரங்களில் டிரம் பிரேக்குகளும் பொருத்தப்பட்டுள்ளன. முன்புற ஆக்சிலில் மேக்பெர்சொன் ஸ்ட்ரட்டும் பின்புற ஆக்சிலில் டார்ஷன் பீமும் அமைக்கப்பட்டு, மிக நல்ல சஸ்பென்ஷன் கொடுக்கப்பட்டுள்ளது. சீரற்ற சாலைகளால் ஏற்படும் பாதிப்புகளைக் குறைக்க இந்த ஆக்சில்களில் ஷாக் அப்சார்பர்கள் பொருத்தப்பட்டுள்ளன. உயர் தரவரிசையின் பெட்ரோல் மற்றும் டீசல் வடிவங்கள் மேம்பட்ட இரண்டிலும் ஆண்டி லாக் பிரேக்கிங் சிஸ்டம் பொருத்தப்பட்டுள்ளது. மேலும் இதனுடன், மின்னணு பிரேக் ஃபோர்ஸ் டிஸ்ட்ரிபியூஷனும் இணைக்கப்பட்டுள்ளது. இந்த இயக்கவியல், சிறந்த வாகனக் கட்டுப்பாட்டை தருவதுடன் எல்லா வகையான சாலைகளிலும் சிறந்த கிரிப் தருகிறது. இது மிக நல்ல 5.15 மீட்டர் குறைந்தபட்ச திரும்பும் ரேடியஸ் கொண்டுள்ளது. சீராக்கத்தக்க சாய்மானம் கொண்ட ஸ்டியரிங் வீலுடன் கூடிய பவர் ஸ்டியரிங் பொருத்தப்பட்டுள்ளது. கூடுதலாக, எல்லா தரவரிசை வாகனங்களிலும், சீராக்கத்தக்க சாய்மானம் கொண்ட ஸ்டியரிங் வீலுடன் கூடிய பவர் ஸ்டியரிங் பொருத்தப்பட்டுள்ளன.

பாதுகாப்பு மற்றும் பத்திரத்தன்மை:


இந்த செடானின் முழு உடலமைப்பும் இதனை எந்தவித அச்சுருத்துதலில் இருந்தும் பாதுகாக்கும் வகையில் அமைக்கப்பட்டுள்ளது. இது வலுவான பாதுகாப்பு கூண்டு உடலமைப்பு முறையில் வடிவமைக்கப்பட்டுள்ளது. அடுத்த அச்சுறுத்தல் திருட்டு, எல்லா தரவரிசை வாகனங்களிலும் இம்மொபலைசர் பொருத்தி திருட்டிலிருந்தும் பாதுகாப்பு வழங்கப்பட்டுள்ளது. இது வாகனத்தை சேதப்படுத்தும் முயற்சியை கண்டுபிடித்து என்ஜினை செயலிழக்கச் செய்கிறது. பயணியருக்கு 3 புள்ளி ELR சிஸ்டம் கொண்ட இருக்கை பெல்டுகள் வழங்கப்பட்டுள்ளன. கூடுதல் பாதுகாப்பிற்கு ஓட்டுனர் இருக்கைக்கு இருக்கை பெல்ட் அணிய அறிவிப்பு வசதியும் தரப்பட்டுள்ளது. கூடவே கீ-இன் அறிவிப்பும் உள்ளது. உயர் தரவரிசை வாகனங்களில் மேம்பட்ட பிரேக் அமைப்பு சில வடிவங்களில் கிடைக்கிறது. இவற்றில் ஆண்டி லாக் பிரேக்கிங் அமைப்பும் மின்னணு பிரேக் ஃபோர்ஸ் டிஸ்ட்ரிபியூஷனும் பொருத்தப்பட்டுள்ளன. பின்புற வின்ட்ஸ்க்ரீனில் உயர் அமை நிறுத்த விளக்கு உள்ளது. இவ்விளக்கு இந்த வாகனம் இருப்பதை மற்ற வாகனங்களுக்கு தெரிவிப்பதுடன், விபத்துகளையும் தவிர்கிறது. இத்தரவரிசையில், மேலும் சாதமாக்க, தானியங்கு மைய கதவு பூட்டமைப்பும் தரப்பட்டுள்ளது. இந்த அம்சத்திற்கு மேலும் வலு சேர்க்க தானியங்கி வேகத்தை உணர்ந்து கதவு பூட்டும் செயல்பாடும் சேர்க்கப்பட்டுள்ளது. ஒலி எழுப்பி இரட்டிப்பு செயல்தாக்கம் ஏற்படுத்த இந்த மாடலில் இரட்டை ஹாரன் அம்சமும் கொடுக்கப்பட்டுள்ளது. மோதல்களினால் ஏற்படும் விளைவுகளை தவிர்க்க முன்புற மற்றும் பின்புற கதவுகளில் பக்கவாட்டு இம்பாக்ட் பீம்கள் அமைக்கப்பட்டுள்ளன.

நேர்மறை அம்சங்கள்:


1. வெளிப்புறத் தோற்றம் மிகவும் கவர்ச்சிகரமானதாக உள்ளது.
2. நன்கு நிறுவப்பட்ட ப்ரேகிங் மெக்கானிசம் கொண்டுள்ளது.
3. உட்புறம் நாகரிகமாக வடிவமைக்கப்பட்டுள்ளது.
4. உட்புறம் வசதியாகவும் விஸ்தாரமாகவும் உள்ளது.
5. விலை மிகவும் சாதகமாக உள்ளது.

எதிர்மறை அம்சங்கள்:


1. டீசல் என்ஜின் அதிக சத்தம் செய்யக்கூடும்.
2. எரிபொருள் சிக்கனம் முன்னேற்றப்பட வேண்டும்.
3. கிரவுண்ட் க்ளியரன்ஸ் எதிர்பார்த்த அளவு இல்லை.
4. உயர் தரவரிசைகளில் மட்டுமே காற்றுப்பைகள் கொடுக்கப்பட்டுள்ளன.
5.ABS குறைந்த தரவரிசை வாகனங்களுக்கும் கொடுக்கப்பட வேண்டும்.